21 குண்டு முழங்க மோப்ப நாய் நல்லடக்கம்| Dinamalar

சம்பவம் செய்தி

தமிழ்நாடு

21 குண்டு முழங்க மோப்ப நாய் நல்லடக்கம்

Added : ஆக 03, 2021
Share
காஞ்சிபுரம்: காஞ்சிபுரத்தில் காவல்துறையில் மோப்ப நாய் படைப்பிரிவில் சேவையாற்றிய அஜய் என்ற நாய் இறந்ததையடுத்து, 21 குண்டுகள் முழங்க நல்லடக்கம் செய்யப்பட்டது.காஞ்சிபுரம் மாவட்ட காவல் துறையில், மோப்ப நாய் படைப்பிரிவில் 'அஜய்' என்ற மோப்ப நாய் ஒன்பது ஆண்டுகளாக சேவையாற்றியது. 'ஜெர்மன் ஷெப்பர்ட்' ரகத்தைச் சேர்ந்த அஜய், 245 குற்ற வழக்குகளில் பணியாற்றியுள்ளது. அதில், 12

காஞ்சிபுரம்: காஞ்சிபுரத்தில் காவல்துறையில் மோப்ப நாய் படைப்பிரிவில் சேவையாற்றிய அஜய் என்ற நாய் இறந்ததையடுத்து, 21 குண்டுகள் முழங்க நல்லடக்கம் செய்யப்பட்டது.
காஞ்சிபுரம் மாவட்ட காவல் துறையில், மோப்ப நாய் படைப்பிரிவில் 'அஜய்' என்ற மோப்ப நாய் ஒன்பது ஆண்டுகளாக சேவையாற்றியது. 'ஜெர்மன் ஷெப்பர்ட்' ரகத்தைச் சேர்ந்த அஜய், 245 குற்ற வழக்குகளில் பணியாற்றியுள்ளது. அதில், 12 வழக்குகள் துப்பு துலங்க உதவி செய்துள்ளது.
குறிப்பாக, கடந்த ஜூலை மாதம் சாலவாக்கத்தில் நடந்த கொலையில், கொலையாளி வசீகரன் என்பவரை அடையாளம் காட்டியது. தமிழக அளவிலான பல்வேறு பணித்திறன் போட்டிகளில் பங்கேற்ற அஜய், பல பதக்கங்களை குவித்துள்ளது.
இந்நிலையில், கடந்த மாதம் ஜூலை 31ம் தேதி வயது மூப்பு உள்ளிட்ட காரணங்களால் இறந்தது. இதையடுத்து அஜய் உடலுக்கு, எஸ்.பி., சுதாகர் உள்ளிட்ட பல காவல் அதிகாரிகள் மரியாதை செலுத்தினர். உடலை நல்லடக்கம் செய்வதற்கு முன்பாக 21 குண்டுகள் முழங்க மரியாதை செலுத்தப்பட்டது குறிப்பிடத்தக்கது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X