பொது செய்தி

இந்தியா

அன்னிய நேரடி முதலீடு: ஐ.நா., அறிக்கை ; உலகளவில் இந்தியாவுக்கு 5வது இடம்

Updated : ஜூன் 22, 2021 | Added : ஜூன் 22, 2021 | கருத்துகள் (1)
Share
Advertisement
புதுடில்லி : உலகளவில், அன்னிய நேரடி முதலீட்டை அதிகளவில் ஈட்டிய நாடுகள் வரிசையில், 5வது இடத்தை இந்தியா பிடித்துள்ளதாக, 'ஐக்கிய நாடுகள் சபை' தெரிவித்து உள்ளது.இது குறித்து, ஐக்கிய நாடுகள் சபையின், வர்த்தக மற்றும் மேம்பாட்டு மாநாட்டின், 'உலக முதலீட்டு அறிக்கை - 2021' அறிக்கையில் மேலும் தெரிவிக்கப்பட்டுள்ளதாவது:கடந்த, 2020ம் ஆண்டில் மட்டும், அன்னிய நேரடி

புதுடில்லி : உலகளவில், அன்னிய நேரடி முதலீட்டை அதிகளவில் ஈட்டிய நாடுகள் வரிசையில், 5வது இடத்தை இந்தியா பிடித்துள்ளதாக, 'ஐக்கிய நாடுகள் சபை' தெரிவித்து உள்ளது.



latest tamil news



இது குறித்து, ஐக்கிய நாடுகள் சபையின், வர்த்தக மற்றும் மேம்பாட்டு மாநாட்டின், 'உலக முதலீட்டு அறிக்கை - 2021' அறிக்கையில் மேலும் தெரிவிக்கப்பட்டுள்ளதாவது:கடந்த, 2020ம் ஆண்டில் மட்டும், அன்னிய நேரடி முதலீட்டாளர்கள், இந்தியாவில், 4.74 லட்சம் கோடி ரூபாய் அளவுக்கு முதலீடு செய்துள்ளனர்.'டிஜிட்டல்' தேவைகள்இதையடுத்து உலகளவில், அதிகமாக அன்னிய நேரடி முதலீட்டை ஈர்த்த நாடுகள் வரிசையில் இந்தியா, 5வது இடத்தை பிடித்துள்ளது. உலகளாவிய அன்னிய நேரடி முதலீடுகள், 2020ம் ஆண்டில், அதற்கு முந்தைய ஆண்டுடன் ஒப்பிடும்போது, 35 சதவீதம் குறைந்துவிட்டது.கொரோனா பாதிப்பை தடுக்க, உலகெங்கிலும் ஊரடங்கு உத்தரவுகள் பிறப்பிக்கப்பட்டன.


latest tamil news




இது முதலீட்டு திட்டங்களை மந்தப்படுத்தி விட்டது. மேலும், பன்னாட்டு நிறுவனங்கள், புதிய திட்டங்களை தொடர்வதில் தொய்வை ஏற்படுத்தி உள்ளது.இருப்பினும், இந்தியாவில், அந்நிய நேரடி முதலீடு, 2019ம் ஆண்டில், 3.77 லட்சம் கோடி ரூபாயாக இருந்தது, 2020ம் ஆண்டில், 27 சதவீதம் அதிகரித்து, 4.74 லட்சம் கோடி ரூபாயாக உயர்ந்துஉள்ளது.குறிப்பாக, தகவல் மற்றும் தகவல் தொடர்பு தொழில்நுட்ப துறையில் மேற்கொள்ளப்பட்ட கையகப்படுத்துதல் நடவடிக்கைகளால் அதிகரித்தது. கொரோனா தொற்று, உலகளவில் 'டிஜிட்டல்' உள்கட்டமைப்பு மற்றும் சேவைகளுக்கான தேவையை அதிகரித்தது.இதனால், தகவல் மற்றும் தகவல் தொடர்பு தொழில்நுட்ப துறையில் அதிக முதலீடுகள் மேற்கொள்ளப்பட்டன.இந்தியாவில் இத்துறையில், மின்னணு வர்த்தக நிறுவனமான, 'அமேசான்' மட்டுமே, 20 ஆயிரத்து, 720 கோடி ரூபாய் அளவுக்கு முதலீட்டை மேற்கொண்டிருக்கிறது.

இரண்டாவது அலை : இப்போது இரண்டாவது அலை, இந்தியாவின் பொருளாதாரத்தில் மிகப் பெரிய பாதிப்பை ஏற்படுத்தி இருக்கிறது. வாகன தயாரிப்பு துறையில் முன்னணியில் உள்ள மஹாராஷ்டிராவும், தகவல் தொழில்நுட்ப துறையில் முன்னணியில் உள்ள பெங்களூருவும், இரண்டாவது அலையால் மிகவும் பாதிப்புக்கு உள்ளாகி இருக்கிறது.இருப்பினும், இந்தியாவின் வலுவான அடிப்படைகள் நடுத்தர காலத்திற்கு நம்பிக்கையை அளிப்பதாக இருக்கிறது. இந்தியாவுக்கான அன்னிய நேரடி முதலீடு, நீண்டகால வளர்ச்சி போக்கில் உள்ளது. மேலும், இந்நாட்டு சந்தை, தொடர்ந்து முதலீட்டாளர்களை ஈர்க்கும்.

மேலும் தகவல் மற்றும் தகவல் தொலைத் தொடர்பு தொழில்நுட்ப துறைகளில் முதலீடுகள் தொடர்ந்து அதிகரிக்கும் என்று எதிர்பார்க்கலாம். நாட்டின் முன்னுரிமை முதலீட்டு துறையான ஏற்றுமதி தொடர்பான உற்பத்தி மீட்சி பெற, அதிக காலம் ஆகும். ஆனால், அரசாங்கத்தின், உற்பத்தியுடன் இணைந்த ஊக்கச்சலுகை போன்ற திட்டங்கள் இத்துறை மீட்சி பெற உதவும். உலகளவில், அதிக அன்னிய நேரடி முதலீடுகளை மேற்கொண்ட, 20 நாடுகள் வரிசையில், இந்தியா 18வது இடத்தை பிடித்துள்ளது. இவ்வாறு தெரிவிக்கப்பட்டுள்ளது.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
N.Purushothaman - Cuddalore,மலேஷியா
22-ஜூன்-202106:32:49 IST Report Abuse
 N.Purushothaman வரவேற்க்கத்தக்கது ..ஆத்ம நிர்பர் பாரத் திட்டத்தின் மூலம் உள்நாட்டு தயாரிப்புகள் மற்றும் அதன் நுகர்வு அதிகரித்து ஏற்றமதியும் அதிகரித்து உள்ளது ...இது இறக்குமதி மற்றும் ஏற்றுமதிக்கு இடையேயுள்ள வர்த்தக பற்றாக்குறையை குறைத்தும் உள்ளது .... உற்பத்தி துறையில் சீனாவுக்கு மாற்றாக இந்தியா உருவெடுத்து உள்ளது மற்றும் உலக நாடுகளிடம் இந்தியா மீதுள்ள நம்பிக்கைய அதிகரிக்க செய்துள்ளது மற்றொரு சிறப்பு ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X