பொது செய்தி

தமிழ்நாடு

தனி மாநில கோரிக்கை; 'மேற்கு தமிழகம் கூட்டமைப்பு' உதயம்

Updated : ஜூலை 19, 2021 | Added : ஜூலை 19, 2021 | கருத்துகள் (128)
Share
Advertisement
திருப்பூர்: தனி மாநில கோரிக்கையை வலியுறுத்தும் வகையில், 'மேற்கு தமிழகம் கூட்டமைப்பு' திருப்பூரில் துவங்கப்பட்டது.கொங்கு மண்டலத்தை சார்ந்த தனி மாநில கோரிக்கையை வலியுறுத்துவதற்கான கலந்தாய்வு கூட்டம் திருப்பூர் மாவட்டம், கொடுவாயில் நேற்று நடந்தது. கூட்டத்தில், கொங்கு மண்டலத்தில் உள்ள 10 மாவட்டங்களைச் சேர்ந்த, 120க்கும் மேற்பட்டோர் பங்கேற்று, தனி மாநிலக்
தனி மாநில கோரிக்கை; 'மேற்கு தமிழகம் கூட்டமைப்பு' உதயம்

திருப்பூர்: தனி மாநில கோரிக்கையை வலியுறுத்தும் வகையில், 'மேற்கு தமிழகம் கூட்டமைப்பு' திருப்பூரில் துவங்கப்பட்டது.

கொங்கு மண்டலத்தை சார்ந்த தனி மாநில கோரிக்கையை வலியுறுத்துவதற்கான கலந்தாய்வு கூட்டம் திருப்பூர் மாவட்டம், கொடுவாயில் நேற்று நடந்தது. கூட்டத்தில், கொங்கு மண்டலத்தில் உள்ள 10 மாவட்டங்களைச் சேர்ந்த, 120க்கும் மேற்பட்டோர் பங்கேற்று, தனி மாநிலக் கோரிக்கைக்கு முழு ஆதரவு தெரிவித்தனர். 'கொங்கு நாடு' என அழைக்கப்படும், 10 மாவட்டங்களையும், இன்னும் சில மாவட்டங்களையும் இணைத்து, 90 சட்டசபை தொகுதிகளை கொண்ட தனி மாநிலம் அமைக்க வலியுறுத்தி போராடவும், மக்களை ஒருங்கிணைக்கவும், 'மேற்கு தமிழகம் கூட்டமைப்பு' என்ற பொது அமைப்பு துவங்கப்பட்டது.


latest tamil news





'தினமலர்' நாளிதழுக்கு நன்றி


முதன்மை ஒருங்கிணைப்பாளர் பொங்கலுார் மணிகண்டன் பேசியதாவது: கொங்கு மண்டலம் 50 ஆண்டுகளாக வஞ்சிக்கப்படுகிறது. பல்லாயிரம் கோடி அன்னிய செலாவணி உள்ளிட்ட வரி வருவாயை அளித்த போதும், அதற்கு ஏற்ற உட்கட்டமைப்பு, பெரிய அளவிலான வளர்ச்சி எதையும் பெறவில்லை. கடந்த 40 ஆண்டுகளாக பல்வேறு முக்கிய தலைவர்களும் நீண்ட காலமாக, கொங்கு மண்டலத்தை தனி மாநிலமாக்க வலியுறுத்தினர். மாநாடு, பேரணிகள் என முயற்சிகள் எடுத்தபோதும், விழிப்புணர்வு அடையாத நிலையில், மக்களின் உணர்வுகளை சரியாக புரிந்து கொண்டு, 'தினமலர்' நாளிதழ் வெளியிட்ட கொங்குநாடு குறித்த செய்தியின் எதிரொலியாக தனி மாநிலம் வேண்டும் என்ற எண்ணம், கிராமங்கள் வரை பரவி விட்டது. இதற்காக, 'தினமலர்' நாளிதழுக்கு நன்றி தெரிவித்து கொள்கிறேன்.

