அரசியல் செய்தி

தமிழ்நாடு

'சொந்த கட்சிக்கு சூனியம் வைக்கிறார் அண்ணாமலை'

Added : ஜூலை 21, 2021 | கருத்துகள் (8)
Share
Advertisement
'துாத்துக்குடி, நெல்லை, கன்னியாகுமரி மாவட்டங்களில், அரசு மற்றும் கட்சி பொறுப்புகளில், சிறுபான்மையினத்தவருக்கே முக்கியத்துவம் கொடுத்து வருகிறது, தி.மு.க., தலைமை' என, தமிழக பா.ஜ., கருதுகிறது. இதை, பெரும்பான்மை ஹிந்துக்களிடம் பிரசாரமாக எடுத்து செல்ல, பா.ஜ., நிர்வாகிகளை, அக்கட்சியின் மாநில தலைவர் அண்ணாமலை கேட்டுக் கொண்டுள்ளார் . இது தொடர்பாக, தி.மு.க.,வைச் சேர்ந்த முன்னாள்
 'சொந்த கட்சிக்கு சூனியம்  வைக்கிறார் அண்ணாமலை'

'துாத்துக்குடி, நெல்லை, கன்னியாகுமரி மாவட்டங்களில், அரசு மற்றும் கட்சி பொறுப்புகளில், சிறுபான்மையினத்தவருக்கே முக்கியத்துவம் கொடுத்து வருகிறது, தி.மு.க., தலைமை' என, தமிழக பா.ஜ., கருதுகிறது. இதை, பெரும்பான்மை ஹிந்துக்களிடம் பிரசாரமாக எடுத்து செல்ல, பா.ஜ., நிர்வாகிகளை, அக்கட்சியின் மாநில தலைவர் அண்ணாமலை கேட்டுக் கொண்டுள்ளார் .

இது தொடர்பாக, தி.மு.க.,வைச் சேர்ந்த முன்னாள் எம்.பி., விஜிலா சத்யானந்த் கூறியதாவது: இப்படி, மத ரீதியில் தமிழ் இனத்தை கூறுபோட்டு, பா.ஜ., அரசியல் செய்கிறது. மூன்று மாவட்டங்களிலும் சிறுபான்மை இனத்தவர், குறிப்பாக கிறிஸ்துவ மக்கள் எண்ணிக்கை அதிகம் தான். அந்த வகையில், கட்சியிலும், ஆட்சியிலும், அவர்களுக்கு பிரதிநிதித்துவம் சிறிது கூடுதலாக இருப்பது இயற்கை தான்.

அதோடு, கன்னியாகுமரி மாவட்டத்தில், முன்னாள் அமைச்சர் சுரேஷ் ராஜன், தேர்தலில் தோல்வியடைந்தார். அதனால், அவருக்கு அமைச்சர் பொறுப்பு கிடைக்கவில்லை. வெற்றி பெற்றவர் மனோ தங்கராஜ். மாவட்டத்துக்கு ஒரு அமைச்சர் கொடுக்க வேண்டும் என்றால், அவருக்கு தான் கொடுக்க முடியும். அவர் ஒரு கிறிஸ்துவர் என்பதால், புறக்கணிக்க முடியாது. அதேபோல தான், திருநெல்வேலியிலும். தி.மு.க., சார்பில் ராதாபுரத்தில் வெற்றி பெற்றவர் அப்பாவு; கிறிஸ்துவர். பாளையங்கோட்டையில் வெற்றி பெற்றவர், அப்துல் வஹாப்; முஸ்லிம். ஆக, இருவரில் ஒருவருக்கு தான், அமைச்சர் பதவியோ, சபாநாயகர் பொறுப்போ கொடுக்க முடியும்.

