பொது செய்தி

தமிழ்நாடு

தமிழ் முறை அர்ச்சகர்கள் பொறுப்பேற்பு; பாரம்பரியமாக பூஜை செய்தவர்கள் கண்ணீர்

Updated : ஆக 17, 2021 | Added : ஆக 17, 2021 | கருத்துகள் (117)
Share
Advertisement
திருச்சி-கோவில்களில், தமிழ் முறையில் பூஜைகள் செய்ய அர்ச்சகர்கள் நியமிக்கப்பட்டதால், ஏற்கனவே அர்ச்சகர்களாக இருந்தவர்கள் அதிர்ச்சி அடைந்துள்ளனர்.இது பற்றி, அர்ச்சகர்கள் சிலர் அழுது புலம்பும் 'ஆடியோ' சமூக வலைதளங்களில் பரவி வருகிறது.'ஹிந்து சமய அறநிலையத் துறை கட்டுப்பாட்டில் உள்ள கோவில்களில், தமிழ் முறைப்படி அர்ச்சனை செய்ய அர்ச்சகர்கள், ஓதுவார்கள்

திருச்சி-கோவில்களில், தமிழ் முறையில் பூஜைகள் செய்ய அர்ச்சகர்கள் நியமிக்கப்பட்டதால், ஏற்கனவே அர்ச்சகர்களாக இருந்தவர்கள் அதிர்ச்சி அடைந்துள்ளனர்.



latest tamil news




இது பற்றி, அர்ச்சகர்கள் சிலர் அழுது புலம்பும் 'ஆடியோ' சமூக வலைதளங்களில் பரவி வருகிறது.'ஹிந்து சமய அறநிலையத் துறை கட்டுப்பாட்டில் உள்ள கோவில்களில், தமிழ் முறைப்படி அர்ச்சனை செய்ய அர்ச்சகர்கள், ஓதுவார்கள் நியமிக்கப்படுவர்' என, முதல்வர் ஸ்டாலின் அறிவித்தார். இதன்படி, தமிழகம் முழுதும் உள்ள கோவில்களில், புதிதாக அர்ச்சகர்கள், ஓதுவார்கள், இசை வாத்தியக் கலைஞர்கள் நியமிக்கப்பட்டுள்ளனர்.இவர்களில் பெரும்பாலானவர்கள், நேற்று காலை கோவில்களுக்கு சென்று, நித்திய பூஜை மற்றும் வழிபாட்டு பணிகளை துவக்கினர்.

திருச்சி மாவட்டம் சமயபுரம் மாரியம்மன் கோவிலுக்கு, புதுக்கோட்டை மாவட்டத்தைச் சேர்ந்த துரைராஜ் என்பவர் ஓதுவாராகவும், பெரம்பலுாரைச் சேர்ந்த சதீஷ்குமார், தவில் வாசிப்பவராகவும், அருண்குமார் நட்டுவாங்கம் இசைப்பவராகவும் நியமிக்கப்பட்டுள்ளனர். தஞ்சை, பெரம்பலுார் மாவட்டங்களில் உள்ள பல்வேறு கோவில்களிலும், வெளியூரைச் சேர்ந்த பலர் இவ்வாறு நியமிக்கப்பட்டுள்ளனர்.இந்த கோவில்களில், ஏற்கனவே பணிபுரிந்த அர்ச்சகர்களிடம் இருந்து, சாவி உள்ளிட்ட பொறுப்புகள் பெறப்பட்டு, புதியவர்களிடம் ஒப்படைக்கப்படுவதாக தகவல்கள் பரவின.திருச்சி சமயபுரம் மாரியம்மன் கோவில், வயலுார் முருகன் கோவில், மலைக்கோட்டை தாயுமானவர் சுவாமி கோவில்களில் புதிய பணியாளர்கள் நியமிக்கப்பட்டதாக, ஆதங்கத்தையும், அதிர்ச்சியையும் வெளிப்படுத்தி பேசும் ஆடியோக்கள் சமூக வலைதளங்களில் பரவி வருகின்றன.

நேற்று, திருச்சியில் இருந்து விக்னேஷ்வரன் என்பவர் கணேஷ்குமார் என்பவருடன் போனில் பேசும் ஆடியோ வெளியாகி, பரபரப்பை ஏற்படுத்தி உள்ளது.அதில், 'மலைக்கோட்டை கோவில், நாகநாதர் கோவில்களில், இன்று காலையே புதிய பணியாளர்கள் வந்து பணியில் சேர்ந்து விட்டனர். நாகநாதர்கோவிலில் காலை சந்தி முடிந்தவுடன், சிவாச்சாரியாரை வெளியே அனுப்பி விட்டு, அவாளுக்கு 'டூட்டி' போட்டு விட்டனர்.'வயலுார் சுப்பிரமணியர் கோவிலிலும், ஐந்து குருக்களை வெளியே அனுப்பி விட்டனர். பிராமணர் அல்லாதவரை பணியமர்த்தி விட்டனர்.

