அதிமுக எம்எல்ஏ.,க்கள் தாமாகவே வெளியேறினர்: சபாநாயகர் விளக்கம்| Dinamalar

பொது செய்தி

இந்தியா

அதிமுக எம்எல்ஏ.,க்கள் தாமாகவே வெளியேறினர்: சபாநாயகர் விளக்கம்

Updated : ஆக 19, 2021 | Added : ஆக 19, 2021 | கருத்துகள் (12)
Share
சென்னை: மக்கள் பிரச்னையை பேசும் சபையில் தனிப்பட்ட பிரச்னைகளை எழுப்பக்கூடாது எனவும், நேற்றைய (ஆக.,18) கூட்டத்தொடரின்போது அதிமுக எம்எல்ஏ.,க்கள் தாமாகவே வெளியேறியதாகவும் சபாநாயகர் அப்பாவு விளக்கமளித்துள்ளார்.சென்னை கலைவாணர் அரங்கில் பட்ஜெட் கூட்டத்தொடர் நடைபெற்று வருகிறது. நேற்றைய (ஆக.,18) நிகழ்வில், கோடநாடு கொலை, கொள்ளை வழக்கை மீண்டும் விசாரிக்கும் விவகாரம் தொடர்பாக
Tamilnadu, Assembly, ADMK, MLAs, Speaker, Appavu, சபாநாயகர், அப்பாவு, அதிமுக, வெளிநடப்பு, விளக்கம்

சென்னை: மக்கள் பிரச்னையை பேசும் சபையில் தனிப்பட்ட பிரச்னைகளை எழுப்பக்கூடாது எனவும், நேற்றைய (ஆக.,18) கூட்டத்தொடரின்போது அதிமுக எம்எல்ஏ.,க்கள் தாமாகவே வெளியேறியதாகவும் சபாநாயகர் அப்பாவு விளக்கமளித்துள்ளார்.

சென்னை கலைவாணர் அரங்கில் பட்ஜெட் கூட்டத்தொடர் நடைபெற்று வருகிறது. நேற்றைய (ஆக.,18) நிகழ்வில், கோடநாடு கொலை, கொள்ளை வழக்கை மீண்டும் விசாரிக்கும் விவகாரம் தொடர்பாக அதிமுக எம்.எல்.ஏ.,க்கள எதிர்ப்பு தெரிவித்தனர். மேலும், பொய் வழக்கு போடும் திமுக.,வை கண்டிப்பதாக பதாகை ஏந்தி அமளியில் ஈடுபட்டனர். பின்னர், அவையில் இருந்து வெளிநடப்பு செய்த அதிமுக எம்எல்ஏ.,க்கள் சட்டசபை வளாகத்தில் தர்ணாவில் ஈடுபட்டதுடன், நேற்றும், இன்றும் நடக்கும் கூட்டத்தொடரை புறக்கணிப்பதாக அறிவித்தன.


latest tamil news


இந்நிலையில், சட்டசபையில் இருந்து அதிமுக.,வினர் வெளியேற்றப்பட்டதாகக் கூறப்பட்டது. இது குறித்து சபாநாயகர் அப்பாவு, இன்று சட்டசபையில் விளக்கமளித்தார். அவர் பேசியதாவது: அதிமுக எம்எல்ஏ.,க்களை சட்டசபையிலிருந்து வெளியேற்ற நான் உத்தரவிடவில்லை. தாமாகவே அவர்கள் வெளியேறினர். என் அனுமதி பெறாமல் அதிமுக எம்.எல்.ஏ.,க்கள் பதாகையை ஏந்தி கூச்சலிட்டனர். மக்கள் பிரச்னையை பேசும் சபையில் தனிப்பட்ட பிரச்னைகளை எழுப்பக்கூடாது. எனினும் அவர்களின் தனிப்பட்ட பிரச்னையை பேச நான் அனுமதித்தேன். இவ்வாறு அவர் விளக்கமளித்தார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X