பொது செய்தி

இந்தியா

12 ராசிகளுக்கான இந்த வார பலனும் பரிகாரமும்!

Updated : ஆக 06, 2021 | Added : ஆக 06, 2021
Share
Advertisement
வெள்ளி முதல் வியாழன் வரை ( 6.8.2021- 12.8.2021) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.மேஷம் சுக்கிரன், புதன், குரு அதிர்ஷ்ட பலன்கள் அளிப்பர். அம்மன் வழிபாடு நலம் அளிக்கும்அசுவினி: பணப்பற்றாக்குறையால் ஏற்பட்ட சிரமம் நீங்கும். சக பணியாளர்களிடம் இருந்த எதிர்ப்பு அடங்கும். கவலை தீரும். விபரீதமான முயற்சிகளில்
வாரபலன், பரிகாரம், மேஷம், ரிஷபம், மிதுனம்,  கடகம், சிம்மம்,  கன்னி, துலாம், விருச்சிகம், தனுசு, மகரம், கும்பம், மீனம்

வெள்ளி முதல் வியாழன் வரை ( 6.8.2021- 12.8.2021) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.


மேஷம்



சுக்கிரன், புதன், குரு அதிர்ஷ்ட பலன்கள் அளிப்பர். அம்மன் வழிபாடு நலம் அளிக்கும்

அசுவினி: பணப்பற்றாக்குறையால் ஏற்பட்ட சிரமம் நீங்கும். சக பணியாளர்களிடம் இருந்த எதிர்ப்பு அடங்கும். கவலை தீரும். விபரீதமான முயற்சிகளில் ஈடுபடாதீர்.

பரணி: தடை ஏற்பட்டு விலகும். நண்பர்களைச் சந்திப்பீர்கள். அவசரத்திலும் பதற்றமின்றி முடிவெடுப்பீர்கள் .உடல்நலத்தில் அக்கறை கூடும். திறமை வெளிப்படும்.

கார்த்திகை1ம் பாதம்: நிம்மதி மீளும். நல்ல நபரின் அறிமுகம் கிடைக்கும். குடும்பத்தில் ஒற்றுமை ஏற்படும். எடுத்த முயற்சி வெற்றி பெறும். சோம்பலை தவிர்ப்பது நல்லது.


ரிஷபம்


latest tamil news




புதன், சுக்கிரன், சந்திரன் சாதக நிலையில் உள்ளனர். துர்க்கை வழிபாடு தைரியம் வளர்க்கும்.

கார்த்திகை 2,3,4: புதிய முயற்சி நிறைவேறும். கவலை தீரும். பொறுப்பும் சுறுசுறுப்பும் அதிகரிக்கும். ஆடை, ஆபரணம் சேரும். தொழிலில் பாக்கி வசூலாகும். மன நிறைவு காண்பீர்கள்.

ரோகிணி: குடும்பத்தில் சந்தோஷம் அதிகரிக்கும். சுபச்செலவு கூடும். பணியிடத்தில் பிறருடன் அனுசரித்துச் செல்வது நன்மை தரும்.

மிருகசீரிடம் 1,2: அடுத்தவர் நலனுக்காக உழைக்க வேண்டியிருக்கும். சொத்து வாங்கும் போதும். விற்கும் போதும் கவனமாக இருப்பது நல்லது. சிலருக்கு இடமாற்றம் உண்டாகலாம்.


மிதுனம்



ராகு, கேது, குருவால் நற்பலன் உண்டு. விஷ்ணு வழிபாடு நன்மை தரும்.

மிருகசீரிடம் 3,4: அலைச்சலுக்குப் பிறகு முக்கிய விஷயம் ஒன்று நிறைவேறும். அரசு வகையில் நல்ல தகவல் கிடைக்கும். சிலர் கண் பரிசோதனை செய்ய வேண்டி வரும்.

திருவாதிரை: சகோதர வகையில் சந்திப்பு நிகழும். பணியிடத்தில் பொறுமை காக்கவும். நெருங்கிய ஒருவரின் முயற்சியால் நன்மை உண்டாகும்.

புனர்பூசம்1,2,3: பிள்ளைகளிடம் கோபத்தைக் காட்டாதீர்கள். நிதானம் அவசியம். வழக்கு விவகாரங்களில் முடிவு தள்ளிப் போக வாய்ப்புண்டு. ஆடை ஆபரணம் சேரும்.


கடகம்



புதன், சுக்கிரன், சந்திரன் நன்மை தருவர். ராமர் வழிபாடு துன்பம் போக்கும்.

புனர்பூசம் 4: நிதானமாகப் பேசுவது நல்லது. பெற்றோர் உடல்நிலை சீராகும். முக்கிய பணிகளில் மெத்தனம் காட்ட வேண்டாம். எதிர்பார்ப்பு ஓரளவு நிறைவேறும் வாரம் இது.