தமிழகம் முழுதும், அனைத்து எம்.பி., - எம்.எல்.ஏ., - உள்ளாட்சி பிரதிநிதிகள், அரசியல் கட்சிகள், சமுதாய அமைப்புகள் என அனைவரையும் நேரில் சந்தித்து ஆதரவு கேட்க உள்ளோம். நவம்பர் மாதம், மத்திய உள்துறை அமைச்சரை டில்லியில் சந்தித்து, மேற்கு தமிழகத்தை தனி மாநிலமாக்கும் கோரிக்கையை வலியுறுத்த முடிவு செய்துள்ளோம். இவ்வாறு, அவர் பேசினார்.


'கெடுபிடி'யால் 'ரகசிய' கூட்டம்


தனி மாநிலம் கோரிக்கை குறித்த கலந்தாய்வு கூட்டம், நேற்று மதியம் நடக்க இருப்பதை அறிந்து, ஆளும்கட்சி, போலீசார் என பல்வேறு தரப்பில் இருந்து, இதை நடத்த விடாமல் தடுக்க, சில நாட்களாக அழுத்தம் கொடுக்கப்பட்டு வந்தது. கூட்டம் நடத்த திருமண மண்டபங்களை வழங்க உரிமையாளர்கள் முன்வரவில்லை. இறுதியாக, கூட்டம் ரத்து செய்ய இருப்பதாக தகவல் வெளியானது. தொடர்ந்து, போலீசாரின் கெடுபிடியும் இருந்த காரணத்தால், பெரிய அளவில் கூட்டத்தை சேர்க்காமல் மதியம் நடக்க இருந்த கூட்டத்தை, முன்னதாக ரகசியமாக நடத்தி முடித்தனர்.

