ஸ்டாலின் கோரிக்கையின் பேரில் நீட் உள்ஒதுக்கீடு எனக்கூறுவது பொய்: பழனிசாமி

Updated : ஜூன் 30, 2021 | Added : ஜூன் 30, 2021 | கருத்துகள் (39) | |
Advertisement
சேலம்: நீட் தேர்வால் பாதிக்கப்பட்ட அரசு பள்ளி மாணவர்களுக்கு அப்போதைய எதிர்க்கட்சி தலைவர் ஸ்டாலினின் கோரிக்கையின் அடிப்படையில் உள் ஒதுக்கீடு கொண்டுவந்ததாக கூறப்படுவது பச்சை பொய் என முன்னாள் முதல்வர் பழனிசாமி கூறியுள்ளார்.சேலம் மாவட்டம் ஓமலூரில் அதிமுக புறநகர் மாவட்ட கட்சி அலுவலகத்தில் முன்னாள் தமிழக முதல்வரும், சட்டசபை எதிர்க்கட்சி தலைவருமான பழனிசாமி 450
ADMK, Palanisamy, NEET, Stalin, அதிமுக, பழனிசாமி, ஸ்டாலின், நீட், உள்ஒதுக்கீடு, பச்சை பொய்

சேலம்: நீட் தேர்வால் பாதிக்கப்பட்ட அரசு பள்ளி மாணவர்களுக்கு அப்போதைய எதிர்க்கட்சி தலைவர் ஸ்டாலினின் கோரிக்கையின் அடிப்படையில் உள் ஒதுக்கீடு கொண்டுவந்ததாக கூறப்படுவது பச்சை பொய் என முன்னாள் முதல்வர் பழனிசாமி கூறியுள்ளார்.

சேலம் மாவட்டம் ஓமலூரில் அதிமுக புறநகர் மாவட்ட கட்சி அலுவலகத்தில் முன்னாள் தமிழக முதல்வரும், சட்டசபை எதிர்க்கட்சி தலைவருமான பழனிசாமி 450 மாற்றுத்திறனாளிகளுக்கு தலா 10 கிலோ அரிசி, மளிகை பொருட்கள், காய்கறிகள் என 4.5 லட்சம் மதிப்பில் நிவாரணப் பொருட்களை வழங்கினார்.

பின்னர் அவர் செய்தியாளர்களிடம் கூறியதாவது: தமிழகத்தில் இந்தாண்டு நீட் தேர்வு நடைபெறுமா நடைபெறாதா என தமிழக அரசு விளக்கம் அளிக்க வேண்டும். பெற்றோர்களும் மாணவர்களும் கடும் குழப்பத்தில் உள்ளனர். திமுக ஆட்சிக்கு வந்ததும் நீட் தேர்வு ரத்து செய்யப்படும் என்றனர். தேர்தல் அறிக்கையிலும் வெளியிட்டனர் இன்றுவரை நடைமுறைப்படுத்தவில்லை.


latest tamil news


சசிகலா அதிமுக.,வில் இல்லை. அவருக்கும் அதிமுக.,வுக்கும் எந்த தொடர்பும் இல்லை. அவர் யாரிடம் பேசினாலும் கவலை இல்லை. அணில் ஏதாவது ஒரு பகுதியில் பாதிப்பை ஏற்படுத்தும். தமிழகம் முழுவதுமா பாதிப்பு ஏற்படுத்தும்? இது விஞ்ஞான காலம். இதுபோன்று பேசுவதை விடுத்து மின்வெட்டை சரிபடுத்துவதற்கான நடவடிக்கை எடுக்க வேண்டும். மின்வெட்டு இல்லாத மாநிலமாக தமிழகத்தை மாற்றவேண்டும். மின் உற்பத்தி செலவு அதிகமாக உள்ளது. சம்பள உயர்வு, உதிரிபாகங்கள் விலை உயர்வு என பாதி தொகை சொத்தாக உள்ளது.


latest tamil news


திமுக ஆட்சி முடிவில் 2011ல் 46 ஆயிரம் கோடி கடன் வைத்திருந்தது. நிதி அமைச்சரின் பேச்சு திமுக.,வின் தேர்தல் அறிக்கை பொய் என்பது நிரூபணமாகி உள்ளது. கிராமத்தில் உள்ள அரசு பள்ளி மாணவர்கள் நீட் தேர்வால் பாதிக்கப்படுவதால் 7.5 சதவீத உள் ஒதுக்கீடு கொண்டு வந்தேன். இதனை, அப்போதைய எதிர்க்கட்சி தலைவர் கோரிக்கையின் அடிப்படையில் கொண்டுவந்ததாக கூறுவது பச்சை பொய். இதுபோன்ற பேச்சுகளை சுகாதாரத்துறை அமைச்சர் நிறுத்திக்கொள்ள வேண்டும்.

