தமிழக ஒப்புதல் இல்லாமல் மேகதாது அணைக்கு அனுமதி கிடையாது

Updated : ஜூலை 06, 2021 | Added : ஜூலை 06, 2021 | கருத்துகள் (22) | |
Advertisement
புதுடில்லி: மேகதாதுவில் அணை கட்டுவதற்கு, தமிழகத்தின் ஒப்புதல் இல்லாமல், கர்நாடகாவிற்கு அனுமதி வழங்க மாட்டோம் என மத்திய அமைச்சர் கூறியதாக தமிழக நீர்வளத்துறை அமைச்சர் துரைமுருகன் கூறியுள்ளார்.டில்லி சென்ற தமிழக நீர்வளத்துறை அமைச்சர் துரைமுருகன், ஜல்சக்தித்துறை அமைச்சகத்தில் மத்திய நீர்வளத்துறை அமைச்சர் கஜேந்திர சிங் ஷெகாவத்தை சந்தித்து பேசினார். இந்த
தமிழகம், காவிரி, மேகதாது, கஜேந்திர சிங் ஷெகாவத், துரைமுருகன், அணை, மார்க்கண்டேய நிதி,

புதுடில்லி: மேகதாதுவில் அணை கட்டுவதற்கு, தமிழகத்தின் ஒப்புதல் இல்லாமல், கர்நாடகாவிற்கு அனுமதி வழங்க மாட்டோம் என மத்திய அமைச்சர் கூறியதாக தமிழக நீர்வளத்துறை அமைச்சர் துரைமுருகன் கூறியுள்ளார்.

டில்லி சென்ற தமிழக நீர்வளத்துறை அமைச்சர் துரைமுருகன், ஜல்சக்தித்துறை அமைச்சகத்தில் மத்திய நீர்வளத்துறை அமைச்சர் கஜேந்திர சிங் ஷெகாவத்தை சந்தித்து பேசினார். இந்த சந்திப்பின் போது, மேகதாது அணை, காவிரி நீர், முல்லைப்பெரியாறு அணை பிரச்னை தொடர்பாக விவாதிக்கப்பட்டது.

பின்னர் துரைமுருகன் நிருபர்களிடம் கூறியதாவது: மத்திய அமைச்சர் ஷெகாவத்துடனான பேச்சுவார்த்தை சுமூகமாக இருந்தது. உச்சநீதிமன்ற உத்தரவுப்படி ஒவ்வொரு மாதமும் குறிப்பிட்ட அளவு தண்ணீர் வழங்க வேண்டும். ஆனால், கர்நாடகா வழங்கவில்லை. தமிழகத்திற்கு உரிய தண்ணீரை வழங்க வேண்டும் என வலியுறுத்தினேன். இது தொடர்பாக கர்நாடக அரசிடம் பேசுவதாக அமைச்சர் தெரிவித்தார்.


latest tamil news



காவிரியின் குறுக்கே மேகதாதுவில் அணை கட்டும் திட்டத்தை தடுக்க வேண்டும் எனக்கூறினோம். தமிழகத்தின் ஒப்புதல் இல்லாமல், அணை கட்டுவதற்கு அனுமதிக்க முடியாது .காவிரியில், எந்த ஒரு திட்டத்தையும் கர்நாடகா செயல்படுத்துவதாக இருந்தாலும், தமிழகத்திடம் ஒப்புதல் பெற வேண்டும். தமிழக அரசிடம் ஒப்புதல் பெறாமல், மத்திய அரசிடம் கர்நாடக அனுமதி பெற்றது தவறு. விரிவான திட்ட அறிக்கைக்கான அனுமதி என்பது, அணை கட்டுவதற்கான அனுமதி என கருதக்கூடாது என அமைச்சர் தெரிவித்தார்.

மார்க்கண்டேய நதி குறுக்கே, தன்னிச்சையாக அணை கட்டப்பட்டது குறித்து புகார் தெரிவித்தோம். அணை பிரச்னைக்கு தீர்வு காண நடுவர் மன்ற ம் அமைக்க நடவடிக்கை எடுக்கப்படும் என தெரிவித்தார்.காவிரி மேலாண்மை ஆணையத்திற்கு நிரந்தரமாக தலைவர் நியமனம் செய்ய வேண்டும் என வலியுறுத்தினோம்.

கோதாவரி காவரி நதிநீர் இணைப்புதிட்டத்தின் நிலை என்ன ஆனது என கேள்வி எழுப்பினோம். காவிரி - குண்டாறு, தாமிரபரணி - கருமேனியாறு நதிகள் இணைப்பு திட்டத்திற்கு நிதி ஒதுக்க வேண்டும் என வலியுறுத்தப்பட்டது. இவ்வாறு துரைமுருகன் கூறினார்.

Advertisement




வாசகர் கருத்து (22)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
SENTHIL NATHAN - DELHI,இந்தியா
07-ஜூலை-202114:50:56 IST Report Abuse
SENTHIL NATHAN aணை கட்ட மூலப்பொருளைகள் கொள்முதல் செய்யப்பட்டது எல்லாம் தமிழகத்தில் இருந்து தான்
Rate this:
Cancel
madhavan rajan - trichy,இந்தியா
06-ஜூலை-202120:17:59 IST Report Abuse
madhavan rajan அவர் இந்தியில் ஏதாவது கூறியிருப்பார். ஹிந்தி வேண்டாம் போடா என்று குரல்கொடுக்கும் இவர் வேறு ஏதாவது புரிந்து கொண்டிருப்பார். தமிழக மக்காள் திமுக காரர்கள் என்ன போலுக்கினாலும் ஏற்றுக்கொள்வார்கள் என்பது அவருக்கு தெரியும். இவர்கள் சொன்னதையே இவர்கள் செய்யமாட்டார்கள். இவர் கூற்று உண்மையானால் மத்திய அமைச்சரிடம் இருந்து அதுபோல ஒரு கடிதம் வாங்கியிருக்கவேண்டும். அல்லது அவர் நிருபர்களிடம் கூறவேண்டும். இவர்கள் இன்று ஒன்று கூறிவிட்டு இரண்டு நாட்கள் கழித்து நான் கூறியதை ஊடகம் தவறாக புரிந்துகொண்டுவிட்டது என்று கூறுவதில் கில்லாடிகள்.
Rate this:
Cancel
Sai - Paris,பிரான்ஸ்
06-ஜூலை-202119:44:29 IST Report Abuse
Sai வாதத்துக்கு மருந்துண்டு பிடிவாதத்துக்கு மருந்தில்லை மோடியும் கர்நாடகமும் யார் சொன்னாலும் கேட்க மாட்டார்கள் கட்டி விடுவார்கள் ஆனாலும் காவிரி வெள்ளமாக பெருகி வழிந்தோடி வந்து விடுகிறாள் கடந்த பத்தாண்டுகளாக தமிழக எல்லையை வந்தடைந்த காவிரிநீர் அளவீடுகளை காணுங்கள் புரியும் காலத்தோடு வருவதுதான் இல்லை வரும்போது சேமித்துக் கொள்ள வேண்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X