பொது செய்தி

தமிழ்நாடு

கடைகளில் நெரிசல் தடுக்க செய்ய வேண்டியது என்ன? அரசுக்கு சில யோசனைகள்

Updated : ஜூலை 21, 2021 | Added : ஜூலை 21, 2021 | கருத்துகள் (16)
Share
Advertisement
கோவை: 'பண்டிகைகள் அடுத்தடுத்து வருவதால் கடை, வர்த்தக நிறுவனங்களில் கூட்ட நெரிசல் தவிர்க்க, வியாபார நேரத்தை நீட்டித்து தமிழக அரசு உத்தரவிட வேண்டும். தொற்று பரவல் தடுப்பு விதிகளை மீறுவோர் மீது நடவடிக்கை எடுக்கலாம்' என, வர்த்தகர்கள் பலரும் தெரிவிக்கின்றனர்.தமிழகத்தில் கொரோனா தொற்று பரவல் கட்டுக்குள் வந்துள்ளது. ஊரடங்கில் படிப்படியாக தளர்வுகள் அறிவிக்கப்பட்டு
கடைகளில் நெரிசல் தடுக்க செய்ய வேண்டியது என்ன? அரசுக்கு சில யோசனைகள்

கோவை: 'பண்டிகைகள் அடுத்தடுத்து வருவதால் கடை, வர்த்தக நிறுவனங்களில் கூட்ட நெரிசல் தவிர்க்க, வியாபார நேரத்தை நீட்டித்து தமிழக அரசு உத்தரவிட வேண்டும். தொற்று பரவல் தடுப்பு விதிகளை மீறுவோர் மீது நடவடிக்கை எடுக்கலாம்' என, வர்த்தகர்கள் பலரும் தெரிவிக்கின்றனர்.

தமிழகத்தில் கொரோனா தொற்று பரவல் கட்டுக்குள் வந்துள்ளது. ஊரடங்கில் படிப்படியாக தளர்வுகள் அறிவிக்கப்பட்டு வருவதால் நகர பகுதியில் மக்கள் நடமாட்டம் அதிகரித்துள்ளது. வேலைக்குச் செல்வது, வணிக நிறுவனங்கள், கடைகள் திறப்பு, தொழிற்சாலைகள் இயங்கத் துவங்கி விட்டன; மெல்ல மெல்ல சகஜ நிலை திரும்பி வருகிறது. அடுத்ததாக பண்டிகைகள் வர இருக்கின்றன. விநாயகர் சதுர்த்தி, சரஸ்வதி பூஜை, ஆயுத பூஜை, தீபாவளி என, பல்வேறு பண்டிகைகள் அடுத்தடுத்துவர இருப்பதால், ஜவுளி, நகைகள், மளிகை பொருட்கள், இனிப்பு, கார வகைகள் வாங்க, பொதுமக்கள் குடும்பத்துடன் கடைகளுக்கு வரத் துவங்குவர்.


latest tamil news


வர்த்தக நிறுவனங்களில் ஒரே நேரத்தில் அதிகமானோர் கூடுவதை தவிர்க்க, வாடிக்கையாளர்கள் பொருட்கள் வாங்க தேவையான வசதிகளை செய்துகொடுக்க தமிழக அரசு, கட்டுப்பாடுகளுடன் சில தளர்வுகளை அளிக்க வேண்டும். தற்போது, காலை, 6:00 முதல், இரவு, 9:00 மணி வரையே வர்த்தக நிறுவனங்கள் செயல்படுகின்றன; இதை, இரவு 11:00 மணி வரைகூட நீட்டிக்கலாம் என்ற கருத்து வர்த்தகர்கள் தரப்பில் முன் வைக்கப்படுகிறது.


வர்த்தகர்கள் எதிர்பார்ப்பு:


* ஜவுளி, நகை மற்றும் வர்த்தக நிறுவனங்கள், கடையின் பரப்புக்கு ஏற்ப, வாடிக்கையாளர்களை அனுமதிக்கலாம். நுழைவாயிலில் செக்யூரிட்டிகள் நியமித்து கடைக்குள் செல்வோர், வெளியே வருவோர் எண்ணிக்கையை கண்காணிக்கலாம்.
* எத்தனை வாடிக்கையாளர்கள் பொருட்களை வாங்கியபின் வெளியே வருகிறார்களோ, அந்த எண்ணிக்கையில் புதிய வாடிக்கையாளர்களை அனுமதிக்கலாம். ஒரே நேரத்தில் பெருந்திரளாக வாடிக்கையாளர்கள் திரளுவதை இதன் மூலம் தடுக்கலாம். கொரோனா மூன்றாவது அலை வரக்கூடும் என மருத்துவத் துறை எச்சரித்திருப்பதால், வர்த்தக நிறுவனத்தினரும் சமூக பொறுப்புடன் செயல்பட வேண்டும்.
* தொற்று பரவல் தொடர்பான விழிப்புணர்வு அறிவிப்புகளை கடைக்குள் அறிவித்த வண்ணம் இருக்க வேண்டும். சமூக இடைவெளி பின்பற்றப்பட வேண்டும். கூட்ட நெரிசலை தவிர்க்க வேண்டும். வர்த்தகமும் முக்கியம்; தொற்றும் பரவக் கூடாது என்பதை கவனத்தில் கொண்டு வியாபாரிகள், வர்த்தக நிறுவனத்தினர் விழிப்புடன் செயல்பட வேண்டும்.