Advertisement


வாசகர் கருத்து (128)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ananth - Seychelles,செசேல்ஸ்
22-ஜூலை-202109:05:34 IST Report Abuse
Ananth 1947 ல் இந்தியா சுதந்திரம் பெற்ற பொது, சென்னை மாகாணம் (Madras Presidency) பிரித்தானிய இந்தியாவின் ஓரு நிர்வாகப் பிரிவு. இது மெட்ராஸ் ராஜதானி, சென்னை ராஜதானி, மெட்ராஸ் மாகாணம் என்றும் அழைக்கப்பட்டது. இது தென்னிந்தியாவின் பெரும்பாலான பகுதிகளை உள்ளடக்கியிருந்தது. இன்றைய தமிழ்நாடு, கேரளத்தின் மலபார் பிரதேசம், இலட்சத்தீவுகள், ஆந்திரப் பிரதேசத்தின் ஆந்திரா மற்றும் ராயலசீமை பகுதிகள், கர்நாடகத்தின் பெல்லாரி, தட்சிண கன்னடா, உடுப்பி பகுதிகள் ஆகியவை இம்மாகாணத்தில் அடங்கியிருந்தன. இதன் கோடைக்காலத் தலைநகரம் உதகமண்டலம், குளிர்காலத் தலைநகரம் சென்னை. ஆந்திர மாநிலம் கேரளா மாநிலம் கர்நாடக மாநிலம் இவை உருவான நாள். 1 ST NOVEMBER 1956. பிரித்தது போக மீதியுள்ள பகுதி சென்னை மாகாணம் என்ற பெயரிலேயே தொடர்ந்தது. பின்னாளில் தமிழ் நாடு என்று பெயர் மாற்றம் செய்ய பட்டது(1967 ல்). அப்போதும் கோடை கால தலைநகராக உதகமண்டலம் விளங்கியது. பின்னாளில் அந்த வழக்கம் கைவிடப்பட்டு சென்னையே தூக்கி பிடிக்கப்பட்டது. இதை ஏன் செய்தார்கள். உதகமண்டலம் கோடை கால தலைநகராக இருந்திருந்தால் அந்த பகுதியும் வளர்ச்சி பெற்று இருக்குமே. இதனை ஏன் செய்தார்கள், 1967 க்கு பின் ஆண்ட திராவிட அரசியல் வாதிகள்? இதை தொடர்ந்து இருந்தாலே இன்றைய கொங்கு மண்டல பிரச்னை வந்திருக்காதே. அத்தனையும் சென்னைக்கே கொண்டு சென்றார்கள். திராவிட அரசியல்வாதிகளை மீறி கொங்கு பகுதி தானாக வளர்ந்தது. தமிழகம் ஆண்ட திராவிட அரசியல் வாதிகள் ஒன்றையும் செய்யவில்லை என்பதே உண்மை. BHEL(திருச்சி), ஆவடி TANK தொழிற்சாலை, Integral Coach Factory (ICF) ரயில்வே, போன்ற எந்த பெரிய அரசு நிறுவனங்களும் பாண்டிய மண்டலத்திலோ, சோழ மண்டலத்திலோ, கொங்கு மண்டலத்திலோ பெரிய அளவில் தொடங்க படவில்லை என்பதே உண்மை. இவை அனைத்தும் 1967 க்கு முன் தொடங்கப்பட்டவை. கொங்கு மண்டலம் அப்பகுதி மக்களின் உழைப்பு, தனியார் பங்களிப்பிலேயே வளர்ந்தது. பாண்டிய மண்டலமோ இன்று வரை மோசம். இந்தியாவிலேயே மீட்டர் கேஜ் ரயில் பாதை கடைசியாக இருந்தது பாண்டிய சோழ மண்டலத்தில்தான். இத்தனைக்கும் இந்திய நிதி அமைச்சர் பதவியை குறைந்தது 10 ஆண்டு காலம் அலங்கரித்தவர் அந்த பகுதிக்காரர்தான். அவர் ஒன்றும் செய்யவில்லை. பாண்டிய மண்டலமும் சோழ மணடலமும் அதிகமான இந்து கோவில்களை உடைய பகுதி. அவற்றை ஆன்மீக சுற்றுலா பகுதிகளாக வளர்த்திருந்தாலே, அப்பகுதிகள் மிகப் பெரிய வளர்ச்சியை அடைந்திருக்கும். அதாவது மதுரை மீனாட்சி அம்மன், பழனி முருகன், கன்னியாகுமரி பகவதி அம்மன், திருச்சி ஸ்ரீரங்கம் ரங்கநாதர், திருவாரூர் தியாகேசர், கும்பகோணம் கும்பமேளா, தஞ்சை பிரகதீஸ்வரர், திருச்செந்தூர் முருகன், ராமேஸ்வரம், குலசை முத்தாரம்மன் தசரா விழா, திருவண்ணாமலை கிரி வலம்(இன்னும் சொல்லி கொண்டே போகலாம்) இவைகளை பிரபலப்படுத்தி, வடநாட்டு யாத்திரை புண்ய பகுதிகளைவிட மிக சிறப்பான ஆன்மீக சுற்றுலா தலங்களாக உருவாக்கி இருக்க முடியும்.