பொது செய்தி

தமிழ்நாடு

ஓராண்டு முழுதும் முட்டை தருவதாக கூறிய 'டுபாக்கூர்' நிறுவனம்; உஷாரான போலீஸ்

Updated : ஜூலை 30, 2021 | Added : ஜூலை 30, 2021 | கருத்துகள் (10)
Share
Advertisement
சென்னை: கவர்ச்சிகரமான திட்டங்கள் வாயிலாக, பொது மக்களிடம் பணம் வசூல் செய்த நிறுவனத்தின் செயல்பாட்டை போலீசார் முளையிலேயே கிள்ளி எறிவது போல நடவடிக்கை எடுத்துள்ளனர். குறைந்த முதலீட்டில், அதிக லாபம் என்ற விளம்பங்களை நம்பி, மக்கள் ஏமாற வேண்டாம் என எச்சரித்துள்ளனர்.இதுகுறித்து, மாநில பொருளாதார குற்றப்பிரிவு போலீசார் நேற்று வெளியிட்டுள்ள செய்திக்குறிப்பு: பத்திரிகை
False Advertisement, Egg, Police, குறைந்த முதலீடு, அதிக லாபம், விளம்பரம், போலீஸ், எச்சரிக்கை, முட்டை

சென்னை: கவர்ச்சிகரமான திட்டங்கள் வாயிலாக, பொது மக்களிடம் பணம் வசூல் செய்த நிறுவனத்தின் செயல்பாட்டை போலீசார் முளையிலேயே கிள்ளி எறிவது போல நடவடிக்கை எடுத்துள்ளனர். குறைந்த முதலீட்டில், அதிக லாபம் என்ற விளம்பங்களை நம்பி, மக்கள் ஏமாற வேண்டாம் என எச்சரித்துள்ளனர்.

இதுகுறித்து, மாநில பொருளாதார குற்றப்பிரிவு போலீசார் நேற்று வெளியிட்டுள்ள செய்திக்குறிப்பு:
பத்திரிகை ஒன்றில், ஜூலை, 18 ஞாயிறன்று, Rafoll Retails(opc) pvt. Ltd., Eggmart என்ற நிறுவனம் சார்பில், வினோதமான விளம்பரம் வெளியிடப்பட்டு இருந்தது. அந்த விளம்பரத்தில், ஒரு முட்டையின் விலை, 2 ரூபாய், 24 பைசா மட்டுமே. எங்கள் நிறுவனத்தில், 700 ரூபாய் முதலீடு செய்தால், 6 முட்டைகள்; 1,400 ரூபாய் முதலீடு செய்தால், 12 முட்டைகள்; 2,800 ரூபாய் முதலீடு செய்தால், 24 முட்டைகள் வாரம் தோறும் தருவோம்.

இத்திட்டங்களின்படி, ஓராண்டுக்கான முட்டைகள், உங்கள் வீடுகளுக்கே கொண்டு வந்து தருவோம். இச்சலுகை முதலில் பதிவு செய்யும், 5 லட்சம் பேருக்கு மட்டுமே என, அறிவிக்கப்பட்டு இருந்தது. இந்நிறுவனத்தின் மீது எங்களுக்கு சந்தேகம் ஏற்பட்டது. அதனால், 'அறிவித்துள்ள திட்டங்கள் குறித்து விளக்கம் அளிக்க, ஜூலை, 20ல், கிண்டியில் உள்ள, பொருளாதார குற்றப்பிரிவு அலுவலகத்தில் ஆஜராக வேண்டும்' என, அந்த நிறுவனத்திற்கு அழைப்பு விடுக்கப்பட்டது. அதை ஏற்று, அந்த நிறுவனத்தின் நிறுவனர் சிவம் நரேந்திரன் ஆஜரானார்.


latest tamil news



அப்போது, அந்நிறுவனம் சார்பில், பொது மக்களிடம் இருந்து, முன் பணம் பெறுவதற்கான ஆவணங்கள்; அந்நிறுவனத்தை நடத்துவதற்குரிய முறையான ஆவணங்கள் எதுவும் அவரிடம் இல்லை; எங்களிடம் காட்டவும் இல்லை. தொடர்ந்து அவரிடம் விசாரித்த போது, 'எங்கள் நிறுவனத்தை மேற்கொண்டு நடத்தவில்லை. விளம்பரத்தை பார்த்து, ஆன்லைன் வாயிலாக பணம் கட்டியவர்களுக்கு, அதே முறையில் திருப்பி அனுப்பி விடுகிறோம். எங்கள் நிறுவனத்தின் பெயரில் இயங்கும் ஆன்லைனை முடக்கி விடுகிறோம்' என்றும் தெரிவித்தார்.
அதன்படி செய்துவிட்டார். கவர்ச்சிகரமான திட்டங்கள் வாயிலாக, 'குறைந்த முதலீட்டில் அதிக லாபம் தருவோம்' என, இதுபோன்று வெளியிடப்படும் போலி விளம்பரங்களை நம்பி, பணத்தை கட்டி ஏமாற வேண்டாம். இவ்வாறு, அதில் கூறப்பட்டுள்ளது.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வந்தியதேவன் - காஞ்சிபுரம்,இந்தியா
30-ஜூலை-202113:28:46 IST Report Abuse
வந்தியதேவன் பரவாயில்ல... “வரும்முன் காப்போம்”...ங்கற திட்டத்தை தி.மு.க. ஆட்சியின்கீழ் இயங்கும் காவல்துறை சரியா செயல்பட்டிருக்கு? யாரும் புகார் தெரிவிக்காத போதே, கம்ப்ளெய்ண்ட் கொடுக்காதபோதே... அரசு காவல்துறைக்கு வாழ்த்துக்கள்?
Rate this:
Cancel
Amar Akbar Antony - Udumalai kovai,இந்தியா
30-ஜூலை-202111:29:02 IST Report Abuse
Amar Akbar Antony ஆயிரம் ரூபாய்க்குள் என்பது மிக எளிமையான முறையில் கொள்ளையடிக்கும் முறை. கடந்த பத்து பனிரெண்டு வருடங்களில் நிறைய டேட்டா எண்ட்ரி கேப்ட்ச்சா என்ட்ரி ஒன்லி என்று பலவித ஒயிட் காலர் திருடர்களும் உள்ளார்கள் ரெஜிஸ்திரேஷன் சார்ஜ்ஸ் என்று அறுநூறு எந்நூறு என்று வாங்கிவிட்டு வேலையற்றி இருக்கும் மக்களிடம் நெட்டில் வரும் செய்யுங்கள் என்றல்லலாம் சொல்லி இறுதியாக குறிப்பிட்ட காலத்தினுள் முடியவில்லை என்று கூறி இலட்சங்கள் கொள்ளையடித்த கயவர்களும் உண்டு. இந்த முட்டை விவகாரத்தில் களத்தில் இறங்கி மக்களை காத்த காவல்துறைக்கு உளமார்ந்த நன்றிகள்.
Rate this:
Cancel
RK -  ( Posted via: Dinamalar Android App )
30-ஜூலை-202111:22:01 IST Report Abuse
RK மக்களை ஏமாற்றும் கும்பல்களிடமிருந்து அரசுதான் காப்பாற்ற வேண்டும். முறையான அனுமதி இல்லாமல் நடக்கும் நிதி நிறுவனங்களையும் , அனுமதி பெற்று ஏமாற்றும் நிறுவனங்களையும் அரசு லஞ்சம் பெறாமல் உண்மையான நடவடிக்கை எடுக்க வேண்டும். வேலியே பயிரை மேய விடக்கூடாது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X