வாரத்தில் 4 நாள் வேலை; 3 நாள் லீவு: அக்., 1 முதல் புதிய விதிகள் அமல்| Dinamalar

பொது செய்தி

இந்தியா

வாரத்தில் 4 நாள் வேலை; 3 நாள் லீவு: அக்., 1 முதல் புதிய விதிகள் அமல்

Updated : செப் 02, 2021 | Added : செப் 02, 2021 | கருத்துகள் (32)
Share
புதுடில்லி : 'வார வேலை நாட்களை நான்காகக் குறைத்து, பணி நேரத்தை 12 மணி நேரமாக உயர்த்தி, ஊதியத்திலும் மாற்றத்தை ஏற்படுத்தக் கூடிய புதிய தொழிலாளர் விதிகள், அடுத்த மாதம் 1ம் தேதி முதல் அமலுக்கு வரும்' என, எதிர்பார்க்கப்படுகிறது.தொழிலாளர் சட்டங்களில் மாற்றங்கள் ஏற்படுத்தும் நான்கு புதியவிதிகள், கடந்த 2019 -20ம் ஆண்டுகளில் பார்லிமென்டில் நிறைவேற்றப்பட்டன.தொழில் துறை உறவுகள்,
4 day_working day, 3 day_leave, New Rules

புதுடில்லி : 'வார வேலை நாட்களை நான்காகக் குறைத்து, பணி நேரத்தை 12 மணி நேரமாக உயர்த்தி, ஊதியத்திலும் மாற்றத்தை ஏற்படுத்தக் கூடிய புதிய தொழிலாளர் விதிகள், அடுத்த மாதம் 1ம் தேதி முதல் அமலுக்கு வரும்' என, எதிர்பார்க்கப்படுகிறது.

தொழிலாளர் சட்டங்களில் மாற்றங்கள் ஏற்படுத்தும் நான்கு புதியவிதிகள், கடந்த 2019 -20ம் ஆண்டுகளில் பார்லிமென்டில் நிறைவேற்றப்பட்டன.தொழில் துறை உறவுகள், ஊதியம், சமூக பாதுகாப்பு மற்றும் தொழில்சார் சுகாதார பாதுகாப்பு, பணி நிலவரம் ஆகியவற்றில் புதிய விதிகள் அறிவிக்கப்பட்டன.

இதன்படி, நாள் ஒன்றுக்கு ஒன்பது மணி நேர பணி என்பது, 12 மணி நேரமாக உயர்த்தப்படும். தினமும், 12 மணி நேரம் பணி செய்பவர்கள், வாரத்திற்கு நான்கு நாட்கள் மட்டும் வேலை செய்தால் போதும்; மூன்று நாட்கள் விடுமுறை கிடைக்கும்.

புதிய விதிகளின் கீழ், அடிப்படை ஊதியம் 50 சதவீதமாகவும், படிகள் 50 சதவீதமாகவும் கணக்கிடப்படும். அடிப்படை ஊதியத்தின் அடிப்படையில் தான், பி.எப்., எனப்படும் தொழிலாளர் வைப்பு நிதிக்கான தொகை கணக்கிடப்படுகிறது.அடிப்படை ஊதியம் 50 சதவீதமாக கணக்கிடப்பட்டால், நிறுவனங்கள் செலுத்தும் பி.எப்., தொகை உயரும். இதனால், தொழிலாளர்களுக்கு பிடித்தம் போக கையில் கிடைக்கும் ஊதியம் குறையும். அதே நேரத்தில் பி.எப்., இருப்பு கணிசமாக உயரும்.


latest tamil news



இந்த புதிய விதிகளை, கடந்த ஏப்ரல் 1ம் தேதி முதல் அமல்படுத்த மத்திய அரசு திட்டமிட்டது. பல்வேறு காரணங்களால் அது தள்ளிப் போனது. இந்நிலையில், அடுத்த மாதம் 1ம் தேதி முதல் அமல்படுத்த வாய்ப்புள்ளதாக கூறப்படுகிறது.

தொழில் துறை உறவுகளுக்கான புதிய விதிகளின்படி, 300 ஊழியர்களுக்கு மேல் உள்ள நிறுவனங்கள், செலவீனங்களை குறைப்பது, ஆட் குறைப்பு, நிறுவனத்தை மூடுவது போன்ற நடவடிக்கைகளுக்கு, அரசின் அனுமதி பெற வேண்டிய அவசியம் இல்லை என்ற நிலை உள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X