பொது செய்தி

இந்தியா

கண்காணிப்பு போதும், கவலை தேவையில்லை: டெல்டா பிளஸ் வைரஸ் குறித்து நிபுணர்கள்

Updated : ஜூன் 23, 2021 | Added : ஜூன் 23, 2021 | கருத்துகள் (7)
Share
Advertisement
புது டில்லி: உருமாறிய கொரோனா வைரஸ் வகையான டெல்டா பிளஸ்ஸை ஆபத்தானது என மத்திய அரசு வகைப்படுத்தியுள்ள நிலையில், அதனை நிரூபிக்க இதுவரை எந்தவொரு தரவுகளும் இல்லை என பிரபல வைரலாஜிஸ்டும், ராயல் சொசைட்டி ஆப் லண்டனின் முதல் இந்திய பெண் உறுப்பினருமான ககன்தீப் கங் தெரிவித்துள்ளார். இந்தியாவில் கடந்த ஆண்டு கொரோனா வைரஸின் டெல்டா வகை கண்டறியப்பட்டது. அது தான் இந்த

புது டில்லி: உருமாறிய கொரோனா வைரஸ் வகையான டெல்டா பிளஸ்ஸை ஆபத்தானது என மத்திய அரசு வகைப்படுத்தியுள்ள நிலையில், அதனை நிரூபிக்க இதுவரை எந்தவொரு தரவுகளும் இல்லை என பிரபல வைரலாஜிஸ்டும், ராயல் சொசைட்டி ஆப் லண்டனின் முதல் இந்திய பெண் உறுப்பினருமான ககன்தீப் கங் தெரிவித்துள்ளார்.



latest tamil news



இந்தியாவில் கடந்த ஆண்டு கொரோனா வைரஸின் டெல்டா வகை கண்டறியப்பட்டது. அது தான் இந்த கோடைக்காலத்தில் கொடிய இரண்டாம் அலை நோய்த்தொற்றுகளை ஏற்படுத்தியதாக கருதப்படுகிறது. தற்போது அதனுடன் தொடர்புடைய டெல்டா பிளஸ் வகை பரவலாக ஆங்காங்கே இருப்பது தெரிய வருகிறது. இந்தியாவில் இந்த டெல்டா பிளஸ் வகை முதலில் ஏப்ரலில் கண்டறியப்பட்டது. 40 டெல்டா பிளஸ் மாதிரிகளில் 16 மஹாராஷ்டிராவில் உறுதியாகியிருக்கிறது. சென்னையில் இன்று (ஜூன் 23) ஒருவரிடம் உறுதிபடுத்தப்பட்டுள்ளது. இந்தியா தவிர அமெரிக்கா, பிரிட்டன், ஜப்பான், சீனா என மேலும் 9 நாடுகளில் இவ்வகை கண்டுபிடிக்கப்பட்டுள்ளது.


ஆபத்தானது என்பதற்கு தரவுகள் இல்லை



உருமாறிய வைரஸ் வேகமாக பரவினால், தீவிர பாதிப்பை உண்டாக்கினால், சிகிச்சை மற்றும் தடுப்பூசிகளின் பலனை குறைத்தால் அவற்றை கவலைக்குரிய வகை (Variant of concern) என வகைப்படுத்துவார்கள். தற்போது டெல்டா பிளஸ்ஸை மத்திய அரசு அப்படி தான் வகைப்படுத்தியுள்ளது. ஆனால் அவை வேகமாக பரவுகிறது அல்லது கடுமையான பாதிப்பை ஏற்படுத்துகிறது என்பதற்கான தரவுகளேதும் இல்லை என வைராலஜிஸ்ட் ககன்தீப் கங் கூறுகிறார். அப்படி இருக்கும் போது விரைவாக முடிவுக்கு வர தேவையில்லை, அதனை உறுதிப்படுத்த உயிரியல் மற்றும் ஆய்வக தகவல்கள் தேவை என்கிறார்.


latest tamil news




கண்காணித்தால் போதும்!