(திருப்பதி, சபரிமலை போல புண்ணிய பகுதிகளாக அறிவித்து இருந்தாலே இவை மிக பெரிய ஆன்மீக சுற்றுலா பகுதிகளாக உருவாகியிருக்க முடியும்). ஆன்மீக சுற்றுலா மூலம் சோழ, பாண்டிய மண்டலங்கள் மிக பெரிய வளர்ச்சியை தானாகவே அடைந்திருக்கும் கடந்த 50 வருடங்களில், திருப்பதியும், சபரிமலையும், மிக பெரிய வளர்ச்சி மற்றும் வருமானத்தை கொண்ட ஆன்மீக தலங்களாக உருவாகியுள்ளன. இதற்கு காரணம். அந்த பகுதி ஆட்சியாளர்களின் ஒத்துழைப்பு. மற்றும் அந்த கோவில்களை வாரியங்களாக உருவாக்கி இந்து தெய்வ நம்பிக்கை உள்ள நபர்களிடம் ஒப்படைத்தது. ஆனால் இங்கே என்ன நடந்தது. பகுத்தறிவு என்ற போர்வையில் இந்து கோவில்களின் வளர்ச்சியை தடுத்து மற்ற மதங்களின் வளர்ச்சிக்கு துணை போனார்கள் திராவிட ஆட்சியாளர்கள். கோவில்களை, இந்து நம்பிக்கை உள்ளவர்களிடம் நிர்வாகத்தை(மற்ற மத ஆலய மசூதி நிர்வாகம் போல) கொடுத்து இருந்தாலே இந்த மண்டலங்கள், ஆன்மீக சுற்றுலா தலங்களாக வளர்ச்சி அடைந்திருக்கும். தமிழக அரசு கோவில்களை வரைமுறைப்படுத்தும் வேலையை மட்டும் செய்து இருந்தாலே போதும். இந்து கோவில்களுக்கு முன்னால் ஈ வே ரா வின் சிலையை வைத்து இந்து கோவில்களை கேவலப்படுத்தும் வேலையை மட்டுமே செய்தார்கள் திராவிட ஆட்சியாளர்கள். அது மட்டும் அல்ல இந்து கோவில் வளங்களை சூறையாடினார்கள் இந்த திராவிட ஆட்சியாளர்கள்.(சாமி இல்லை ஆனால் சாமிகோவில் வருமானம் மட்டும் பகுத்தறிவு அரசாங்கத்திற்கு வேண்டும்.). இப்படி செய்தால் எப்படி வரும் வளரச்சி. அதனாலேயே கொங்கு சோழ பாண்டிய பல்லவ மண்டல சிந்தனை, மக்களுக்கு வந்துள்ளது............ இன்னுமொரு தகவல் தமிழ் மக்களின் சிந்தனைக்கு நான்கைந்து இந்தி பேசும் மாநிலங்கள் உள்ளன. தெலுங்கு பேசும் மாநிலம் இரண்டாக உள்ளது. இதனால் தெலுங்கோ இந்தியோ அழிந்து விடவில்லை. இன்னும் நன்றாக செழித்து வளர்ந்து கொண்டுதான் உள்ளது. தமிழும், தமிழ் மக்களும் நான்கு மாநிலங்களாக இருந்தால் போட்டி போட்டுக்கொண்டு(ஆந்திரா தெலுங்கானா போல) நன்றாகத்தான் வளர்வார்கள். நிர்வாக வசதிக்காக எப்படி மாவட்டங்களை பிரித்தோமோ அது போலத்தான் இதுவும். மாவட்டங்களை பிரித்தது நிர்வாக வசதிக்கு சரி என்றால், நிர்வாக வசதி மற்றும் வளர்ச்சிக்காக மாநிலங்களை பிரிப்பதும் சரியே. அம்பேத்கார் அவர்களும் 2 கோடி பேருக்கு ஒரு மாநிலம் பிரிப்பது நிர்வாகத்துக்கு நல்லது என்றே கூறி உள்ளார். ஜெய் ஹிந்த் வந்தே மாதரம் வளர்க பல்லவ மண்டலம் வளர்க சோழ மண்டலம் வளர்க கொங்கு மண்டலம் வளர்க பாண்டிய மண்டலம் வெல்க தமிழ் மற்றும் தமிழக மக்கள் பாரத் மாதா கி ஜெய்
Rate this:
Dharma - Madurai,இந்தியா
24-ஜூலை-202109:16:31 IST Report Abuse
