பொது செய்தி

இந்தியா

தடுப்பூசி போடாதவர்களுக்கு டெல்டா வைரஸால் அதிக ஆபத்து: பிரிட்டன் ஆய்வாளர்

Updated : ஆக 19, 2021 | Added : ஆக 19, 2021 | கருத்துகள் (1)
Share
Advertisement
புதுடில்லி: “கோவிட் தடுப்பூசி போட்டவர்களிடமே டெல்டா வகை வைரஸ் தொற்று காணப்படுவதால், தடுப்பூசி போடாதவர்களுக்கு அவ்வகை வைரஸ் அதிக ஆபத்தை ஏற்படுத்தக் கூடும்,” என ஆக்ஸ்போர்டு பல்கலையின் மருத்துவ புள்ளியியல் மற்றும் தொற்றுநோயியல் பேராசிரியர் சாரா வாக்கர் தான் பங்கேற்ற புதிய ஆய்வின் அடிப்படையில் கூறியுள்ளார்.ஆக்ஸ்போர்டு பல்கலைக்கழகம் மற்றும் தேசிய புள்ளியியல்
தடுப்பூசி, டெல்டா, வைரஸ், ஆபத்து, பிரிட்டன் ஆய்வாளர்

புதுடில்லி: “கோவிட் தடுப்பூசி போட்டவர்களிடமே டெல்டா வகை வைரஸ் தொற்று காணப்படுவதால், தடுப்பூசி போடாதவர்களுக்கு அவ்வகை வைரஸ் அதிக ஆபத்தை ஏற்படுத்தக் கூடும்,” என ஆக்ஸ்போர்டு பல்கலையின் மருத்துவ புள்ளியியல் மற்றும் தொற்றுநோயியல் பேராசிரியர் சாரா வாக்கர் தான் பங்கேற்ற புதிய ஆய்வின் அடிப்படையில் கூறியுள்ளார்.

ஆக்ஸ்போர்டு பல்கலைக்கழகம் மற்றும் தேசிய புள்ளியியல் அலுவலகத்தால் டெல்டா வகை வைரஸ்களின் தாக்கம், தடுப்பூசிகள் திறன் குறித்து ஆய்வு நடத்தப்பட்டது. இந்தாண்டு டெல்டா வகை வைரஸ் அதிக தொற்று பாதிப்பை ஏற்படுத்தியதால், அது பற்றி தெளிவாக அறிய சுமார் 30 லட்சம் பேரின் பி.சி.ஆர்., பரிசோதனைகளை ஆய்வு செய்தனர். அதில் பைசர் மற்றும் அஸ்ட்ராஜெனகா தடுப்பூசிகளின் ஆற்றலை டெல்டா வகை வைரஸ் மழுங்கடித்தது தெரியவந்ததாக ஆய்வாளர்கள் கூறியுள்ளனர். தடுப்பூசி மூலம் மக்கள் கூட்டத்திடம் நோய் எதிர்ப்பு சக்தி ஏற்படுமா? என்பது சந்தேகம் தான் என ஆய்வில் பங்கேற்ற பேராசிரியர் சாரா வாக்கர் கூறியுள்ளார்.


latest tamil news


மேலும் இது பற்றி பேசிய சாரா வாக்கர், “அதிக மக்களுக்கு தடுப்பூசி போடுவதன் மூலம் தடுப்பூசி போடாதவர்களையும் காக்க முடியும் என்ற நம்பிக்கை இருந்தது. ஆனால் தடுப்பூசி போட்டவர்களிடமே தொற்று பாதிப்பு ஏற்பட்டவுடன் அதிக வைரஸ் காணப்படுகிறது. இதன்படி தடுப்பூசி போடாதவர்கள் அதிக ஆபத்தில் இருப்பார்கள். இது அச்சத்தை ஏற்படுத்துகிறது.” என்றார்.

மற்றொரு ஆய்வாளரான பென்னி வார்ட், “எந்த தடுப்பூசியும் டெல்டா வகை நோய் தொற்றுக்கு எதிராக முழு பாதுகாப்பை அளிக்காது. அதே சமயம் ஆய்வு தகவல்கள் குறைந்த எண்ணிக்கையிலான மக்களே மருத்துவமனையில் சேர்க்கப்பட்டுள்ளதை காட்டுகிறது. அந்த வகையில் தடுப்பூசிகள் குறைந்தபட்சம் தீவிர பாதிப்பு ஏற்படாமல் தடுக்கிறது,” என்றார்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramesh Sargam - Bangalore,இந்தியா
19-ஆக-202119:53:04 IST Report Abuse
Ramesh Sargam இன்னும் தடுப்பூசி போட்டுக்கொள்ளாத மக்கள் தங்கள் உடல் நலனை கருதி எந்த தடுப்பூசி சிறந்தது என்று பரிந்துரைக்கப்படுகிறதோ, அதை சீக்கிரம் போட்டுகொண்டு, தங்கள் உடல் நலத்தையும், தங்களை நம்பி இருக்கும் குடும்பத்தின் நலனையும் கருதி தடுப்பூசி போட்டுக்கொள்வது சிறந்தது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X