உலக டெஸ்ட் 'சாம்பியன்' நியூசிலாந்து * இந்திய அணி ஏமாற்றம்

Updated : ஜூன் 23, 2021 | Added : ஜூன் 23, 2021 | கருத்துகள் (9)
Share
Advertisement
சவுத்தாம்ப்டன்: உலக டெஸ்ட் சாம்பியன்ஷிப் கோப்பை வென்றது நியூசிலாந்து. பைனலில் இந்தியாவை 8 விக்கெட்டுகள் வித்தியாசத்தில் வீழ்த்தியது.இந்தியா, நியூசிலாந்து அணிகள் மோதிய உலக டெஸ்ட் சாம்பியன்ஷிப் தொடரின் பைனல் சவுத்தாம்ப்டனில் நடந்தது. முதல் இன்னிங்சில் இந்தியா 217, நியூசிலாந்து 249 ரன்கள் எடுத்தன. முதல் இன்னிங்சில் 32 ரன்கள் பின் தங்கிய இந்திய அணி, ஐந்தாவது நாள்

சவுத்தாம்ப்டன்: உலக டெஸ்ட் சாம்பியன்ஷிப் கோப்பை வென்றது நியூசிலாந்து. பைனலில் இந்தியாவை 8 விக்கெட்டுகள் வித்தியாசத்தில் வீழ்த்தியது.



latest tamil news


இந்தியா, நியூசிலாந்து அணிகள் மோதிய உலக டெஸ்ட் சாம்பியன்ஷிப் தொடரின் பைனல் சவுத்தாம்ப்டனில் நடந்தது. முதல் இன்னிங்சில் இந்தியா 217, நியூசிலாந்து 249 ரன்கள் எடுத்தன. முதல் இன்னிங்சில் 32 ரன்கள் பின் தங்கிய இந்திய அணி, ஐந்தாவது நாள் முடிவில் இரண்டாவது இன்னிங்சில் 2 விக்கெட்டுக்கு 64 ரன்கள் எடுத்து, 32 ரன்கள் முன்னிலை பெற்றிருந்தது. கோஹ்லி (8), புஜாரா (12) அவுட்டாகாமல் இருந்தனர்.


கோஹ்லி 'அவுட்'

பைனலின் முதல், நான்காவது நாள் ஆட்டம் மழையால் ரத்தானது. இதனால் வெற்றியாளரை முடிவு செய்யும் வகையில் ஆறாவது நாளான நேற்று, 'ரிசர்வ் டேயில்' போட்டி நடந்தது. சிறப்பான பேட்டிங்கை வெளிப்படுத்தி போட்டியை இந்தியா 'டிரா' செய்யும் என எதிர்பார்க்கப் பட்டது. மாறாக இந்திய பேட்ஸ்மேன்கள் பொறுப்பற்ற முறையில் செயல்பட்டனர். ஜேமிசன் 'வேகத்தில்' கோஹ்லி (13), புஜாரா (15) அவுட்டாகினர்.


தேவையா ரிஷாப்

ரிஷாப் பன்ட், ரகானே இணைந்து அணியை மீட்பர் என ரசிகர்கள் நம்பினர். ரிஷாப் அவ்வப்போது பவுண்டரிகள் அடிக்க இந்திய அணியின் ஸ்கோர் 100 ரன்களை கடந்தது. இந்நிலையில் பவுல்ட் பந்தில் ரகானே (15), வாக்னர் 'வேகத்தில்' ஜடேஜா (16)வெளியேறினார். அணியை மீட்பார் என எதிர்பார்க்கப்பட்ட ரிஷாப் (41), பவுல்ட் பந்தை தேவையற்ற முறையில் அடித்து நிகோல்சிடம் 'கேட்ச்' கொடுத்தார்.

இதே ஓவரில் அஷ்வினையும் (7) அவுட்டாக்க, இந்தியா மீள முடியாத நிலைக்குச் சென்றது. முகமது ஷமி (13) மூன்று பவுண்டரி அடித்த நிலையில் சவுத்தீயிடம் சிக்கினார். கடைசியில் பும்ரா (0) அவுட்டாக, இந்திய அணி இரண்டாவது இன்னிங்சில் 170 ரன்னுக்கு சுருண்டது.


latest tamil news




எளிய இலக்கு

இரண்டாவது இன்னிங்சில் 53 ஓவரில் 139 ரன்கள் எடுத்தால் வெற்றி என்ற எளிய இலக்குடன் களமிறங்கியது நியூசிலாந்து அணிக்கு டாம் லதாம், கான்வே ஜோடி துவக்கம் கொடுத்தது. அஷ்வின் சுழலில் லதாம் (9), கான்வே (19) சிக்கினர். ராஸ் டெய்லர் 26 ரன்னில் கொடுத்த 'கேட்சை' புஜாராவும், வில்லியம்சன் கொடுத்த வாய்ப்பை பும்ராவும் கோட்டை விட, 'உலக' டெஸ்ட் கோப்பை கைநழுவியது. நியூசிலாந்து அணி இரண்டாவது இன்னிங்சில் 45.5 ஓவரில் 2 விக்கெட்டுக்கு 140 ரன்கள் எடுத்து, 8 விக்கெட்டில் வெற்றி பெற்றது. வில்லியம்சன் (52), ராஸ் டெய்லர் (47) அவுட்டாகாமல் இருந்தனர்.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Farmer -  ( Posted via: Dinamalar Android App )
24-ஜூன்-202112:24:25 IST Report Abuse
Farmer Kohli is running mafia .. wasted money and efforts not even a fight worth for the world cup.... keeping old fellows on the team kick then out
Rate this:
Cancel
DMK Venum Poda - Tamil Nadu ,இந்தியா
24-ஜூன்-202110:25:35 IST Report Abuse
DMK Venum Poda இப்போ தான் தோனியும் மதிப்பு தெரிகிறது, அவரை புறக்கணித்து இப்போ இந்தியா தோல்வி.
Rate this:
Sathish - Coimbatore ,இந்தியா
25-ஜூன்-202101:43:45 IST Report Abuse
Sathish யார் அவரை புறக்கணித்தது? அவரே ரிட்டையர் ஆகி போய்விட்டார். அது நடந்து 7 ஆண்டுகள் ஆயிற்று. இப்போ அதை பத்தி பேசுறீங்க? என்னது இந்திரா காந்தி இறந்துவிட்டாரா என்று கேட்பது போல இருக்கு நீங்க சொல்றது....
Rate this:
Cancel
கர்ணன், கர்மபுரம் இங்கிலாந்து குளிருக்கு நம்ம ஆட்கள் அசதி ஆகிவிட்டார். விடுங்கள் tour சுற்றி பார்த்து விட்டு வரட்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X