பூசம்: கலையில் ஆர்வம் உண்டாகும். அரசியல்வாதிகளுக்கு முயற்சிகளில் வெற்றி ஏற்படும். பயணங்கள் சற்றுத் தள்ளிப் போகக் கூடும். கணவருக்கு/ மனைவிக்கு நன்மை ஏற்படும். அழகுணர்வு அதிகரிக்கும்.

ஆயில்யம்: கவலைகளை துாக்கியெறியுங்கள். பணவிஷயத்தில் கவனம் தேவை. வீண் அலைச்சல் ஏற்படலாம். அரசியல்வாதிகள் வாக்குவாதங்களை தவிர்ப்பது நல்லது.


சிம்மம்



குரு, புதன், சந்திரன் அனுகூலம் தருவர்.அனுமன் வழிபாடு சங்கடம் தீர்க்கும்.


latest tamil news




மகம்: எடுத்த விஷயம் சிறப்பாக முடிய விடாமுயற்சி தேவைப்படும். பயணங்கள் செல்லாவிட்டாலும் தொலைத் தொடர்பின் மூலம் நன்மை காண்பீர்கள்.

பூரம்: சிரமமின்றி பணிகளை எளிதாக நிறைவேற்றுவீ்ர்கள். வளர்ச்சிக்கான புதிய வாய்ப்பு கிடைக்கும். பணியிடத்தில் திறமையை வெளிப்படுத்தி பாராட்டு பெறுவீர்கள். மனதில் உற்சாகம் மேலோங்கும்.

உத்திரம்1: நிதிநிலை உயரும். சேமிக்கும் விதத்தில் வருமானம் வந்து சேரும். வழக்கு விவகாரங்களில் ஈடுபடுவதை தவிர்க்கவும். தெய்வீக விஷயங்களில் ஈடுபாடு அதிகரிக்கும்.


கன்னி



சூரியன், சந்திரன், கேது அதிர்ஷ்ட பலன் தருவர்.மீனாட்சி வழிபாடு நலம் தரும்.

உத்திரம் 2,3,4: மற்றவர்களுக்கு உதவி செய்து மகிழ்வீர்கள். உறவினருடன் வாக்குவாதத்தில் ஈடுபடுவதை தவிர்க்கவும். கணவன், மனைவிக்கிடையே இணக்கம் அதிகமாகும்.

அஸ்தம்: பொழுது போக்குகளில் ஈடுபட வேண்டாம். கடமைகளில் கவனம் செலுத்துவது நல்லது. செலவு அதிகரிக்கும். வீண் கவலையை தவிர்க்கவும்.

சித்திரை 1,2: கோபத்தைக் கட்டுப்படுத்துங்கள். குடும்பத்தினருடன் அனுசரித்துச் செல்வது அவசியம். சுபவிஷயத்தில் இருந்த தடைகள் மறையும். பிள்ளைகளின் செயல்பாடு மகிழ்ச்சி தரும்.


துலாம்



குரு, புதன், சுக்கிரன் அனுகூலம் அளிப்பர். விநாயகர் வழிபாடு நலம் தரும்.

சித்திரை 3,4: எதிலும் நிதானம் தேவை. தேவையற்ற அவசரத்தால் ஏமாற்றம் ஏற்படலாம். பணியாளர்கள் வாக்குவாதத்தை தவிர்க்கவும். திடீர் லாபம் கிடைக்கும்.

சுவாதி: மனதில் மகிழ்ச்சி உண்டாகும். அரசியல்வாதிகளுக்கு தலைமையுடன் வாக்குவாதம் ஏற்படலாம். கவனம். பிள்ளைகள் வழியில் செலவு அதிகரிக்கும்.

விசாகம் 1,2,3: அடுத்தவர் கஷ்டம் தீர உதவுவீர்கள். உறவினர் மத்தியில் பாராட்டு பெறுவீர்கள். தொழில்நுட்பக் குழப்பத்தால் பணியில் தாமதம் ஏற்படலாம்.


விருச்சிகம்



சனி, சுக்கிரன், புதன் கூடுதல் நன்மை தருவர்முருகன் வழிபாடு வளம் தரும்.

விசாகம் 4: நீண்ட நாட்களாக இருந்த பிரச்னை தீரும். மனதில் உற்சாகம் பிறக்கும். வித்தியாசமாக செயல்படுவதாக நினைத்து தவறுகள் செய்ய வேண்டாம்.

அனுஷம்: சமூக அந்தஸ்து உயரும். சக ஊழியர்கள், தொழில் கூட்டாளிகளின் ஆதரவு கிடைக்கும். சுபச்செலவு அதிகரிக்கும். குடும்பநலனில் அக்கறை தேவை.