சமயபுரத்திலும் மூலவர், ஆதிமாரியம்மன், பரிவார மூர்த்தி சன்னிதிகளிலும், குருக்களை வெளியேற்றி விட்டு, ஜே.சி., வந்து அவாளை பணியமர்த்தி விட்டார்.'வயலுாரில், இன்று காலையில், இ.ஓ.,வே வந்து, சிதம்பரம், கார்த்தி போன்றவர்களை உள்ளே வரக் கூடாது என, கூறி வெளியே அனுப்பியிருக்கின்றனர்' என்று முடியும் அந்த ஆடியோவில், இறுதியில் போன் செய்தவர், கதறி அழுவதும் பதிவாகி இருக்கிறது.


latest tamil news





சாத்துாரில் சலசலப்பு



விருதுநகர் மாவட்டம் சாத்துார் வெங்கடாஜலபதி கோவிலில் ரெங்கநாதன் பட்டர், 67, பணிபுரிந்து வந்த நிலையில், இக்கோவிலுக்கு புதிய பட்டராக, துாத்துக்குடி மாவட்டம் விளாத்திகுளம் புதுாரைச் சேர்ந்த சீனிவாசன் நியமிக்கப்பட்டார். இதையடுத்து, அவர் பணியில் சேர வந்தபோது, ரெங்கநாதன் பட்டர் குடும்பத்தினர் எதிர்ப்பு தெரிவித்துள்ளனர். அவர்களிடம், கோவில் செயல் அலுவலர் தனலட்சுமி, அரசு வழங்கிய உத்தரவை காண்பித்தார். போலீசாரும் வந்து சமரசம் செய்ய, ரெங்கநாதன் பட்டர் வேதனையுடன் அங்கிருந்து வெளியேறினார். புதிய பட்டர் சீனிவாசன் பூஜைகளை செய்தார்.சீனிவாசன் கூறுகையில், ''புதுாரில் உள்ள பெருமாள் கோவிலில் 10 ஆண்டுகள் பூஜை செய்துள்ளேன். வைதிக முறைப்படி பூஜைகள் செய்ய பயிற்சி பெற்றுள்ளேன்,'' என்றார்

Advertisement




வாசகர் கருத்து (117)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RAMAKRISHNAN NATESAN - தொங்கவிட்டான்பட்டி,யூ.எஸ்.ஏ
21-ஆக-202108:21:35 IST Report Abuse
RAMAKRISHNAN NATESAN "ஏற்கனவே பணியில் இருப்பவர்கள் வீட்டுக்கு அனுப்பப்பட மாட்டார்கள் அப்படி அனுப்பப்பட்டதாக தகவல் கிடைத்தால் ஆதாரத்துடன் தெரிவியுங்கள்" என்று சட்டசபையில் முதல்வர் சொல்லியிருப்பதால் ஆதாரத்துடன் முறையாக அரசுக்கு தெரியப்படுத்தலாம்
Rate this:
Cancel
nagendirank - Letlhakane,போஸ்ட்வானா
20-ஆக-202113:33:28 IST Report Abuse
nagendirank இந்த நிலைமைக்கு காரணம் இந்த அர்ச்சகர்கள் தான் .ஒரு சிலரை தவிர தான்தோன்றி தனமாக, திமிராக , அலட்சியமாக பக்தர்களை மதிக்காமல் இருந்ததால்தான் கடவுள் அவர்களுக்கு புத்தி புகட்டுகிறார் .கோயிலே , சாமியே இவர்களுக்கு கீழ்த்தான் என்ற கேவல புத்திதான் இவர்களை ஆட்டி வைத்திருந்தது . ஒரு கோவிலில் உள்ள அர்ச்சகரிடம் ஒருமுறை பிரதோஷ வழிபடு நேரம் எப்போ என்று கேட்டதற்கு அந்த அர்ச்சர்கர் சொன்ன பதில் , நான் எப்போ வருகிறோனோ அப்போதுதான் . எனக்கு பத்து கோயில் பூஜை இருக்கு என்று திமிருடன் சொன்னார். இப்போது காலம் , காட்சி மாறுகிறது .ஆனாலும் அவர்களை திடீரென்று பணியில் இருந்து நிறுத்திவிட்டால் அவர்கள் எங்கே போவார்கள். அவர்கள் குடும்பம் குழந்தைகள் கதி என்ன. ஒரு சமுதாயத்தில் இருக்கும் சிலரை இப்படி பழி வாங்கலாமா. அவர்கள் வைத்தெரிச்சல் கொடுமையானதுதான் . எச்சரிக்கை விட்டு காலம் பார்த்து இதை செய்து இருக்கலாம்
Rate this:
Cancel
Jaykumar Dharmarajan - Madurai,இந்தியா
19-ஆக-202118:39:11 IST Report Abuse
Jaykumar Dharmarajan நம் தமிழ் நாட்டில் முக்கியமான பெரிய கோவில்களை இந்து அறநிலையத்துறை என்ற அமைப்பின் கீழ் கொண்டு வந்து, அதன் முக்கிய பொறுப்பில், இந்துக்கள் அல்லாதவர்களை நியமனம் செய்தது, இறைவனுக்கு அலங்காரம் அபிஷேகம் செய்து, தீப ஆராதனை செய்யும் அர்ச்சகருக்கு தட்டில் விழைவது மட்டுமே வருமானம் என்று ஆணை பிறப்பித்த அன்றே அங்கு ஆண்டவன் இல்லை. ஆம் இரவு பூஜை முடிந்த பின், சாவியை தம் பொருப்பில் வைத்திருக்கும் அறநிலையத் துறையினர் எளிதாக சிலை கடத்தல்கள் நடத்தினர்.அரசு அதிகாரிகள் அரசின் உடன்பாடுடன் களவு போய் அன்னிய நாட்டில் அடைக்கலம் ஆன உற்சவர்கள் எத்தனை எத்தனை
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X