கட்சியில், 'சீனியர்' என்ற முறையில், அப்பாவுவை சபாநாயகர் ஆக்கி விட்டனர். துாத்துக்குடியில் கிறிஸ்ததுவரான கீதா ஜீவனுக்கும், ஹிந்துவான அனிதா ராதாகிருஷ்ணனுக்கும் அமைச்சர் பொறுப்பு அளித்துள்ளது, கட்சி தலைமை. இதில் எங்கே வருகிறது மதம்? சிறுபான்மையினத்துக்கு முக்கியத்துவம் என்று எப்படி சொல்கின்றனர்? இப்படி, மதத்தை வைத்தே, பா.ஜ., எவ்வளவு காலத்துக்கு அரசியல் செய்யும் என தெரியவில்லை. ம

தத்தை வைத்து, ஒரு நாளும் தி.மு.க.,வை கூறு போட முடியாது. தமிழகத்தில், தி.மு.க., தான் மதச்சார்பற்ற கட்சி. எல்லாருக்கும் சமமான வாய்ப்பு வழங்கப்படுகிறது. என்னை கிறிஸ்ததுவராக அடையாளம் காணுகின்றனர். அந்த மதத்தை, நான் பின்பற்றினாலும், அடிப்படையில் ஹிந்து தான். என் முன்னோர் ஹிந்துக்கள் தான். இடையில் தான் கிறிஸ்தவத்துக்கு மாறியுள்ளனர். அதனால், எந்த மதத்துக்கும் ஆதரவும் அல்ல; எதிர்ப்பும் இல்லை. பொதுவாகத்தான் எல்லாரையும் பார்க்கிறோம்.

வாஜ்பாய் பிரதமராக இருந்தபோது, அவர் சார்ந்திருந்த பா.ஜ.,வுக்கு, கிறிஸ்துவர்கள் திரண்டு வந்து, ஓட்டு போட்டனர். ஆனால், அதன்பின் ஓட்டு போடவில்லை. ஏன்? இந்த பிரச்னை தான் காரணம். மதத்தை வைத்து, அரசியல் செய்வதை மக்கள் ரசிக்கவில்லை. எதிர்த்து ஓட்டளிக்கின்றனர். திருநெல்வேலியில், பா.ஜ.,வைச் சேர்ந்த நயினார் நாகேந்திரன் வெற்றி பெற்றது எப்படி என, அவரையே கேளுங்கள்.

சாணார்பட்டி, குப்பனார்புரம், ஆளவந்தான் குளம், வடக்கு வாகை குளம், பார்வதியாபுரம் என எத்தனையோ கிராமங்கள், திருநெல்வேலியைச் சுற்றி உள்ளன. அங்கு கிறிஸ்துவ தலித்துகள் அதிகம். அவர்கள் ஓட்டு போட்டுத் தானே, நயினார் வெற்றி பெற்றார்? பெரும்பான்மை ஹிந்துக்கள் மட்டும் ஓட்டு போட்டு, பா.ஜ., வெற்றி பெறவில்லை என்ற அடிப்படையை, அண்ணாமலை புரிந்து கொள்ள வேண்டும். எல்லா தரப்பு மக்களையும் அரவணைத்து செல்ல வேண்டும் என்ற சாதாரண சூத்திரம் கூட தெரியாமல், கண்டதையும் பேசி, பா.ஜ.,வுக்கு அண்ணாமலையே சூனியம் வைக்கிறார். இவ்வாறு அவர் கூறினார்.
-- நமது நிருபர் --

Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
BALOU - st-denis,பிரான்ஸ்
27-ஜூலை-202120:06:43 IST Report Abuse
BALOU அது எங்களுக்கு தெரியும் அந்த முணு ஆணியை நிபோய் புடுங்கு
Rate this:
Cancel
RaajaRaja Cholan - Perungudi,சிங்கப்பூர்
26-ஜூலை-202115:33:20 IST Report Abuse
RaajaRaja Cholan இவருக்கு தான் பிற கட்சி நலனில் எவ்வளவு அக்கறை , ரொம்ப நல்லவர் போல. உங்களை பார்க்கும் பொழுதே தெரிகின்றது சகோதரி நீங்கள் எவ்வளவு நல்லவர் என்று
Rate this:
Cancel
RajanRajan - kerala,இந்தியா
23-ஜூலை-202107:22:47 IST Report Abuse
RajanRajan ரயில் நிலையத்திற்கு சரியான நேரத்திற்கு வராமல் மொத்த சூப்பர் பாஸ்ட் ரயில் புறப்பட விடாமல் தாமதிக்க வைத்த பொறுப்புள்ள ஒரு மக்கள் பிரதிநிதி இது. ஏதோ சூனியம் பற்றி வியக்கணம் பண்ணுது. உங்களுக்கெல்லாம் ஒரு காலமாடோ இது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X