சட்டசபை நூற்றாண்டு விழா: கலந்துகொண்ட ஜனாதிபதி| Dinamalar

அரசியல் செய்தி

தமிழ்நாடு

சட்டசபை நூற்றாண்டு விழா: கலந்துகொண்ட ஜனாதிபதி

Updated : ஆக 04, 2021 | Added : ஆக 02, 2021 | கருத்துகள் (25)
Share
சென்னை :தமிழக சட்டசபை நுாற்றாண்டு விழா சென்னையில் நேற்று நடந்தது.சென்னை மாகாண சட்டசபை 1921ல் துவக்கப்பட்டது. அதன் நுாற்றாண்டு விழா, நேற்று சட்டசபை கூட்டரங்கில் நடந்தது.மாலை, 5:02 மணிக்கு, ஜனாதிபதி ராம்நாத் கோவிந்த் சட்டசபைக்கு வந்தார். தேசிய கீதம், தமிழ்த்தாய் வாழ்த்துடன் விழா துவங்கியது. கவர்னர் பன்வாரிலால் புரோஹித் தலைமை வகித்தார். முதல்வர் ஸ்டாலின் முன்னிலை
சட்டசபை நூற்றாண்டு விழா  கலந்துகொண்ட ஜனாதிபதி

சென்னை :தமிழக சட்டசபை நுாற்றாண்டு விழா சென்னையில் நேற்று நடந்தது.
சென்னை மாகாண சட்டசபை 1921ல் துவக்கப்பட்டது. அதன் நுாற்றாண்டு விழா, நேற்று சட்டசபை கூட்டரங்கில் நடந்தது.

மாலை, 5:02 மணிக்கு, ஜனாதிபதி ராம்நாத் கோவிந்த் சட்டசபைக்கு வந்தார். தேசிய கீதம், தமிழ்த்தாய் வாழ்த்துடன் விழா துவங்கியது. கவர்னர் பன்வாரிலால் புரோஹித் தலைமை வகித்தார். முதல்வர் ஸ்டாலின் முன்னிலை வகித்தார். விழாவில் முன்னாள் முதல்வர் கருணாநிதி படத்தை திறந்து வைத்து ஜனாதிபதி ராம்நாத்கோவிந்த் பேசியதாவது:
நம் நாட்டு விடுதலைக்காக போராடியவர்களுக்கு வெவ்வேறு தொலைநோக்கு பார்வைகள் இருந்தன. ஆனால், தாய்நாட்டின் மீது கொண்ட மதிப்பிலும், மரியாதையிலும் ஒன்றுபட்டிருந்தனர்.
வரலாற்று புத்தகங்களில், எண்ணற்றவர்களின் பெயர்கள் பதிவு செய்யப்படவில்லை. அவர்களுக்கு நாம் செலுத்தக்கூடிய ஒரே அஞ்சலி, அவர்களின் வாழ்க்கை மற்றும் லட்சியங்களால், தொடர்ந்து ஊக்கம் பெறுவதாகும். அவர்கள் ஒவ்வொருவரும் தங்கள் பங்கை ஆற்றியது போல, நாட்டை புதிய உயரத்திற்கு கொண்டு செல்வதில், ஒவ்வொருவரும், நம் பங்கை ஆற்ற வேண்டும். முன்னாள் முதல்வர் கருணாநிதி தமிழ் இலக்கியத்திற்கு பெரும்பங்காற்றியவர். புரட்சிகரமான கருத்துக்களால் சமூக சீர்த்திருத்தங்களுக்கு வித்திட்டவர்.இவ்வாறு பேசிய அவர் 'ஜெய்ஹிந்த்' எனக்கூறி உரையை முடித்தார்.


அ.தி.மு.க., புறக்கணிப்பு

மாலை 6:00 மணிக்கு விழா நிறைவடைந்தது. பல கட்சிகளின் தலைவர்கள் பங்கேற்றனர். அ.தி.மு.க., புறக்கணித்தது.விழாவில் உயர்நீதிமன்ற தலைமை நீதிபதி சஞ்சிப் பானர்ஜி, காங்., தலைவர் அழகிரி, பா.ஜ., தலைவர் அண்ணாமலை, த.மா.கா., தலைவர் வாசன், வி.சி.க., தலைவர் திருமாவளவன் மற்றும் தி.மு.க., கூட்டணி கட்சிகளின் எம்.எல்.ஏ.,க்கள், எம்.பி.,க்கள், எதிர்க்கட்சி எம்.எல்.ஏ.,க்கள், எம்.பி.,க்கள், கட்சி தலைவர்கள் பங்கேற்றனர்

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X