கேட்டை: திட்டமிட்ட விஷயத்தை நிறைவேற்ற பாடுபட வேண்டியிருக்கும். குடும்பத்தில் சந்தோஷம் குறையாமல் இருக்கும். உடல்நிலை சீராகும்.

சந்திராஷ்டமம்: 6.8.2021 காலை 6:00 மணி - இரவு 2:56 மணி


தனுசு



சந்திரன், ராகு, கேது நற்பலன் தருவர்.ராகவேந்திரர் வழிபாடு நலம் தரும்.

மூலம்: தடை தாமதம் உண்டாகலாம். பொறுமை இழக்க வேண்டாம். எந்த வேலைக்கும் கூடுதலாக அலைய வேண்டி இருக்கும். உறவினர், நண்பர்களின் ஆதரவும் கிடைக்கும்.

பூராடம்: வாகன பயணத்தின் போதும், ஆயுதங்களைக் கையாளும் போதும் கவனம் தேவை. சகோதரர் வழியில் உதவி கிடைக்கும். எதிர்பார்த்த செய்தி வந்து சேரும்.

உத்திராடம்1: முக்கிய விஷயங்களில் தாமதமாக வெற்றி கிடைக்கும். விடாமுயற்சி தேவை. பிள்ளைகளின் தேவையறிந்து நிறைவேற்றுவீர்கள்.

சந்திராஷ்டமம்: 6.8.2021 இரவு 2:57 மணி - 9.8.2021 பகல் 11:12 மணி


மகரம்



குரு, புதன், கேது நற்பலன்கள் வழங்குவர்.சிவன் வழிபாடு வளம் தரும்.

உத்திராடம் 2,3,4: பெரியவர்களிடம் அலட்சியம் காட்டாதீர்கள். புதியவர்களிடம் பழகும் போது விழிப்பாக இருக்கவும். பணவரவு அதிகரிக்கும். மன அதிருப்தி உண்டாகலாம்.

திருவோணம்: செயலை முடிக்க தாமதம் ஏற்படும். கொடுத்த வாக்கைக் காப்பாற்ற பாடுபடுவீர்கள். உறவினர், நண்பர்களால் உதவி வந்து சேரும்.

அவிட்டம் 1,2: வாக்குறுதி அளிக்கும் முன் யோசிப்பது நல்லது. முறையான திட்டமிடல் அவசியம். உடல்நலனில் ஆர்வம் தேவை. அரசு வகையில் நன்மை உண்டு.

சந்திராஷ்டமம்: 9.8.2021 பகல் 11:13 மணி - 11.8.2021 மாலை4:49 மணி


கும்பம்



புதன், சுக்கிரன், குரு அபரிமித நன்மை செய்வர்.நடராஜர் வழிபாடு சுபிட்சம் தரும்.

அவிட்டம் 3,4: அடுத்தவருக்கு உதவி செய்வீர்கள். வாகன பராமரிப்பு செலவு கூடும். மனதில் இருந்த வருத்தம் அனைத்தும் நீங்கும்.

சதயம்: தொழில், வியாபார வளர்ச்சி ஓரளவு திருப்தி தரும். பணியாளர்களுக்கு உரிய வருமானம் இல்லை என்ற குறைபாடு மறையும்.

பூரட்டாதி 1,2,3: முன்யோசனை உள்ளவர்களுக்குப் பிரச்னை வராது. மவுனமாக இருந்தால் இது அமைதியான வாரமே. வெளியூர், வெளிநாட்டில் இருந்து நல்ல செய்தி வரும்.

சந்திராஷ்டமம்: 11.8.2021 மாலை 4:50 மணி - 12.8.2021 நாள் முழுவதும்


மீனம்



ராகு, சூரியன், சனி அளப்பரிய நன்மை தருவர். குரு வழிபாடு குறை போக்கும்.

பூரட்டாதி 4: பணிவு. பொறுமை உள்ளவர்கள் வெற்றி காண்பர். தன்னம்பிக்கையுடன் செயல்படுவது அவசியம். பிள்ளைகள் வழியில் எதிர்பாராத செலவு ஏற்படலாம்.

உத்திரட்டாதி : கற்பனை சார்ந்த தொழிலில் இருப்பவர்கள் முன்னேற்றம் காண்பர். துணிச்சலாக எடுக்கும் முடிவுகள் வெற்றி பெறும். நண்பர் மூலம் நல்ல செய்தி வரும்.

ரேவதி: பணியாளர்கள் முன்னேற்றம் காண்பர். மனதில் உற்சாகம் மேலிடும். இளம் வயதினருக்கு நன்மையான வாரம். வெளிநாட்டுத் தொடர்பால் ஆதாயம் கிடைக்கும்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X