நீட் விவகாரத்தில் இரட்டை வேடம் போடும் பா.ஜ.,: அமைச்சர் மா.சுப்பிரமணியன்| Dinamalar

நீட் விவகாரத்தில் இரட்டை வேடம் போடும் பா.ஜ.,: அமைச்சர் மா.சுப்பிரமணியன்

Updated : ஜூன் 29, 2021 | Added : ஜூன் 29, 2021 | கருத்துகள் (106) | |
சென்னை: நீட் தேர்வுக்கு சட்ட நடவடிக்கைக்கு ஆதரவளிப்பதாக சட்டசபையில் கூறிய பா.ஜ., தற்போது நீட் பாதிப்பு குறித்த ஆய்வுக்குழுவிற்கு எதிராக நீதிமன்றத்தில் வழக்கு தொடர்ந்ததன் மூலம், அக்கட்சி இரட்டைவேடம் போடுவதாக சுகாதாரத்துறை அமைச்சர் மா.சுப்பிரமணியன் விமர்சித்துள்ளார்.தமிழகத்தில் நீட் தேர்வு பாதிப்புகள் குறித்து ஏ.கே.ராஜன் தலைமையில் ஆய்வுக்குழு அமைக்கப்பட்டது.
NEET, BJP, DoubleStand, MaSubramanian, நீட், வழக்கு, பாஜக, இரட்டைவேடம், மா சுப்பிரமணியன்

சென்னை: நீட் தேர்வுக்கு சட்ட நடவடிக்கைக்கு ஆதரவளிப்பதாக சட்டசபையில் கூறிய பா.ஜ., தற்போது நீட் பாதிப்பு குறித்த ஆய்வுக்குழுவிற்கு எதிராக நீதிமன்றத்தில் வழக்கு தொடர்ந்ததன் மூலம், அக்கட்சி இரட்டைவேடம் போடுவதாக சுகாதாரத்துறை அமைச்சர் மா.சுப்பிரமணியன் விமர்சித்துள்ளார்.

தமிழகத்தில் நீட் தேர்வு பாதிப்புகள் குறித்து ஏ.கே.ராஜன் தலைமையில் ஆய்வுக்குழு அமைக்கப்பட்டது. இதனை எதிர்த்து பா.ஜ., பொதுச்செயலர் கரு.நாகராஜன் சென்னை உயர்நீதிமன்றத்தில் வழக்கு தொடர்ந்தார். அதில், உச்சநீதிமன்றத் தீர்ப்புக்கு முரணான நிலைப்பாட்டை எடுக்க முடியாது என, தமிழக அரசுக்கு சென்னை உயர் நீதிமன்றம் அறிவுறுத்தியுள்ளது. மேலும், இது குறித்து விளக்கமளிக்க மத்திய, மாநில அரசுகளுக்கு உத்தரவிட்டு ஜூலை 5ம் தேதிக்கு வழக்கை ஒத்திவைத்தது.


latest tamil news


இது குறித்து சுகாதாரத்துறை அமைச்சர் மா.சுப்பிரமணியன் செய்தியாளர்களிடம் பேசியதாவது: தமிழக மாணவர்களின் நலன், மக்களுக்கு ஏற்படும் பாதிப்பு குறித்து கருத்தைக் கேட்கத்தான் இந்தக் குழு அமைக்கப்பட்டுள்ளது. மக்களின் கருத்துகள்தான் கேட்கப்பட்டு வருகின்றன. பாதிப்பு குறித்து ஆராயத்தான் இந்தக் குழு. இதற்கு மேலமை நீதிமன்றங்கள் அனுமதி வேண்டுமா என்பது குறித்து உரிய வழிமுறைகளை ஆராய்ந்து அடுத்த விசாரணையில் பதிலளிக்கப்படும்.

நீட் தேர்வுக்கு எதிரான சட்ட ரீதியான நடவடிக்கைக்கு ஆதரவு அளிப்பதாக பா.ஜ., சட்டசபையில் கூறியது. ஆனால் தற்போது நீதிமன்றத்தில் பா.ஜ., சார்பில் வழக்கு தொடரப்பட்டுள்ளது. இதிலிருந்து அக்கட்சி நீட் விவகாரத்தில் இரட்டைவேடம் போடுகிறது என்பது உறுதி செய்யப்பட்டுள்ளது. அரசியல் உள்நோக்கத்தோடு பா.ஜ., இந்த வழக்கை தொடர்ந்துள்ளது. இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X