பொது செய்தி

இந்தியா

இந்திய ராணுவ அகாடமியில் பயின்ற தலிபான் தலைவர்

Added : ஆக 20, 2021
Share
Advertisement
புதுடில்லி:தலிபான் மூத்த தலைவரான ஷெர் முகமது அப்பாஸ் ஸ்தானிக்ஜாய், இந்திய ராணுவ அகாடமியில் பயின்றது தற்போது தெரிய வந்துள்ளது.தெற்காசிய நாடான ஆப்கானிஸ்தானை தலிபான் அமைப்பினர் கைப்பற்றி உள்ளனர். அதிபர் அஷ்ரப் கனி, நாட்டை விட்டு வெளியேறியதை தொடர்ந்து, அதிகாரம் முழுதும் தற்போது தலிபான் வசம் வந்துள்ளது.இந்நிலையில், இந்த தலிபான் அமைப்பின் ஏழு மூத்த தலைவர்களில் ஒருவரான
 இந்திய ராணுவ அகாடமியில் பயின்ற தலிபான் தலைவர்

புதுடில்லி:தலிபான் மூத்த தலைவரான ஷெர் முகமது அப்பாஸ் ஸ்தானிக்ஜாய், இந்திய ராணுவ அகாடமியில் பயின்றது தற்போது தெரிய வந்துள்ளது.

தெற்காசிய நாடான ஆப்கானிஸ்தானை தலிபான் அமைப்பினர் கைப்பற்றி உள்ளனர். அதிபர் அஷ்ரப் கனி, நாட்டை விட்டு வெளியேறியதை தொடர்ந்து, அதிகாரம் முழுதும் தற்போது தலிபான் வசம் வந்துள்ளது.இந்நிலையில், இந்த தலிபான் அமைப்பின் ஏழு மூத்த தலைவர்களில் ஒருவரான ஷெர் முகமது அப்பாஸ் ஸ்தானிக்ஜாய் என்பவர், உத்தரகண்டின் டேராடூனில் உள்ள இந்திய ராணுவ அகாடமியில் பயிற்சி எடுத்தது தற்போது தெரிய வந்துள்ளது.

தன் 20வது வயதில், ஆப்கன் ராணுவத்தின் சார்பில் இங்கு வந்து அகாடமியில் பயின்ற இவர், 1996ம் ஆண்டு ராணுவத்தில் இருந்து விலகி, தலிபான் அமைப்பில் இணைந்து உள்ளார். ஸ்தானிக்ஜாய் குறித்து, அவருடன் பயின்ற முன்னாள் ராணுவ அதிகாரி மேஜர் ஜெனரல் சதுர்வேதி கூறியதாவது:ஷெரு என அன்புடன் அழைக்கப்படும் ஷெர் முகமது அப்பாஸ் ஸ்தானிக்ஜாய், அனைவரும் விரும்பக்கூடிய நபராக திகழ்ந்தார்.அவர் எந்த வொரு மதத்தையும் சாராமல் இருந்து வந்தார்.

அந்த காலத்தில் தீவிரவாத கருத்துகள் எதையும் அவர் வெளிப்படுத்தியது இல்லை. ஆப்கனை சேர்ந்த அவர், இங்கு பயிற்சியில் இருந்தபோது மிகவும் மகிழ்ச்சியாக இருந்தார்.இவ்வாறு அவர் கூறினார்.

இதேபோல், மற்றொரு ஓய்வு பெற்ற ராணுவ அதிகாரி கர்னல் கேசர் சிங் ஷெகாவத் கூறியதாவது:ஷெரு, நன்றாக பழகக் கூடியவர். ஒரு முறை நானும், அவரும் ரிஷிகேஷுக்கு சென்று, கங்கை நதியில் நீராடியது என் நினைவில் இன்றளவும் உள்ளது. அதன் புகைப்படம் ஒன்றும் என்னிடம் உள்ளது.இவ்வாறு அவர் கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X