பொது செய்தி

இந்தியா

ஒருங்கிணைந்த போர் குழுக்களை உருவாக்க பரிசீலனை: மத்திய பாதுகாப்பு துறை அமைச்சர் தகவல்

Updated : ஆக 29, 2021 | Added : ஆக 29, 2021 | கருத்துகள் (8)
Share
Advertisement
குன்னுார் : "போர் போன்ற சூழ்நிலையில், விரைவான முடிவுகளை எடுக்க உதவும் ஒருங்கிணைந்த போர் குழுக்களை உருவாக்க, பாதுகாப்பு அமைச்சகம் இப்போது பரிசீலித்து வருகிறது," என, மத்திய பாதுகாப்பு அமைச்சர் ராஜ்நாத் சிங் தெரிவித்தார்.நீலகிரி மாவட்டம், குன்னுார் வெலிங்டனில், உள்ள ராணுவ பயிற்சி கல்லுாரியில், பயின்று வரும், நமது நாடு உட்பட 30 நாடுகளை சேர்ந்த, 479 முப்படை அதிகாரிகள்
ராஜ்நாத்சிங், Rajnath Singh

குன்னுார் : "போர் போன்ற சூழ்நிலையில், விரைவான முடிவுகளை எடுக்க உதவும் ஒருங்கிணைந்த போர் குழுக்களை உருவாக்க, பாதுகாப்பு அமைச்சகம் இப்போது பரிசீலித்து வருகிறது," என, மத்திய பாதுகாப்பு அமைச்சர் ராஜ்நாத் சிங் தெரிவித்தார்.
நீலகிரி மாவட்டம், குன்னுார் வெலிங்டனில், உள்ள ராணுவ பயிற்சி கல்லுாரியில், பயின்று வரும், நமது நாடு உட்பட 30 நாடுகளை சேர்ந்த, 479 முப்படை அதிகாரிகள் கலந்துரையாடல் நிகழ்ச்சியில், பங்கேற்ற மத்திய பாதுகாப்பு அமைச்சர் ராஜ்நாத் சிங், பேசியதாவது:- உலகமயமாக்கல் சகாப்தத்தில், ராணுவ சக்தி, வர்த்தகம், தகவல் தொடர்பு, பொருளாதாரம் மற்றும் அரசியல் சமன்பாடு மாற்றங்களை அனைத்து நாடுகளும் எதிர்கொண்டுள்ளது. இந்த மாற்றங்களுக்கு ஏற்ப, நாட்டின் பாதுகாப்பு தயார்நிலையில் இருப்பது அவசியம்.சுதந்திரம் பெற்றதிலிருந்து, எதிரி படைகள், நாட்டிற்குள் ஸ்திரமற்ற சூழ்நிலையை உருவாக்க முயற்சித்தன. கடந்த 75 ஆண்டு வரலாற்றில், நாம் சவால்களை எதிர்கொண்டுள்ளோம். (இந்திய- பாக்) போர் நிறுத்தம் வெற்றிகரமாக இருந்தால், அதற்கு நமது பலம் தான் காரணம். 2016ல் எல்லை தாண்டிய தாக்குதல்கள் நமது பிற்போக்கு மனநிலையை செயலாக்க மனநிலையாக மாற்றியது. இது 2019ல் பாலகோட் வான்வழி தாக்குதலால் மேலும் வலுவடைந்தது.


எல்லையில் சவால் :

