சீனாவில் 3 குழந்தைகள் சட்டம் நிறைவேற்றம்

Updated : ஆக 20, 2021 | Added : ஆக 20, 2021 | கருத்துகள் (5)
Share
Advertisement
பீஜிங் :சீனாவில் திருமணமான தம்பதியர் 3 குழந்தைகளை பெற்றுக் கொள்ள வகை செய்யும் சட்ட திருத்தம் நிறைவேற்றப்பட்டுள்ளது. சீனாவில் 1980களில் குடும்பக் கட்டுப்பாடு திட்டத்தின் கீழ், 'நாம் இருவர்; நமக்கு ஒருவர்' என, ஒரு தம்பதிக்கு ஒரு குழந்தை கொள்கை அறிமுகமானது.இதனால் சீனாவில் பிறப்பு விகிதம் குறைந்து, மூத்த குடிமக்கள் எண்ணிக்கை அதிகரித்து வந்தது. இதைத் தொடர்ந்து 2016ல் சீன
சீனா, 3 குழந்தை சட்டம் நிறைவேற்றம்

பீஜிங் :சீனாவில் திருமணமான தம்பதியர் 3 குழந்தைகளை பெற்றுக் கொள்ள வகை செய்யும் சட்ட திருத்தம் நிறைவேற்றப்பட்டுள்ளது.

சீனாவில் 1980களில் குடும்பக் கட்டுப்பாடு திட்டத்தின் கீழ், 'நாம் இருவர்; நமக்கு ஒருவர்' என, ஒரு தம்பதிக்கு ஒரு குழந்தை கொள்கை அறிமுகமானது.இதனால் சீனாவில் பிறப்பு விகிதம் குறைந்து, மூத்த குடிமக்கள் எண்ணிக்கை அதிகரித்து வந்தது. இதைத் தொடர்ந்து 2016ல் சீன அரசு, 'நாம் இருவர்; நமக்கு இருவர்' என்ற கொள்கைப்படி, தம்பதியர் இரு குழந்தைகளைப் பெற்றுக் கொள்ள அனுமதி அளித்தது.


latest tamil news



எனினும், அதிகரித்து வரும் வாழ்க்கைச் செலவினங்கள் காரணமாக, சீன மக்கள் ஒரு குழந்தைக்கு மேல் பெற்றுக்கொள்ள ஆர்வம் காட்டவில்லை. இதனால், சீனாவில் இளம் வயதினரின் எண்ணிக்கை வெகுவாகக் குறைந்து, முதியோர் எண்ணிக்கை பெருகி வருகிறது.
இந்நிலையில், சமீபத்தில் சீன மக்கள் தொகை புள்ளி விபரம் வெளியானது. அதில், சீன மக்கள் தொகை 141 கோடி என்ற அளவில் மிகக் குறைவான வளர்ச்சியை கண்டுள்ளதாக தெரிவிக்கப்பட்டது.
மேலும் அடுத்த ஆண்டு முதல், சீனாவின் மக்கள் தொகை குறையத் துவங்கும் எனவும் மதிப்பிடப்பட்டிருந்தது. 'இதே நிலை தொடர்ந்தால், 2027ல் இந்திய மக்கள் தொகை சீனாவை விஞ்சி விடும்' என, ஐ.நா.,வும் தெரிவித்திருந்தது.
இதையடுத்து, வேலை செய்யும் திறனுள்ள இளைஞர்களின் பற்றாக்குறை, பெண்கள் கருத்தரிப்பதில் தேக்க நிலை, முதியோர் எண்ணிக்கையும், பராமரிப்புச் செலவும் அதிகரித்து வருவது போன்ற சவால்களை சமாளிக்க, மூன்று குழந்தை சட்டத்தை சீனா அறிமுகப்படுத்தி உள்ளது.
மூன்று குழந்தை பெறும் தம்பதிக்கு, நிதி, வரி, காப்பீடு, கல்வி, வீட்டு வசதி, வேலைவாய்ப்பு ஆகியவற்றில் பல்வேறு சலுகைகளை வழங்க, புதிய சட்டம் வகை செய்கிறது. இந்த ஊக்கச் சலுகைகள் காரணமாக, குழந்தை பிறப்பு அதிகரிக்கும் என சீனா கருதுகிறது.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தஞ்சை மன்னர் - Thanjavur,இந்தியா
24-ஆக-202113:15:31 IST Report Abuse
தஞ்சை மன்னர் ஒரு புறம் உகியூர் மக்களுக்கு கருத்தடை மறுபுறம் சீனர்களுக்கு ஊக்கத்தொகை இதுதான் இயற்கை இயற்கை அதன் போக்கில் விட்டால் நல்லது இல்லையேல் இப்படித்தான் நடக்கும்
Rate this:
Cancel
vnatarajan - chennai,இந்தியா
21-ஆக-202108:48:27 IST Report Abuse
vnatarajan இந்த சட்டத்தினால் தற்போது உள்ள முதியோர் எண்ணிக்கையும் செலவினமும் குறைந்து விடாதே.
Rate this:
Cancel
SUBBU - MADURAI,இந்தியா
21-ஆக-202103:32:01 IST Report Abuse
SUBBU நாமே இருவர் நமக்கேன் இன்னொருவர் என்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X