சம்பவம் செய்தி

தமிழ்நாடு

குன்னுாரில் விதிகளை மீறி கட்டுமான பணி

Added : செப் 03, 2021
Share
Advertisement
குன்னுார்:குன்னுாரில் நடக்கும் விதிகளை மீறிய கட்டுமான பணியால், அரசு மருத்துவமனை இடியும் அபாயத்தில் உள்ளது.நீலகிரி மாவட்டம், நகராட்சி அலுவலகம் அருகே, பொக்லைன் பயன்படுத்தி தனியார் கட்டுமானத்துக்காக மண் தோண்டப்பட்டதில், அரசு மருத்துவமனை நடைபாதையில் விரிசல் ஏற்பட்டது. இதை சீரமைப்பதாக கூறி, மண் தோண்டப்பட்டதால், மண்சரிவு ஏற்பட்டு இருவர் காயமடைந்தனர். அதிகாரிகள்
 குன்னுாரில் விதிகளை மீறி கட்டுமான பணி

குன்னுார்:குன்னுாரில் நடக்கும் விதிகளை மீறிய கட்டுமான பணியால், அரசு மருத்துவமனை இடியும் அபாயத்தில் உள்ளது.

நீலகிரி மாவட்டம், நகராட்சி அலுவலகம் அருகே, பொக்லைன் பயன்படுத்தி தனியார் கட்டுமானத்துக்காக மண் தோண்டப்பட்டதில், அரசு மருத்துவமனை நடைபாதையில் விரிசல் ஏற்பட்டது. இதை சீரமைப்பதாக கூறி, மண் தோண்டப்பட்டதால், மண்சரிவு ஏற்பட்டு இருவர் காயமடைந்தனர். அதிகாரிகள் கண்டுகொள்ளாத நிலையில், மீண்டும் 24 அடி உயரத்துக்கு மண் தோண்டப்பட்டது.

இதனால், நேற்று அதிகாலை மீண்டும் மண் சரிந்து மின் கம்பங்கள் சாய்ந்தன. அரசு மருத்துவமனையின் ஆக்சிஜன் பிளான்ட் பகுதியில் விரிசல் ஏற்பட்டதால், ஸ்கேன் பிரிவுக்கு செல்ல தடை விதிக்கப்பட்டது.

நீலகிரி கூடுதல் கலெக்டர் தீபனா விஸ்வேஷ்வரி தலைமையில், வருவாய் துறையினர் ஆய்வு மேற்கொண்டனர். பணி மேற்கொள்ளும் அ.தி.மு.க., முன்னாள் கவுன்சிலர் யோகேஷ் கண்ணனுக்கு, விதி மீறியதற்காக 5 லட்சம் ரூபாய் அபராதம் விதித்தனர்.குன்னுார் மின் வாரிய அதிகாரிகள் ஆய்வு செய்து, மூன்று மின் கம்பங்கள் சேதமானதற்கு, 46 ஆயிரம் ரூபாய் அபராதம் விதித்தனர்.

மத்திய மண் மற்றும் நீர்வள பாதுகாப்பு ஆராய்ச்சி மைய விஞ்ஞானி மணிவண்ணன் ஆய்வு செய்து, அதிகாரிகளிடம் கூறுகையில், ''மருத்துவமனையின் 'செப்டிக் டேங்க்' பகுதியில், மண்சரிவு ஏற்பட்டு பாதிக்கப்படும் வாய்ப்பு உள்ளது. நவீன இயந்திரங்களை வைத்து போர்க்கால அடிப்படையில், தடுப்பு சுவர் அமைக்கா விட்டால் பாதிப்பு அபாயம் உள்ளது,'' என்றார்.இதையடுத்து, மாநில நெடுஞ்சாலை துறை அதிகாரிகளை வரவழைத்து, பாதிப்பு ஏற்படாத வகையில், தடுப்புப் பணி வேகமாக நடந்து வருகிறது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X