இந்தியா தனது சொந்த நிலத்தில் பயங்கரவாதத்தை முடிவுக்கு கொண்டுவருவது மட்டுமல்லாமல், தேவைப்பட்டால் தங்கள் நிலத்தில் பயங்கரவாத எதிர்ப்பு நடவடிக்கைகளை நடத்தவும் தயங்காது. எல்லையில் சவால்கள் உள்ள போதும், நாட்டின் பாதுகாப்புக்காக, எந்த சமரசமும் செய்யப்பட மாட்டாது.
கடந்த ஆண்டு, சீன படைகள் முன்னேற முயன்றபோது, ​ நிலைமை மிகவும் மோசமாக இருந்தது. அந்த சூழ்நிலையிலும், நமது படைகள் விவேகமாக நடந்து கொண்டது பாராட்டுக்குரியது. இதன் மூலம், நமது தேசிய பாதுகாப்பை உறுதி செய்வதற்காக எந்த நேரத்திலும் எந்த சூழ்நிலையிலும் எந்த எதிரியையும் எதிர்கொள்ள நாம் கடமைபட்டுள்ளோம், என்பதை நமது பாதுகாப்பு படையினர் மீண்டும் நிரூபித்தனர். ஆப்கானிஸ்தானில் மாறிவரும் சமன்பாடு நமக்கு சவாலாக உள்ளது. இந்த சூழ்நிலைகள், நம் நாட்டின் திறம்பட்ட யுக்தியை மறுபரிசீலனை செய்ய கட்டாயப்படுத்தியுள்ளது.
நாம் திறம்பட்ட யுக்தியின் மாற்றத்தை உருவாக்க அவசியத்தில் உள்ளோம்.இரு போர்களை இழந்த பிறகு, நமது அண்டை நாடுகளில் ஒன்று (பாகிஸ்தான்) 'ப்ராக்ஸி' போரை துவங்கியுள்ளது; மேலும் பயங்கரவாதம் அதன் கொள்கையின் மைய பகுதியாக மாறியுள்ளது. ஆயுதங்கள், நிதி மற்றும் பயங்கரவாதிகளுக்கு பயிற்சி அளிப்பதன் மூலம் இந்தியாவை குறி வைக்கிறது.


latest tamil news





எதிர்கால சீர்திருத்தம் :



போர் போன்ற சூழ்நிலையில் விரைவான முடிவுகளை எடுக்க உதவும் ஒருங்கிணைந்த போர் குழுக்களை உருவாக்க பாதுகாப்பு அமைச்சகம் இப்போது பரிசீலித்து வருகிறது. போரின் போது விரைவாக முடிவெடுப்பது ஒரு முக்கியமான விஷயம். இதற்காக, பாதுகாப்பு அமைச்சகம் 'டூர் ஆஃப் டூட்டி' என்ற முயற்சியை தீவிரமாக பரிசீலித்து வருகிறது, இது எனது புரிதலுக்கு அப்பாற்பட்டு, சீர்திருத்தமாக மாறும். இது நமது ராணுவத்தின் சராசரி வயதை குறைக்கவும், அவர்களை மேலும் சுறுசுறுப்பாக மாற்றவும் உதவும்.இவ்வாறு ராஜ்நாத்சிங் பேசினார்.

நிகழ்ச்சியில், ராணுவ தளபதி ஜெனரல் மனோஜ் முகுந்த் நர்வானே, ராணுவ பயிற்சி கல்லூரி கமாண்டன்ட் லெப். ஜெனரல் கலோன் உட்பட அதிகாரிகள் பங்கேற்றனர். கல்லூரியின் நினைவு பரிசை கமாண்டன்ட் லெப்.ஜெனரல் கலோன் வழங்க, அமைச்சர் ராஜ்நாத்சிங் பெற்றுக்கொண்டார்.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
SUBBU - MADURAI,இந்தியா
30-ஆக-202104:53:06 IST Report Abuse
SUBBU மூர்க்க மைந்தன் நீ எப்பவுமே கருத்து சொல்றேன்னு பேர்ல ஏன் எதிர்மறையாகவே கருத்தை போட்ற? உனக்கு இங்கிருக்க பிடிக்கலைன்னா உன் சொந்தங்கள் இருக்கிற பாகிஸ்தானுக்கோ அல்லது ஆஃப்கானிற்கோ ஓடிவிடு.
Rate this:
E. RAJAVELU - Chennai,இந்தியா
30-ஆக-202118:32:07 IST Report Abuse
E. RAJAVELUஇறுதியில் ஓடப்போவது நீதான்....
Rate this:
Cancel
29-ஆக-202118:45:53 IST Report Abuse
ரமேஷ் jai Hindh. jai jawan. jai Modiji.
Rate this:
Cancel
E. RAJAVELU - Chennai,இந்தியா
29-ஆக-202118:28:53 IST Report Abuse
E. RAJAVELU முதல்வர் ஸ்டாலின் ஆட்சியில் எங்கள் தேசம் பாதுகாப்பாக இருக்கிறது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X