அமெரிக்க படைகள் வெளியேறியது வரலாற்றின் பதிவு: ஜோ பைடன் நம்பிக்கை

Updated : ஆக 23, 2021 | Added : ஆக 23, 2021 | கருத்துகள் (2)
Share
Advertisement
வாஷிங்டன்: ‛‛ஆப்கானிஸ்தானிலிருந்து அமெரிக்கப் படைகள் வெளியேறியதை வரலாறு தர்க்க ரீதியாக சரியான முடிவு என்று பதிவு செய்யும்,'' என அமெரிக்க அதிபர் ஜோ பைடன் நம்பிக்கை தெரிவித்துள்ளார்.ஆப்கானிஸ்தானிலிருந்து அமெரிக்கப் படைகள் விலக்கிக் கொள்ளப்பட்டதால் அங்கு தலிபான்கள் கையில் ஆட்சி சென்றுள்ளது. அதைத் தொடர்ந்து அங்கு குழப்பமும், உயிரிழப்புகளும் ஏற்பட்டு வருகின்றன.
AFGHANISTHAN, AMERICAN, TROOPS, RETURN, JO BIDEN, ஆப்கானிஸ்தான், அமெரிக்க படைகள், விலகல், ஜோ பைடன்

வாஷிங்டன்: ‛‛ஆப்கானிஸ்தானிலிருந்து அமெரிக்கப் படைகள் வெளியேறியதை வரலாறு தர்க்க ரீதியாக சரியான முடிவு என்று பதிவு செய்யும்,'' என அமெரிக்க அதிபர் ஜோ பைடன் நம்பிக்கை தெரிவித்துள்ளார்.

ஆப்கானிஸ்தானிலிருந்து அமெரிக்கப் படைகள் விலக்கிக் கொள்ளப்பட்டதால் அங்கு தலிபான்கள் கையில் ஆட்சி சென்றுள்ளது. அதைத் தொடர்ந்து அங்கு குழப்பமும், உயிரிழப்புகளும் ஏற்பட்டு வருகின்றன. இதற்கு அமெரிக்கா தான் காரணம் என்று உலக நாடுகள் குற்றஞ்சாட்டி வருகின்றன.

இதுகுறித்து வெள்ளை மாளிகையில் செய்தியாளர்கள் சந்திப்பில் அதிபர் ஜோ பைடன் தெரிவித்ததாவது: ஆப்கானிஸ்தானிலிருந்து அமெரிக்கப் படைகள் வெளியேறியதை வரலாறு தர்க்க ரீதியாக சரியான முடிவு என்று பதிவு செய்யும். ஆப்கனில் அமைதி திரும்ப வேண்டுமென்றால், தலிபான்கள் தங்களின் முடிவை அறிவிக்க வேண்டும். ஆப்கானிஸ்தான் மக்களின் நலனுக்காக அனைத்துத் தரப்பையும் உள்ளடக்கிய ஆட்சியை கொடுப்பார்களா? என்று தெரிவிக்க வேண்டும்.


latest tamil news


ஆனால், இதுவரை இதுபோன்ற சிறிய ஆயுதம் ஏந்திய குழுக்கள் எதுவுமே இப்படியான முடிவை எடுத்ததில்லை. ஒருவேளை அவர்கள் அனைவரையும் உள்ளடக்கிய ஆட்சியை முன்மொழிந்தால் அதற்கு அவர்களுக்கு கூடுதல் உதவி தேவைப்படும். பொருளாதார, வர்த்தக ரீதியாக என பலதரப்பிலிருந்தும் உதவிகள் தேவைப்படும்.

அதற்காக, தலிபான்கள் உலக நாடுகள் தங்களது ராஜாங்க ரீதியான உறவை ஆப்கானிஸ்தானிலிருந்து முற்றிலுமாக துண்டித்திட வேண்டாம் என்றே கோரி வருகின்றனர். அவர்கள் தங்களை சட்டப்பூர்வமாக உலக நாடுகள் அங்கீகரிக்க வேண்டுமென எதிர்பார்க்கின்றனர். ஆனால், அவர்கள் வார்த்தையில் எவ்வளவு உறுதித் தன்மை இருக்கிறது என்பதைப் பொறுத்திருந்து தான் பார்க்க வேண்டும்.

இதுவரை தலிபான் படைகள் அமெரிக்கப் படைகள் மீது எவ்வித தாக்குதலும் நடத்தவில்லை. ஆனால், தலிபான் படைகளில் அனைவருமே ஒரே மாதிரியாக இருப்பதில்லை. அது இன்னும் சிறு, சிறு குழுக்களாகவே இயங்குகிறது. அதனால் இது நீடிக்கிறதா? என்பதை தொடர்ந்து கண்காணிக்க வேண்டும். தலிபான்கள் வாக்கு எவ்வளவு உண்மையானது என்பதை உறுதி செய்ய வேண்டும். இவ்வாறு ஜோ பைடன் தெரிவித்துள்ளார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
DVRR - Kolkata,இந்தியா
23-ஆக-202117:13:24 IST Report Abuse
DVRR அமெரிக்க செலவு செய்தது வெறும் வெறும் ரூ 168 லட்சம் கோடி மட்டும் தான் (2.264 trillion dollar). இதெல்லாம் என்ன பிசாத்து காசு இது ஒரு ஜுஜுபி என்று சொல்வது போல இருக்கின்றது
Rate this:
Cancel
23-ஆக-202112:43:38 IST Report Abuse
தமிழ்கிறுக்கன் ஆக மொத்தம் நாய் கிட்ட தேங்காய குடுத்தாச்சு, என்ன பண்ணுதுன்னு பாப்போம்ங்குறீங்க. நீங்க ஆப்கன் படைகள் கிட்ட நாட்ட குடுத்துட்டு போயிருந்தா அது வரலாறு, இருவது வருஷம் அங்கே இருந்தும் அத செய்ய முடியாட்டி அது வரலாற்றுப்பிழை. ஆப்கானில் பெண்களின் கண்ணீருக்கும், அப்பாவி மக்களின் கண்ணீருக்கும் நீங்களே பொறுப்பு.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X