Dharmaஅருமையான பதிவு. இது காலத்தின் கட்டாயம். மாவட்டங்களை பிரிப்பதும் மாநிலங்களை பிரிப்பதும் பிரிவினை அல்ல. நிர்வாக திறமையை கருத்தில் கொண்டு இதை ஆதரிக்க வேண்டும். இதன் மூலம் சுகாதாரமான போட்டியே வளரும் (healthy competition)....
Rate this:
Cancel
ராம. அம். சுகுமார் - Madurai ,இந்தியா
21-ஜூலை-202119:05:45 IST Report Abuse
ராம. அம். சுகுமார் சமுதாய பொறுப்புணர்வு மிக்க தினமலர் நாளிதழை குறிப்பிட்டு பேசியது வருத்தம் அளிப்பதாக உள்ளது. தினமலர் திருவாங்ககூர் சமஸ்தானாதிலிருந்து தமிழகத்துடன் சேர போராடிய ஆதரவளித்த நிறுவனரின் பாரம்பரியத்தை கொண்ட நாளிதழ். இம்மாதிரியான குறுகிய நோக்கத்துடன் சிலரின் லாப நோக்கிற்காக இது போன்ற கோரிக்கைகளுக்கு செவி சாய்க்காது.
Rate this:
Cancel
Irudayaraj - Chennai,இந்தியா
21-ஜூலை-202115:02:39 IST Report Abuse
Irudayaraj இதுபோன்ற பிரிவினைவாதிகள் மீது கடும் நடவடிக்கை எடுத்து முளையிலேயே கிள்ளி எறிய வேண்டும். ஊடகங்களில் தங்களைப் பற்றி விளம்பரப்படுத்திக் கொள்ளவும் விளம்பரப் படுத்திக் கொள்ளவும் பின்னர் தங்களை ஒரு அமைப்பின் பெருமைமிகு தலைவர்களாகக் காட்டிக்கொண்டு அரசியல் தகிடுதத்தம் வேலைகள் செய்வார்கள். தினமும் ஊடகங்களில் ஏதாவது உருப்படாத பேட்டி கொடுத்துக் கொண்டு தங்களை மெல்ல மெல்ல வளர்த்துக் கொள்ளுங்கள். இவர்கள் மீது ஆரம்பத்திலேயே கடும் நடவடிக்கை எடுக்க வேண்டும்
Rate this:
Ashok Subramaniam - Chennai,யூ.எஸ்.ஏ
24-ஜூலை-202106:18:13 IST Report Abuse
Ashok Subramaniamபிரிவினைவாதிகளின் மீது நடவடிக்கை என்றால் முதலில் திராவிடக் கழகங்களின் மீதுதான் எடுக்கவேண்டும்.. தேசிய நலனுக்குண்டான எல்லாவற்றையும் ஏதோ தமிழ்நாடு ஏதோ தனி நாடுபோல மத்திய அரசை எதிர்க்கும் நோக்கோடு செயல்படுவது, இனவாதமாக, மொழிவாதமாக, பிரிவினைவாதமாக வெகுகாலமாக அறுபதுகளிலிருந்து பேசிவருகிறது... சிறுபான்மையர் நலம் என்று ஓட்டுவங்கி அரசியலை நடத்துவதும், பகுத்தறிவு என்ற பெயரில் இந்து மத உணர்வுகளை எப்போதும் காயப்படுத்துவதும் ஹிந்து கோயில்களின் சொத்துக்களை மெள்ள மெள்ள சூறையாடுவதும் இவர்கள் செய்துவருகிறார்களே... தவிர ஹிட்லரின் யூதர்களுக்கான எதிர்ப்பைப்போன்று தமிழகத்தில் அந்தணர்களுக்கெதிராக ஒரு வெறுப்பு அரசியலை நடத்துவதோடு, முடிந்தபோதெல்லாம் பயங்கர வாதத்தை கட்டவிழ்த்துவிட்டும், அவ்வாறு செய்பவர்களை கண்டிக்காமல் தாங்களும் வெளிப்படையாகவே பாப்பான் என்று கொச்சையாகப் பேசுவதும் வழக்கமாகக் கொண்டுள்ள திராவிடக் கழகஙளை எவ்வாறூ நம்புவது,.. நமக்கு நாமே என்று பாண்டிய நாடும், கொங்கு நாடும், தொண்டை மண்டலமும், சோழமண்டலுமும் பிரிந்து தனித்தனி மாகாணங்களாக ஆனால்தான் மதுரை, கோவை, திருச்சி போன்ற நகரங்களாகவும் மற்றவை துணை நகரங்களாகவும் வளரும், அதிகாரக் குவிப்பும் அழியும், அராஜகமும் ஒழியும்.....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X