தங்கம் வென்றார் நீரஜ் சோப்ரா: ஒலிம்பிக்கில் புதிய வரலாறு

Updated : ஆக 07, 2021 | Added : ஆக 07, 2021 | கருத்துகள் (87)
Share
Advertisement
டோக்கியோ: டோக்கியோ ஒலிம்பிக் ஈட்டி எறிதலில் இந்தியாவின் நீரஜ் சோப்ரா தங்கம் வென்று சாதனை படைத்தார். இதன்மூலம் ஒலிம்பிக் தடகளத்தில் இந்தியாவுக்கு முதல் தங்கம் கிடைத்துள்ளது.ஜப்பான் தலைநகர் டோக்கியோவில், 32வது ஒலிம்பிக் போட்டி நடக்கிறது. இதில், ஆண்களுக்கான ஈட்டி எறிதல் பைனலில் இந்தியா சார்பில் நீரஜ் சோப்ரா 23, பங்கேற்றார். பைனலில் நீரஜ் சோப்ரா, பாகிஸ்தானின் அர்ஷத்
NeerajChopra,gold, Olympics, Tokyo2020, javlin

டோக்கியோ: டோக்கியோ ஒலிம்பிக் ஈட்டி எறிதலில் இந்தியாவின் நீரஜ் சோப்ரா தங்கம் வென்று சாதனை படைத்தார். இதன்மூலம் ஒலிம்பிக் தடகளத்தில் இந்தியாவுக்கு முதல் தங்கம் கிடைத்துள்ளது.

ஜப்பான் தலைநகர் டோக்கியோவில், 32வது ஒலிம்பிக் போட்டி நடக்கிறது. இதில், ஆண்களுக்கான ஈட்டி எறிதல் பைனலில் இந்தியா சார்பில் நீரஜ் சோப்ரா 23, பங்கேற்றார். பைனலில் நீரஜ் சோப்ரா, பாகிஸ்தானின் அர்ஷத் நதீம், ஜெர்மனியின் ஜூலியர் வெபர், ஜோகனஸ் வெட்டர் உட்பட 12 பேர் பங்கேற்றனர். ஒவ்வொரு வீரருக்கும் தலா 6 வாய்ப்பு வழங்கப்பட்டன. முதல் வாய்ப்பில் 87.03 மீ., துாரம் எறிந்த நீரஜ், 2வது வாய்ப்பில் அதிகபட்சமாக 87.58 மீ., துாரம் எறிந்து முதலிடத்தை கைப்பற்றி தங்கப் பதக்கத்தை தட்டிச் சென்றார்.


latest tamil news




இது, ஒலிம்பிக் தடகளத்தில் இந்தியாவுக்கு கிடைத்த முதல் தங்கம். தவிர, டோக்கியோ ஒலிம்பிக்கில் இந்தியாவுக்கு கிடைத்த முதல் தங்கம். இம்முறை இந்தியாவுக்கு ஒரு தங்கம், 2 வெள்ளி, 4 வெண்கலம் என, 7 பதக்கம் கிடைத்துள்ளன.


ஜனாதிபதி ராம்நாத் கோவிந்த்


வரலாறு காணாத வெற்றியை நீரஜ் சோப்ரா பெற்றுள்ளார். உங்களின் தங்கம், தடைகளை உடைத்து வரலாற்றை உருவாக்கி உள்ளது. உங்களின் முதல் ஒலிம்பிக்கில், முதல் தங்கத்தை கொண்டு வந்துள்ளீர்கள். உங்களின் சாதனை, நமது இளைஞர்களை ஊக்குவிக்கும். இந்தியா மகிழ்ச்சியடைகிறது. மனமார்ந்த பாராட்டுகள்.



பிரதமர் மோடி


டோக்கியோவில் வரலாறு படைக்கப்பட்டுள்ளது. நீரஜ் சோப்ரா இன்று என்ன சாதனை படைத்தாரோ அது என்றும் நினைவில் வைக்கப்படும். இளைஞர் நீரஜ் சோப்ரா சிறப்பான செயல்பட்டார். அவர் ஆர்வத்துடன் விளையாடி, இணையற்ற திறமையை வெளிப்படுத்தினார். தங்கம் வென்ற வாழ்த்துகள். இவ்வாறு அவர் தெரிவித்து உள்ளார்.






ரூ. 6 கோடி பரிசு

தங்கம் வென்ற நீரஜ் சோப்ராவுக்கு நாடு முழுவதும் பாராட்டு குவிகிறது. அவருக்கு ரூ. 6 கோடி பரிசு தொகை வழங்கப்படும் என அரியானா அரசு அறிவித்துள்ளது.

Advertisement




வாசகர் கருத்து (87)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sankar Ramu - Carmel,யூ.எஸ்.ஏ
08-ஆக-202100:22:00 IST Report Abuse
Sankar Ramu வாழ்த்துக்கள்
Rate this:
Cancel
G. Madeswaran - MA,யூ.எஸ்.ஏ
07-ஆக-202122:36:55 IST Report Abuse
G. Madeswaran இந்தியாவை பல வழிகளில் சிறுமைப்படுத்தி பார்க்கத்துடிக்கும் பல உள்நாட்டு குள்ள நரிகளுக்கிடையில், ஓர் தலை சிறந்த தங்க மகனாய், ஒற்றை மனிதனாய், இந்தியாவை உலக அரங்கில் தடகளத்தில் கம்பீரமாக தலை நிமிர செய்துள்ளார், வாழ்த்துக்கள் சகோதரா நீரவ் சோப்ரா, உங்கள் சாதனை பயணம் தொடரட்டும்
Rate this:
Cancel
K.V.K.SRIRAM - chennai,இந்தியா
07-ஆக-202122:10:23 IST Report Abuse
K.V.K.SRIRAM நீரஜ் சோப்ரா தங்க மகனுக்கு வாழ்த்துக்கள்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X