ஜோ பைடனை சந்திக்க விரும்பவில்லை: இப்ராஹின் ரைசி| Dinamalar

'ஜோ பைடனை சந்திக்க விரும்பவில்லை': இப்ராஹின் ரைசி

Updated : ஜூன் 21, 2021 | Added : ஜூன் 21, 2021 | கருத்துகள் (7)
Share
டெஹ்ரான்: ஈரான் நாட்டில் ஊழலுக்கு எதிராக குரல் கொடுக்கும் மூத்த அரசியல் தலைவர் இப்ராகிம் ரைசி (60) ஈரானின் அடுத்த அதிபராகப் பதவியேற்றுள்ளார். இவர் அமெரிக்க அதிபர் ஜோ பைடனை சந்திக்க விரும்பவில்லை எனத் தெரிவித்துள்ளார்.ஈரான் அதிபர் ஹசன் ரோஹானி அதிபர் பதவியிலிருந்து வரும் ஆகஸ்ட் மாதம் விலக உள்ள நிலையில் 60 வயதான இப்ராஹிம் ரைசி இஸ்லாமிய குடியரசு அதிபர் தேர்தலில்

டெஹ்ரான்: ஈரான் நாட்டில் ஊழலுக்கு எதிராக குரல் கொடுக்கும் மூத்த அரசியல் தலைவர் இப்ராகிம் ரைசி (60) ஈரானின் அடுத்த அதிபராகப் பதவியேற்றுள்ளார். இவர் அமெரிக்க அதிபர் ஜோ பைடனை சந்திக்க விரும்பவில்லை எனத் தெரிவித்துள்ளார்.



latest tamil news




ஈரான் அதிபர் ஹசன் ரோஹானி அதிபர் பதவியிலிருந்து வரும் ஆகஸ்ட் மாதம் விலக உள்ள நிலையில் 60 வயதான இப்ராஹிம் ரைசி இஸ்லாமிய குடியரசு அதிபர் தேர்தலில் வெற்றி பெற்றுள்ளார். அமெரிக்கா உள்ளிட்ட மேலை நாடுகளில் எதிர்ப்பை சம்பாதித்து வரும் ஈரான் பொருளாதாரத்தை முன்னுக்குக் கொண்டுவர இப்ராஹிம் சிறந்த தலைவராக விளங்குவார் என்று அவரது ஆதரவாளர்கள் நம்பி வருகின்றனர்.
ஈரானின் உயரிய தலைவர் அயோடெல்லா அல் கமேனி அடுத்த மாதம் தனது 82-வது பிறந்த நாளைக் கொண்டாட உள்ளார். வயது மூப்பு காரணமாக இவர் அரசியலில் இருந்து விரைவில் ஓய்வு பெறுவார் என்று எதிர்பார்க்கப்படுகிறது. தற்போது ஈரான் அதிபராக பதவி ஏற்க இருக்கும் இப்ராஹிம் ரைசி, கமேனியை அடுத்து ஈரானின் உயரிய தலைவராகப் பதவி ஏற்க வாய்ப்புள்ளது என்று அந்நாட்டு ஊடகங்கள் தெரிவித்து வருகின்றன.

ஈரானுக்கு விதிக்கப்பட்ட பொருளாதாரத் தடைகளை நீக்கி அதன் சர்வதேச வர்த்தகத்தை அதிகரிக்க இப்ராஹிம் பல திட்டங்களை முன்மொழிந்துள்ளார். 1960-ஆம் ஆண்டு பிறந்த இப்ராஹிம் 1979-ஆம் ஆண்டு தனது 19வது வயதில் இஸ்லாமிய புரட்சியில் கலந்துகொண்டு அரசியல் வட்டாரத்தில் பிரபலமாகிவிட்டார்.


இப்ராஹிம் ரைசி மறுப்பு



ஈரான் அணுவாயுத சோதனைக்கு பல ஆண்டு காலமாக அமெரிக்கா கடும் எதிர்ப்பு தெரிவித்து வருகிறது. இதுகுறித்து இரு நாடுகளும் பேச்சுவார்த்தை நடத்த வலியுறுத்தப்படும் நிலையில், புதிதாக ஈரான் அதிபர் பதவி ஏற்றுள்ள இப்ராஹிம் ரைசி, இதற்கு மறுப்பு தெரிவித்துள்ளார்.


latest tamil news



இதுகுறித்து தான் ஜோ பைடனுடன் ஆலோசிக்க விரும்பவில்லை என்றுள்ளார். இதனையடுத்து ரைசி அமெரிக்காவில் நுழைய பைடன் அரசு தடை விதிக்குமென எதிர்பார்க்கப்படுகிறது. ஒருவேளை தடை விதிக்கப்படுமானால் அமெரிக்க அரசால் தடைவிதிக்கப்பட்ட முதல் ஈரான் அதிபர் என்கிற பெயரை ரைசி பெறுவார் என்பது குறிப்பிடத்தக்கது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X