பொது செய்தி

இந்தியா

பிச்சைக்காரர்களும் உழைக்க வேண்டும்; அனைத்தையும் அரசே கொடுக்க முடியாது: மும்பை உயர் நீதிமன்றம்

Updated : ஜூலை 03, 2021 | Added : ஜூலை 03, 2021 | கருத்துகள் (41)
Share
Advertisement
மும்பை: 'பிச்சைக்காரர்களும் உழைக்க வேண்டும். அவர்களுக்குத் தேவையான எல்லாவற்றையும் அரசே இலவசமாகக் கொடுக்க முடியாது' என, மும்பை உயர் நீதிமன்றம் தெரிவித்துள்ளது.மும்பையில் உள்ள வீடற்ற பிச்சைக்காரர்களுக்கு மூன்று வேளையும் ஆரோக்கியமான உணவு, சுத்தமான குடி தண்னீர், சுகாதாரமான பொதுக் கழிப்பிடங்கள் கிடைப்பதை மும்பை முனிசிபல் மாநகராட்சி உறுதி செய்ய

மும்பை: 'பிச்சைக்காரர்களும் உழைக்க வேண்டும். அவர்களுக்குத் தேவையான எல்லாவற்றையும் அரசே இலவசமாகக் கொடுக்க முடியாது' என, மும்பை உயர் நீதிமன்றம் தெரிவித்துள்ளது.



latest tamil news



மும்பையில் உள்ள வீடற்ற பிச்சைக்காரர்களுக்கு மூன்று வேளையும் ஆரோக்கியமான உணவு, சுத்தமான குடி தண்னீர், சுகாதாரமான பொதுக் கழிப்பிடங்கள் கிடைப்பதை மும்பை முனிசிபல் மாநகராட்சி உறுதி செய்ய உத்தரவிடக்கோரி பிரஜேஷ் ஆர்யா என்பவர் பொதுநல வழக்கு தொடர்ந்தார். இந்த வழக்கை விசாரித்த மும்பை உயர் நீதிமன்ற தலைமை நீதிபதி திபாங்கர் தத்தா, நீதிபதி ஜி.எஸ்.குல்கர்ணி அடங்கிய அமர்வு கூறியதாவது:


latest tamil news



பிரஜேஷ் ஆர்யா என்பவர் தொடர்ந்த பொதுநல வழக்கை இந்த நீதிமன்றம் தள்ளுபடி செய்கிறது. இது தொடர்பாக மும்பை மாநகராட்சி தரப்பில், 'மும்பையில் உள்ள அனைத்து ஏழை, எளிய வீடற்ற பிச்சைக்காரர்களுக்கு தன்னார்வத் தொண்டு நிறுவனங்களின் உதவியுடன் உணவுப் பொட்டலங்கள் வழங்கப்படுகிறது. பெண்களுக்கு சானிட்டரி நாப்கின் வழங்கப்படுகிறது' என்று அளிக்கப்பட்டுள்ள பதிலை இந்த நீதிமன்றம் ஏற்றுக் கொள்கிறது. இதற்கு மேலும் வேறு உதவிகளைச் செய்யுமாறு உத்தரவிடத் தேவையில்லை என்றே நீதிமன்றம் கருதுகிறது.


latest tamil news



வீடற்ற பிச்சைக்காரர்களும் நாட்டின் நலனுக்காக உழைக்க வேண்டும். உழைக்கும் சக்திவாய்ந்த அனைவருமே ஏதேனும் ஒரு வேலை செய்து உழைக்கின்றனர். வீடற்றவர்களும் உழைக்கலாமே. அதைவிடுத்து அவர்களுக்கு உணவு, தொடங்கி எல்லாவற்றையும் அரசாங்கமே செய்துகொடுக்க முடியாது. எல்லாவற்றையும் அரசாங்கமே கொடுத்தால், இத்தகைய பிச்சைக்காரர்களின் எண்ணிக்கை தான் அதிகரிக்கும். அதே வேளையில், வீடற்ற பிச்சைக்காரர்கள் இலவசமாக கழிப்பிடங்களைப் பயன்படுத்த அரசு உரிய நடவடிக்கை எடுக்க வேண்டும் என்றும் உத்தரவிடுகிறோம். இவ்வாறு நீதிபதிகள் தெரிவித்தனர்.

Advertisement




வாசகர் கருத்து (41)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
04-ஜூலை-202118:09:24 IST Report Abuse
Saikumar C Krishna சிறப்பான தீர்ப்பு. தயவு செய்து பிச்சை எடுப்பது சமூக குற்றம் என்றும் சட்டவிரோதம் என்றும் அறிவித்து விடுங்கள். மேலும், எல்லா ஆண்களும் பெண்களும் கட்டாயம் வேலை செய்தே ஆகவேண்டும் என்றும் தீர்ப்பு சொல்லிவிடுங்கள் யுவர் ஹானர்.
Rate this:
Cancel
04-ஜூலை-202110:26:20 IST Report Abuse
மதுமிதா உண்மை தான் உடலபலம் குன்றியவர்கள் உழைத்து பிழைக்கலாம். அதே நேரம் உழைக்காமல் வருமானத்திற்கு அதிகமாக மேலும் மேலும் சேர்ப்பவர்கள் பணத்தை பறிமுதல் செய்து குடிசைத் தொழில், வேலை வாய்ப்பு ஏற்படுத்த திரு நீதிபதி அவர்கள் வழிவகை செய்ய உத்தரவிட வேண்டிக் கொள்கிறேன்.
Rate this:
Cancel
Ram - ottawa,கனடா
04-ஜூலை-202109:20:57 IST Report Abuse
Ram pichaiyai neekapadavendum
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X