பிரதமரின் அனைத்துக் கட்சி கூட்டத்தில் பங்கேற்க காஷ்மீர் கட்சிகள் முடிவு!| Dinamalar

பிரதமரின் அனைத்துக் கட்சி கூட்டத்தில் பங்கேற்க காஷ்மீர் கட்சிகள் முடிவு!

Updated : ஜூன் 22, 2021 | Added : ஜூன் 22, 2021 | கருத்துகள் (10)
ஸ்ரீநகர்: ஜம்மு காஷ்மீர் யூனியன் பிரதேசத்திற்கு தேர்தல் நடத்துவது உள்ளிட்ட திட்டங்கள் குறித்து விவாதிக்க பிரதமர் அழைப்பு விடுத்த அனைத்துக் கட்சி கூட்டத்தில், பங்கேற்பது என காஷ்மீரின் குப்கர் கூட்டணி முடிவு செய்துள்ளது.குப்கர் பிரகடனத்திற்கான மக்கள் கூட்டணி என்ற பெயரில் காஷ்மீரின் பிரதான 6 கட்சிகள் இணைந்துள்ளன. அதில் பரூக் அப்துல்லாவின் தேசிய மாநாட்டு கட்சி,
பிரதமர், காஷ்மீர், கட்சிகள், கூட்டம், ஜம்முகாஷ்மீர்,

ஸ்ரீநகர்: ஜம்மு காஷ்மீர் யூனியன் பிரதேசத்திற்கு தேர்தல் நடத்துவது உள்ளிட்ட திட்டங்கள் குறித்து விவாதிக்க பிரதமர் அழைப்பு விடுத்த அனைத்துக் கட்சி கூட்டத்தில், பங்கேற்பது என காஷ்மீரின் குப்கர் கூட்டணி முடிவு செய்துள்ளது.

குப்கர் பிரகடனத்திற்கான மக்கள் கூட்டணி என்ற பெயரில் காஷ்மீரின் பிரதான 6 கட்சிகள் இணைந்துள்ளன. அதில் பரூக் அப்துல்லாவின் தேசிய மாநாட்டு கட்சி, மெகபூபாவின் மக்கள் ஜனநாயக கட்சி மற்றும் கம்யூனிஸ்ட் கட்சிகள் உள்ளிட்டவை அடங்கும். காஷ்மீருக்கான சிறப்பு அந்தஸ்து வழங்கும் 370-வது பிரிவை ரத்துசெய்து, அவற்றை இரண்டு யூனியன் பிரதேசங்களாக பிரித்த மத்திய அரசின் முடிவை தொடர்ந்து இக்கூட்டணி உண்டானது. காஷ்மீருக்கு மீண்டும் மாநில அந்தஸ்து, சிறப்பு அந்தஸ்து ஆகிய கோரிக்கைகளை முன் வைத்து இவர்கள் இயங்கி வருகின்றனர்.

இந்நிலையில் ஜூன் 24 அன்று காஷ்மீர் விவகாரங்கள் குறித்து ஆலோசிக்க யூனியன் பிரதேசத்திலுள்ள 14 கட்சி தலைவர்களுக்கு பிரதமர் மோடி அழைப்பு விடுத்தார். பிரதமர் தலைமையிலான இந்த அனைத்துக் கட்சி கூட்டம், ஜம்மு காஷ்மீரில் சட்டசபை தேர்தல் நடத்துவது, பிற அரசியல் செயல்முறைகளை மேம்படுத்துவதற்கான முயற்சியாக பார்க்கப்படுகிறது. அக்கூட்டத்தில் பங்கேற்பதா, வேண்டாமா என்பது குறித்து குப்கர் கூட்டணி தலைவர்கள் இன்று (ஜூன், 22) கூடி விவாதித்தனர்.

பின்னர் செய்தியாளர்களை சந்தித்த அவர்கள், தங்கள் கூட்டணி பிரதமரின் அனைத்து கட்சி கூட்டத்தில் பங்கேற்கும் என அறிவித்தனர்.


latest tamil news



பிடிபி கட்சி தலைவர் மெகபூபா முப்தி கூறியதாவது: தோஹாவில் தலிபான் அமைப்பினருடன் மத்திய அரசு பேசுகிறது. அதேபோல், காஷ்மீர் குறித்தும் பேச வேண்டும். பிரச்னைகளை தீர்க்க பாகிஸ்தானுடன் இந்தியா பேச்சுவார்த்தை நடத்த வேண்டும். இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X