latest tamil news


* பொருட்கள் வாங்க குடும்ப உறுப்பினர்கள் அனைவரும் செல்வதை தவிர்க்கலாம். முக்கியமானவர்கள் மட்டும் சென்று தேவையானவற்றை தேர்வு செய்து வாங்கலாம். வேலைக்குச் செல்வோர் பணி முடிந்தபின் மார்க்கெட்டுக்குச் செல்கின்றனர். இதனால் மாலை நேரத்துக்குபின், வாடிக்கையாளர் கூட்டம் அதிகரித்துக் காணப்படுகிறது. அதனால் மொத்த கொள்முதல், சில்லறை வியாபாரம் என பிரித்து, வர்த்தகம் செய்ய வேண்டும்.
* தமிழக அரசு, வர்த்தகத்தை மீட்டெடுக்க, ஊரடங்கில் மேலும் தளர்வுகள் வழங்குவதோடு, சுகாதாரத்துறை, பறக்கும் படை அலுவலர்கள் கவனமுடன் கண்காணிக்க அறிவுறுத்த வேண்டும். விதிமீறும் நிறுவனங்கள் மீது கடும் நடவடிக்கை எடுக்கலாம். வர்த்தக நேரத்தை காலை 6:00 முதல் இரவு 11:00 மணி வரை அனுமதிக்கும் பட்சத்தில், நிறுவன தொழிலாளர்களுக்கு ஷிப்ட் முறையை அமல்படுத்தலாம்.


கூடுதல் பஸ் வசதி


இரவு, 11:00 மணிக்கு 'பர்சேஸ்' செய்தாலும், வீட்டுக்கு திரும்பிச் செல்ல பொது போக்குவரத்து அனுமதிக்க வேண்டும். மேற்கண்ட விதி தளர்வு நேரங்களில் ஆட்டோ, கால் டாக்சிகள் இயங்க அனுமதிக்க வேண்டும். கிராமப்புற மக்கள் பண்டிகைக்கு பொருட்கள் வாங்க, நகர்ப்புறத்தை நோக்கி சாரை சாரையாக வருகின்றனர். ஒரே பஸ்சில் நுாற்றுக்கும் மேற்பட்ட பயணிகளை திணிக்காமல், தேவைக்கேற்ப கூடுதல் 'டிரிப்'புகள் இயக்க வேண்டும்.

அதேநேரம், இரவில் திரும்பிச் செல்ல போதிய பஸ் வசதி இல்லை என்பதால், மாலை நேரத்தில் வர்த்தக நிறுவனங்களுக்கு வர மக்கள் தயங்குகின்றனர். காலை நேரத்தில் அனைத்து பகுதியை சேர்ந்தவர்களும் மார்க்கெட்டுக்கு வருவதால், தேவையற்ற சிரமம் ஏற்படுகிறது; நெரிசல் ஏற்படுகிறது. இதை தவிர்க்க போதுமான பஸ்கள் இயக்குவதுடன், பாதுகாப்பினையும் பலப்படுத்த வேண்டும் என்ற கோரிக்கை பல தரப்பிலும் எழுந்துள்ளது.

Advertisement


வாசகர் கருத்து (16)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Kumar - Madurai,இந்தியா
21-ஜூலை-202115:44:48 IST Report Abuse
Kumar இதை எல்லாம் மக்கள் கேட்பார்களா?இல்லை வியாபாரிகள் பின்பற்றுவார்களா? கண்டிப்பாக இல்லை. ஆனால் கொரானா வந்து தனியார் மருத்துவமனையில் செலவு செய்தால்தான் இவர்கள் திருந்துவார்கள். ஆயிரக்கணக்கில் செலவு செய்வார்கள். ஆனால் தடுப்பூசி மட்டும் இலவசமாக வேண்டும் என்பார்கள் நம் மக்கள். வாழ்க வளமுடன்.வாழ்க வையகம்.
Rate this:
Cancel
venkatan - Puducherry,இந்தியா
21-ஜூலை-202115:33:16 IST Report Abuse
venkatan எல்லா வர்த்தக கடைகளும் ஆன்லைன் விற்பனையை ஏற்று அவர்தம் ஊழியர்களுக்கு பயிற்சி அளித்திடுக
Rate this:
Cancel
S.Baliah Seer - Chennai,இந்தியா
21-ஜூலை-202112:50:39 IST Report Abuse
S.Baliah Seer தற்போது மக்களிடையே பணப் புழக்கம் இல்லை.மத்திய மாநில அரசு ஊழியர்களின் பஞ்சப்படியும் நிறுத்தி வைக்கப்பட்டுள்ளது.எங்கிருந்து கடைகளுக்கு கூட்டம் வரும்? இனி இந்துப் பண்டிகைகளுக்கு கூட்டம் சேர வாய்ப்பு குறைவு.கடைகளில் தற்போது போணி யாகவில்லை .இதுதான் உண்மை. பணம் இல்லையேல் பண்டிகை இல்லை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X