பொது செய்தி

இந்தியா

குஜராத் அரச குடும்பத்தில் சொத்துக்களை பிரிப்பதில் தகராறு

Updated : ஆக 26, 2021 | Added : ஆக 26, 2021 | கருத்துகள் (16)
Share
Advertisement
ராஜ்கோட்: குஜராத்தில், அரச குடும்பத்தினர் இடையே, பல நுாறு கோடி ரூபாய் மதிப்பிலான சொத்துக்களை பிரிப்பதில் தகராறு ஏற்பட்டு, வழக்கு தொடரப்பட்டுள்ளது.குஜராத்தில், முதல்வர் விஜய் ரூபானி தலைமையில் பா.ஜ., ஆட்சி நடக்கிறது. இங்கு, 400 ஆண்டு கால ராஜ்கோட் சமஸ்தானத்தின் 16வது மன்னராக இருந்த மனோகர்சின் ஜடேஜா 2018ல் இறந்தார்.நிறுத்திவைப்புஇதையடுத்து, அவரது மகன், மன்தாத்தசின்
Rajkot, Royal Family, Property, Dispute, Ancestral Property, Female Member, Moves, Court, ராஜ்கோட், குஜராத், மன்னர் குடும்பம், சொத்துகள், கோர்ட், தகராறு

ராஜ்கோட்: குஜராத்தில், அரச குடும்பத்தினர் இடையே, பல நுாறு கோடி ரூபாய் மதிப்பிலான சொத்துக்களை பிரிப்பதில் தகராறு ஏற்பட்டு, வழக்கு தொடரப்பட்டுள்ளது.

குஜராத்தில், முதல்வர் விஜய் ரூபானி தலைமையில் பா.ஜ., ஆட்சி நடக்கிறது. இங்கு, 400 ஆண்டு கால ராஜ்கோட் சமஸ்தானத்தின் 16வது மன்னராக இருந்த மனோகர்சின் ஜடேஜா 2018ல் இறந்தார்.


நிறுத்திவைப்பு


இதையடுத்து, அவரது மகன், மன்தாத்தசின் ஜடேஜா மன்னராக முடிசூட்டிக் கொண்டார். இந்நிலையில், மன்தாத்தசின் ஜடேஜா பல நுாறு கோடி ரூபாய் சொத்துக்களை மோசடி செய்துள்ளதாக, அவரது சகோதரி அம்பாலிகா தேவி, ராஜ்கோட் சிவில் நீதிமன்றத்தில் வழக்கு தொடர்ந்துள்ளார். இது குறித்து, அம்பாலிகா தேவியின் வழக்கறிஞர், கேதன் சிந்தவா கூறியதாவது:


latest tamil news


தந்தையின் உயிலில், மன்தாத்தசின் ஜடேஜா சில திருத்தங்கள் செய்து, மதிப்பு மிக்க நிலங்களை தன் பெயருக்கு மாற்றி உள்ளார். இதை மறைத்து, சொத்துரிமை தொடர்பான விடுதலைப் பத்திரங்களிலும், அம்பாலிகா தேவியிடம் கையெழுத்து வாங்கி உள்ளார்.இது தெரியவந்ததை அடுத்து, துணை ஆட்சியரிடம் முறையிட்டோம். அவர், நில ஆவணம் தொடர்பான பெயர் மாற்றத்தை நிறுத்தி வைத்து உத்தரவிட்டுள்ளார். இத்துடன், சிவில் நீதிமன்றத்திலும் வழக்கு தொடர்ந்து உள்ளோம். இவ்வாறு அவர் கூறிஉள்ளார்.


latest tamil news



கையெழுத்து


இந்த குற்றச்சாட்டை, மன்தாத்தசின் ஜடேஜா வின் வழக்கறிஞர் நிரவ் தோஷி மறுத்துள்ளார். அம்பாலிகா தேவி, தன் கணவர் மற்றும் மகன்கள் முன்னிலையில், ஒரு கோடியே 50 லட்சம் ரூபாய் பெற்று, விடுதலைப் பத்திரத்தில் கையெழுத்திட்டதாக அவர் கூறியுள்ளார். ராஜ்கோட் அரச குடும்பம், பல ஓட்டல்களை நடத்தி வருகிறது. மறைந்த மனோகர்சின் ஜடேஜா, ஐந்து முறை காங்., - எம்.பி., ஆகவும், குஜராத் நிதியமைச்சராகவும் பதவி வகித்துஉள்ளார்.

Advertisement




வாசகர் கருத்து (16)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mayavan Mayavan - Chennai,இந்தியா
26-ஆக-202117:55:39 IST Report Abuse
Mayavan Mayavan மிச்சம் சொச்சம் எதாவது இருந்தால் சண்டை போடாதீங்க. தமிழக கஜானாவிற்கு அனுப்புங்க. மக்கள் கடன் கொஞ்சமாவது குறையும். அப்படியே உடன் டபுள் வாச் மந்திரிக்கு லெட்டர் போட்ருங்க.
Rate this:
Cancel
DVRR - Kolkata,இந்தியா
26-ஆக-202117:01:19 IST Report Abuse
DVRR இதெல்லாம் பல நூறு வருடமாக நடப்பது தானே. "எங்கே காசு உள்ளதோ அங்கு சண்டை நிச்சயம் உள்ளது" என்று அர்த்தம்
Rate this:
Cancel
Svs Yaadum oore - தொண்டை நாடு , தமிழக ஒன்றியம் , பாரதம் , ஹிந்துஸ்தான் .,இந்தியா
26-ஆக-202113:48:55 IST Report Abuse
Svs Yaadum oore நம்ம ஊரில் இந்த மாதிரி பிரச்சனை ஏதுமில்லை . நாடே இங்குள்ள மன்னர் குடும்பத்திற்கு சொந்தம் . அவர்களாக மிச்சம் மீதி மக்களுக்கு கொடுத்தால் உண்டு . இதுபோல் இங்குள்ள அரச குடும்பத்தில் சொத்துக்களை பிரிப்பதில் தகராறு என்றால் வழக்கு வாய்தா என்று அலைய மாட்டார்கள் . அடுத்தவன் சொத்தை அபகரித்து அதை சமமாக பங்கு பிரித்து நாகரிகமாக சுமுகமாக பிரச்னையை தீர்த்து கொள்வார்கள். .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X