புதிய விதிகளை எதிர்த்து 'டிஜிட்டல் நியூஸ்' வெளியீட்டாளர் சங்கம் வழக்கு

Updated : ஜூன் 25, 2021 | Added : ஜூன் 23, 2021 | கருத்துகள் (8)
Share
Advertisement
சென்னை :தகவல் தொழில்நுட்ப புதிய விதிகளை எதிர்த்து, 'டிஜிட்டல் நியூஸ்' வெளியீட்டாளர் சங்கம் தொடர்ந்த வழக்கில், மத்திய அரசு பதில் அளிக்க, சென்னை உயர் நீதிமன்றம் உத்தரவிட்டுள்ளது. கடந்த பிப்ரவரியில், தகவல் தொழில்நுட்ப விதிகளை மத்திய அமைச்சர் அறிவித்தார். அதன்பின், இந்த விதிகள் அரசு கெஜட்டில் வெளியிடப்பட்டது. ஆன்லைனில் வெளியாகும் செய்தி உள்ளடக்கத்தை ஒழுங்குபடுத்த,
தகவல் தொழில்நுட்பம்,புதிய விதிகள், டிஜிட்டல் நியூஸ் ,வழக்கு

சென்னை :தகவல் தொழில்நுட்ப புதிய விதிகளை எதிர்த்து, 'டிஜிட்டல் நியூஸ்' வெளியீட்டாளர் சங்கம் தொடர்ந்த வழக்கில், மத்திய அரசு பதில் அளிக்க, சென்னை உயர் நீதிமன்றம் உத்தரவிட்டுள்ளது. கடந்த பிப்ரவரியில், தகவல் தொழில்நுட்ப விதிகளை மத்திய அமைச்சர் அறிவித்தார். அதன்பின், இந்த விதிகள் அரசு கெஜட்டில் வெளியிடப்பட்டது.

ஆன்லைனில் வெளியாகும் செய்தி உள்ளடக்கத்தை ஒழுங்குபடுத்த, விதிகள் ஏற்படுத்தப்பட்டுள்ளது. இந்த விதிகள், ஆன்லைன் வெளியீட்டாளர்களை கட்டுப்படுத்தும்.
உள்ளடக்கம் குறித்து வரும் புகார்களை விசாரிக்க, குழு அமைக்கப்பட்டுள்ளது.'சமூக ஊடகங்களை கட்டுப்படுத்தும் விதமான புதிய விதிகள், கருத்து சுதந்திரத்துக்கு எதிராக உள்ளன; ரகசிய உரிமையை, அரசியலமைப்பு சட்டத்தை, தகவல் தொழில்நுட்ப சட்டத்தை மீறுவதாக உள்ளது' என, உயர் நீதிமன்றத்தில், கர்நாடக இசை கலைஞரான டி.எம்.கிருஷ்ணா மனு தாக்கல் செய்தார்.

புதிய விதிகளை எதிர்த்து, டிஜிட்டல் நியூஸ் வெளியீட்டாளர்கள் சங்கம் மற்றும் பத்திரிகையாளர் முகுந்த் பத்மநாபன், உயர் நீதிமன்றத்தில் மனுத் தாக்கல் செய்தனர். மனுவில், 'புதிய விதிகளால், எங்களுக்கு எதிராக நடவடிக்கை எடுக்க வாய்ப்பு உள்ளது. எனவே, சில விதிகளுக்கு தடை விதிக்க வேண்டும்' என, கூறப்பட்டுள்ளது.