கொரோனா வைரஸ் மற்றும் இன்ப்ளூயன்ஸா வைரஸ்களின் மரபணு தரவுகளை அனைவரும் அணுகக் கூடிய வகையில் வைத்திருக்கும் ஒரு அமைப்பு ஜி.ஐ.எஸ்.ஏ.ஐ.டி., அதில் டெல்டா பிளஸ் வகையின் 166 உதாரணங்கள் பகிரப்பட்டுள்ளன. அவற்றின் மூலம் அசல் டெல்டாவை விட டெல்டா பிளஸ் ஆபத்தானது என்று நம்புவதற்கு தங்களுக்கு அதிக காரணம் கிடைக்கவில்லை என லூசியானா மாநில பல்கலைக்கழகத்தின் வைராலஜிஸ்ட், டாக்டர் ஜெர்மி காமில் கூறியுள்ளார். “பலவீனமானவர்கள் அல்லது முழுமையாக தடுப்பூசி எடுத்துக்கொள்ளாதவர்களிடையே வேண்டுமானால் லேசான பாதிப்பை ஏற்படுத்தலாம். அதனால் கவலைப்பட தேவையில்லை, கண்காணிப்பது நல்லது.” என கூறியுள்ளார்.

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
B.V. Prakash - Bhavani,இந்தியா
24-ஜூன்-202105:02:25 IST Report Abuse
B.V. Prakash அஞ்சுவது அஞ்சாமை பேதமை. பயம் கொள்ள செய்தால் மட்டுமே எளிதில் இதை தீர்க்க முடியும். அரசு இறப்பு எண்ணிக்கையை குறைத்து காட்டியதாக ஒரு குற்றச்சாட்டு உள்ளது. அது உண்மை எனில் தவறு. இறப்பை அதிகமாக காட்டினால் மட்டுமே மக்கள் விதிகளை மதிப்பார்கள். வேப்பமர உச்சியில் பேய் ஒன்று ஆடுதுனு சொல்லி பயமுறுத்தியது குழந்தைகளை காப்பதற்காக தான். இரட்டிப்பு பயம் கூட காட்டலாம். பொய் கூட சொல்லலாம். அப்ப தான் இதை வெல்ல முடியும்.
Rate this:
Cancel
kattus - chennai,இந்தியா
23-ஜூன்-202122:18:24 IST Report Abuse
kattus Topa தலீவன் taasmac தொறந்து எல்லாம் பரப்பி உட்டுட்டான், இன்னும் உள்ளாட்சி தேர்தல் வேற நடத்த போறான்
Rate this:
Cancel
thiyagarajan - chennai,இந்தியா
23-ஜூன்-202122:17:57 IST Report Abuse
thiyagarajan டெல்டா பிளஸ் வகை மிகவும் ஆபத்தானது வீரியம் மிக்கது. வெகு வேகமாகப் பரவும் தன்மை கொண்டது என பரவலாகக் கூறப்படுகிறது. இது மிகவும் முக்கியமான சந்தர்ப்பம். மிகவும் அற்புதமான சந்தர்ப்பம். தற்போது டெல்டா பிளஸ் வகை மாநிலத்திற்கு ஒன்றிரண்டு பேருக்கு மட்டுமே உள்ளது. இந்நிலையில் டெல்டா பிளஸ் கொரோனா நோயாளிகளை உடனடியாக முதலில் தனிமைபடுத்த வேண்டும். அவர்களுக்குப் பல ஆயிரங்கள் சில லட்சங்கள் செலவு செய்தாலும் எந்தத்தவறும் இல்லை. இந்த நோயாளிகளுக்கு five star வசதிகளைத்தரவேண்டும். நஷ்டமே இல்லை தனிமைப் படுத்திப் பராமரிக்க வேண்டும் என்பதுதான் ஒரே லட்சியமாக இருக்க வேண்டும். தற்போது அலட்சியமாக அவர்களைப் பொதுமக்கள் மத்தியில் உலவவிட்டால் இரண்டாம் அலையைவிடப் பேராபத்தாய் முடிந்து விடும். பிறகு தும்பை விட்டு வாலைப்பிடித்த கதைதான். கொரோனா முதல் அலையின் ஏர்போர்ட்டை மூடி விமானப் பயணிகளைத் தடுக்கத் தவறியதால் வேகமாகப் பரவியது. தற்போது நோயாளிக்குச் சகல வசதிகளும் கொடுத்தாவது டெல்டா பிளஸ்ஸைத் தடுக்க அரசாங்கம் தவறிவிட்டால் பல லட்சம் உயிர்கள் பலியாகும். கூடவே பல ஆயிரம் கோடி பணமும் செலவாகும். மக்கள் பேராபத்தில் சிக்கி சின்னாபின்னாகிக் கஷ்டப்படுவர். அரசாங்கம் விழித்துக் கொள்ளுமா? Prevention is better than cure என்பதைப் புரிந்து கொள்ளுமா? அல்லது வழக்கம்போல் வளரவிட்டு ஒருவரையொருவர் குறை சொல்லிக் கொண்டு திரிவார்களா? எல்லாம் அந்த ஆண்டவனுக்குத்தான் வெளிச்சம்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X