தலைகீழாக கார் கவிழ்ந்து தனியார் நிறுவன மேலாளர் படுகாயம்| Dinamalar

சம்பவம் செய்தி

தமிழ்நாடு

தலைகீழாக கார் கவிழ்ந்து தனியார் நிறுவன மேலாளர் படுகாயம்

Added : செப் 10, 2021 | கருத்துகள் (2)
Share
ஆற்காடு:ஆற்காடு அருகே, மாடு மிரட்டு ஓடியதால் தலைகீழாக கார் கவிழ்ந்து தனியார் நிறுவன மேலாளர் படுகாயமடைந்தார்.திருவண்ணாமலை மாவட்டம், செய்யாறு பசும்பொன் நகரை சேர்ந்தவவர் கார்த்திகேயன், 36. இவர் கர்நாடகா மாநிலம், பெங்களூரில் உள்ள தனியார் நிறுவனத்தில் மேலாளராக பணியாற்றி வருகிறார். இன்று அதிகாலை 4:00 மணிக்கு செய்யாறில் இருந்து பெங்களூருக்கு டாடா நெக்ஸான் காரில்
 தலைகீழாக கார் கவிழ்ந்து தனியார் நிறுவன மேலாளர் படுகாயம்

ஆற்காடு:ஆற்காடு அருகே, மாடு மிரட்டு ஓடியதால் தலைகீழாக கார் கவிழ்ந்து தனியார் நிறுவன மேலாளர் படுகாயமடைந்தார்.
திருவண்ணாமலை மாவட்டம், செய்யாறு பசும்பொன் நகரை சேர்ந்தவவர் கார்த்திகேயன், 36. இவர் கர்நாடகா மாநிலம், பெங்களூரில் உள்ள தனியார் நிறுவனத்தில் மேலாளராக பணியாற்றி வருகிறார். இன்று அதிகாலை 4:00 மணிக்கு செய்யாறில் இருந்து பெங்களூருக்கு டாடா நெக்ஸான் காரில் சென்றார்.காரை இவரே ஓட்டிச் சென்றார். சென்னை- பெங்களூரு தேசிய நெடுஞ்சாலையில், ராணிப்பேட்டை மாவட்டம், ஆற்காடு பை பாஸ் சாலையில் இவர் சென்ற போது, எருமை மாடு ஒன்று திடிரென மிரண்டு ஓடியது. இதனால் நிலைதடுமாறிய பிரேக் போட்டதில், மாடு மீது கார் மோதி தலைகீழோக கவிழ்ந்தது.

திடிரென கார் கவிழ்ந்ததால், அதற்கு பின்னால் பைக்கில் வந்தவர்கள் சடன் பிரேக் போட்டதில் 20 க்கும் மேற்பட்டவர்கள் கீழே விழுந்தனர். பொது மக்கள் கார்த்திகேயனை மீட்டு ஆற்காடு அரசு மருத்துவமனைக்கு அனுப்பி வைத்தனர். பைக்கில் இருந்து கீழே விழுந்தவர்களுக்கு முதலுதவி செய்யப்பட்டது.ஆற்காடு போலீசார் கிரென் மூலம் காரை அப்புறப்படுத்தினர். ஆற்காடு போலீசார் வழக்கு பதிவு செய்தனர். இந்த விபத்தில் எருமை மாடு காயமில்லாமல் உயிர் தப்பியது.

ராணிப்பேட்டை, வேலுார், திருப்பத்துார் மாவட்டங்கள் வழியாக சென்னை - பெங்களூரு தேசிய நெடுஞ்சாலை செல்கிறது. இந்த சாலையில் ஏராளமான மாடுகள் சுற்றிக் கொண்டுள்ளது. இதனால் இது போன்ற விபத்துக்கள் நடப்பது தொடர்கதையாகி வருகிறது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X