2010ல் நீட் தேர்வு கொண்டு வந்ததாக அவர்களே கூறி உள்ளனர். அதிமுக ஆட்சியில் மின்சாரம் கூடுதலாக விலை கொடுத்ததாக கூறுகின்றனர். அப்போது டீசலில் இருந்து மின் உற்பத்தி செய்யப்பட்டது. அப்போது தேர்வு நேரம், பீக் நேரம் என்பதால் அந்த விலைக்கு வாங்கினோம். மின் உற்பத்தி செலவும் அதிகமாக இருந்தது. இவ்வாறு அவர் கூறினார்.

Advertisement




வாசகர் கருத்து (39)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
madhavan rajan - trichy,இந்தியா
30-ஜூன்-202122:54:24 IST Report Abuse
madhavan rajan ஸ்டாலின் கோரிக்கைக்கு இணங்க உள் ஒதுக்கீடு என்பது உண்மையானால் ஸ்டாலின் நீட் தேர்வை ரத்து செய்ய கோரிக்கை வைக்காமல் உள் ஒதிக்கீட்டுக்குத்தான் கோரிக்கை வைத்தார் என்பது உண்மையாகிவிடும். இதை திமுகவினர் ஒத்துக்கொள்கிறார்களா? அப்போது நீட் தேர்வை ஒழிப்போம் என்று கூறியதெல்லாம் கப்சாதானா?
Rate this:
Cancel
Pugazh V - Coimbatore / Cochin,இந்தியா
30-ஜூன்-202120:36:19 IST Report Abuse
Pugazh V நிர்வாக சீர்கேடுகள் காரணமாக ரூ.20,000 கோடி இழப்பு ஏற்படுத்திய இபிஎஸ் நன்கு ஆட்சி செய்தாரா?
Rate this:
Cancel
Nagercoil Suresh - India,இந்தியா
30-ஜூன்-202120:10:59 IST Report Abuse
Nagercoil Suresh முதல்வர் ஸ்டாலுடைய வற்புறுத்தலின்படி தான் 7.5 சதவீதம் உள் ஒதுக்கீடு செய்தீர்கள் இது உலகம் அறிந்த உண்மை, ஒரு உண்மையை மறைக்க 1000 பொய்களை கூறினாலும் பொய் பொய் தான் அது ஒருநாளும் உண்மை ஆகிவிடாது...மக்கள் தான் உங்கள் ஆட்சியை தூக்கி எறிந்துவிட்டார்கள் பிறகு ஒரு 100 நாட்களுக்கு அமைதியாக இருக்க முடியாதா? புதிய சட்ட திட்டங்களை 100 நாட்களில் எந்த புதிய அரசும் முறைப்படுத்த முடியாது அதற்கு பொறுப்பு ஆட்சியை முடித்தவர்கள் தான் காரணம் இதுவே உலக நடைமுறை, இந்த 100 நாட்களில் எத்தனை முறை ஊடகங்களை கூட்டி பழைய நினைப்பில் கூவினாலும் அது உங்கள் தவறாக தான் கருத முடியும், சிலர் ஆக்கப்பொறுத்தலும் ஆறப்பொறுக்கமாட்டார்கள் என கூறுவது சும்மாவா...
Rate this:
Ram Ram - கொங்கு நாடு,இந்தியா
30-ஜூன்-202121:23:25 IST Report Abuse
Ram Ramசாதி அடிப்படையில் கொடுக்காமல் அரசு பள்ளி மாணவர்கள் என்ற அடிப்படையில் உண்மையான சமூக நீதி காத்தது எடப்பாடியார்தான் . யாரும் தூக்கி எரியவில்லை . குறைந்த வாக்கு வித்தியாசத்தில் தான் வாரிசுகள் ஆட்சி நடைபெறுகிறது...
Rate this:
visu - Pondicherry,இந்தியா
30-ஜூன்-202122:03:15 IST Report Abuse
visuஅப்போ எடப்பாடியார் எதிர்க்கட்சி தலைவரின் கோரிக்கையை ஏற்று சட்டம் கொண்டு வரும் அளவிற்கு நல்லாட்சி வழங்கியுள்ளார் என்று நீங்களே ஒத்து கொள்கிறீர்கள்...
Rate this:
vijay - coimbatore,இந்தியா
30-ஜூன்-202123:49:59 IST Report Abuse
vijay//...100 நாட்களில் எந்த புதிய அரசும் முறைப்படுத்த முடியாது...// அப்போ தெரிஞ்சே பொய்களை சொல்லி உடான்ஸ் உட்டு ஆட்சிக்கு வந்துட்டாங்க தீயமுக, அப்படித்தானே. எந்த புதிய அரசால் முடியாது என்று உமக்கே தெரியும்போது, கொள்ளை அடிக்கும் குடும்பம், கூட்டமுள்ள தீயமுக பொய்கள் சொல்லி ஆட்சி அதிகாரம் ..............
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X