ஜலாலாபாத்தில் போராட்டம்: தலிபான்கள் துப்பாக்கிச்சூட்டில் 2 பேர் பலி| Dinamalar

ஜலாலாபாத்தில் போராட்டம்: தலிபான்கள் துப்பாக்கிச்சூட்டில் 2 பேர் பலி

Updated : ஆக 18, 2021 | Added : ஆக 18, 2021 | கருத்துகள் (7) | |
காபூல்: ஆப்கனின் ஜலாலாபாத்தில் போராட்டம் நடத்தியவர்கள் மீது தலிபான்கள் துப்பாக்கிச்சூடு நடத்தினர். இதில் 2 பேர் உயிரிழந்தனர். 10 பேர் காயமடைந்தனர். பத்திரிகையாளர்கள் கடுமையாக தாக்கப்பட்டதாக தகவல் வெளியாகி உள்ளது.ஆப்கனை கைப்பற்றிய தலிபான்கள், ஆட்சி அமைப்பது தொடர்பாக முன்னாள் அதிபர் ஹமீத் கர்சாயுடன் பேச்சுவார்த்தை நடத்தினர்.இந்நிலையில், ஜலாலாபாத் நகரில் சாலைகளில்
ஆப்கன், தலிபான்கள்,  ஜலாலாபாத்,

காபூல்: ஆப்கனின் ஜலாலாபாத்தில் போராட்டம் நடத்தியவர்கள் மீது தலிபான்கள் துப்பாக்கிச்சூடு நடத்தினர். இதில் 2 பேர் உயிரிழந்தனர். 10 பேர் காயமடைந்தனர். பத்திரிகையாளர்கள் கடுமையாக தாக்கப்பட்டதாக தகவல் வெளியாகி உள்ளது.

ஆப்கனை கைப்பற்றிய தலிபான்கள், ஆட்சி அமைப்பது தொடர்பாக முன்னாள் அதிபர் ஹமீத் கர்சாயுடன் பேச்சுவார்த்தை நடத்தினர்.

இந்நிலையில், ஜலாலாபாத் நகரில் சாலைகளில் பல இடங்களில் ஆப்கன் தேசிய கொடியுடன் பொது மக்கள் போராட்டம் நடத்தினர். அப்போது, அங்கு வந்த தலிபான்கள் துப்பாக்கிச்சூடு நடத்தினர். அதில் 2 பேர் உயிரிழந்தனர். 10 பேர் காயமடைந்தனர். அங்கு வீடியோ மற்றும் புகைப்படம் எடுத்த பத்திரிகையாளர்களையும் கடுமையாக தாக்கினர். இதனையடுத்து போராட்டம் நடத்தியவர்கள் தலிபான்களுக்கு எதிராக கோஷம் எழுப்பினர்.


சிலை தகர்ப்பு





latest tamil news




ஹசாராத் இன மக்கள், ஆப்கன் மலைப்பகுதியில் வாழ்ந்து வருகின்றனர். இந்த இனத்தின் தலைவராக இருந்த அப்துல் அலி மசாரியை கடந்த 1995ம் ஆண்டில் தலிபான்கள் தூக்கிலிட்டனர். இதனால், அவரின் மிகப்பெரிய சிலையை பாமியான் நகரில் மக்கள் நிறுவினர். இதனால், அந்த மக்கள் மீது வெறுப்படைந்த தலிபான்கள் தொடர்ந்து துன்புறுத்தினர். தற்போது ஆட்சிக்கு வந்துள்ள நிலையில், ஹசாரா இனத்தலைவரின் சிலையை தகர்த்தனர்.

மேலும், இந்த இன மக்கள் அதிகம் வாழும் பகுதிகளில், பெண்கள் முக்கிய பதவிகளில் உள்ளனர். அதில் சாகர்ஹிந்த் மாவட்ட கவர்னராக இருந்த சலீமா மசாரியை தலிபான்கள் கடத்தியுள்ளனர். இதனை, அப்பகுதி மக்கள் உறுதி செய்துள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X