மனு, தலைமை நீதிபதி சஞ்ஜிப் பானர்ஜி, நீதிபதி செந்தில்குமார் ராமமூர்த்தி அடங்கிய அமர்வில், நேற்று விசாரணைக்கு வந்தது. மனுதாரர்கள் சார்பில், மூத்த வழக்கறிஞர் பி.எஸ்.ராமன் ஆஜரானார்.மனுவுக்கு, 15 நாட்களில் பதில் அளிக்க, மத்திய அரசுக்கு முதல் பெஞ்ச் உத்தரவிட்டு, ஏற்கனவே நிலுவையில் உள்ள மனுவுடன் இதையும் சேர்த்து, விசாரணையை மூன்று வாரங்களுக்கு தள்ளி வைத்தது.மேலும், 'மனுதாரர்களுக்கு எதிராக நடவடிக்கை எடுப்பதாக கருதுவதற்கு, போதிய அடிப்படை உள்ளது என, தெரிவிக்கப்பட்டது. தற்போது வரை எதிர் நடவடிக்கை எடுக்கப்படாததால், ஒட்டுமொத்த உத்தரவு பிறப்பிக்க முடியாது. 'குறிப்பிட்ட விதிகளை பயன்படுத்தி நடவடிக்கை எடுத்தால், இடைக்கால நிவாரணம் கோரி அணுகலாம்' என, முதல் பெஞ்ச் உத்தரவிட்டது.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rengaraj - Madurai,இந்தியா
24-ஜூன்-202115:08:00 IST Report Abuse
Rengaraj இந்த விதிகள் கருத்து சுதந்திரத்தை பாதிப்பதாக தெரியவில்லை. புகார் என்று வந்தால் யாருக்கு அளிப்பது என்று கேட்கப்பட்டிருக்கிறது. புகாரின் பேரில் நடவடிக்கை எடுக்கும் உயர் அதிகாரி யார் என்று கேட்கப்பட்டிருக்கிறது. பத்திரிகை என்று வந்துவிட்டால் புகார் என்ற ஒன்று வராமல் போகாது. அதை சந்திக்கும், பதில் அளிக்கும் உரிய நபர்களை பற்றிய விபரம் தருவது எப்படி கருத்து சுதந்திரத்துக்கு எதிரானதாக அமையும்? ஊடகங்கள் எது வேண்டும் என்றாலும் வெளியிடலாம் அரசு கேள்வியே கேட்கக்கூடாது என்றால் என்ன அர்த்தம் ?? அச்சு ஊடகங்கள் பற்றி கண்காணிக்க ஆர்.என்.ஐ. என்ற ஒரு மத்திய அரசின் அமைப்பே இருக்கிறது. அந்த ஊடகங்களுக்கென்று ஐ.என்.எஸ். என்ற ஒரு சுய கட்டுப்பாட்டு அமைப்பு உள்ளது. மின்னணு ஊடகங்களை கண்காணிக்க அப்படி ஒரு அமைப்பு இல்லை. அதனால் அது கேள்வி கேட்கிறது.
Rate this:
Cancel
seshadri - chennai,இந்தியா
24-ஜூன்-202115:06:26 IST Report Abuse
seshadri இன்றைய தேதியில் ஊடகங்கள் மிகவும் கேவலமாக நடந்து கொள்கின்றது இதை கட்டுப்படுத்த நல்ல சட்டங்கள் தேவை. தவிரவும் நீதி மன்றங்களும் தேவை இல்லாத விஷயங்களில் நிறைய தலை இடுகிறது. மிக அதிகமாக எல்லை மீறி உத்தரவுகள் பிறப்பிக்கப்படுகிறது இது நல்ல செயல் இல்லை.
Rate this:
Cancel
Sivagiri - chennai,இந்தியா
24-ஜூன்-202109:09:40 IST Report Abuse
Sivagiri ஆமாம் ஆமாம் - நாட்டில் ஏகப்பட்ட விதிகள் - பொய் சொல்ல கூடாது திருடக் கூடாது - அடித்து காயப்படுத்த கூடாது - காயத்தினால் உயிரிழக்க கூடாது - ஒண்-வேயில் போக்க கூடாது - ராங் சைடு போகக்கூடாது - சாராயம் காச்ச கூடாது கஞ்சா விக்கக் கூடாது - சே சே இந்த நாட்டில்தான் இவ்வளவு விதிகள் - இந்த விதிகளின் கீழ் நடவடிக்கை எடுக்க தடை விதிக்க வேண்டும் . .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X