சம்பவம் செய்தி

தமிழ்நாடு

அடாவடி தி.மு.க.,வினரை 'பின்னி எடுத்த' கிராம மக்கள்

Added : செப் 13, 2021 | கருத்துகள் (3)
Share
Advertisement
தஞ்சாவூர்-பேக்கரியில் ரகளை செய்த தி.மு.க.,வினரை, கிராம மக்கள் அடித்து உதைத்து போலீசில் ஒப்படைத்தனர்.தஞ்சாவூர், சூரக்கோட்டையைச் சேர்ந்த ஆனந்தன், 48, மன்னார்குடி - பட்டுக்கோட்டை பிரிவு சாலையில், பேக்கரி மற்றும் டீக்கடை நடத்தி வருகிறார். ஆபாச பேச்சுமன்னார்குடி நகர தி.மு.க., இளைஞரணி செயலர் சுதாகர், 42, விவசாய தொழிலாளர் அணி நகர அமைப்பாளர் பாண்டவர், 54, மாணவரணி நகர துணைச் செயலர்
 அடாவடி தி.மு.க.,வினரை 'பின்னி எடுத்த' கிராம மக்கள்

தஞ்சாவூர்-பேக்கரியில் ரகளை செய்த தி.மு.க.,வினரை, கிராம மக்கள் அடித்து உதைத்து போலீசில் ஒப்படைத்தனர்.தஞ்சாவூர், சூரக்கோட்டையைச் சேர்ந்த ஆனந்தன், 48, மன்னார்குடி - பட்டுக்கோட்டை பிரிவு சாலையில், பேக்கரி மற்றும் டீக்கடை நடத்தி வருகிறார்.

ஆபாச பேச்சு

மன்னார்குடி நகர தி.மு.க., இளைஞரணி செயலர் சுதாகர், 42, விவசாய தொழிலாளர் அணி நகர அமைப்பாளர் பாண்டவர், 54, மாணவரணி நகர துணைச் செயலர் முருகேசன், 48 உள்ளிட்ட எட்டு பேர், நேற்று முன்தினம் மாலை காரில் வந்துள்ளனர்.சூரக்கோட்டையில் உள்ள ஆற்றில் குளித்துவிட்டு, பேக்கரியில் டீ குடித்தனர். அருகில் உள்ள பெட்டிக்கடையில் சிகரெட் கேட்டு தகராறு செய்த அவர்கள், கடையில் இருந்த ரேவதி என்ற பெண்ணிடம் ஆபாசமாக பேசி, அவரது துப்பட்டாவை பிடித்து இழுத்துள்ளனர்.

ஆனந்தன் மகன் வசந்தன், 24 மற்றும் ஊழியர்கள், இதை தட்டிக் கேட்டுள்ளனர். ஆத்திரமடைந்த கும்பல், அவர்களை கடுமையாக தாக்கி, பேக்கரியில் இருந்த பொருட்களையும் அடித்து நொறுக்கினர்.இதில், ரேவதி, வசந்தன், பேக்கரி ஊழியர்கள் திருப்பதி, 25, பாஸ்கர், 24 வாடிக்கையாளர் கார்த்திகேயன், 35 ஆகியோர் காயமடைந்தனர்.

6 பேர் படுகாயம்

தகவலறிந்து வந்த கிராம மக்கள், தி.மு.க.,வினரை மடக்கிப் பிடித்து, அடித்து உதைத்தனர். அவர்களில், இருவர் காரில் தப்பியோடினர். கிராம மக்கள் தாக்கியதில், சுதாகர், பாண்டவர், முருகேசன் உட்பட ஆறு பேர் படுகாயம் அடைந்தனர். அவர்களை போலீசார் மீட்டு, தஞ்சாவூர் மருத்துவக் கல்லுாரி மருத்துவமனையில் அனுமதித்தனர். இச்சம்பவம் தொடர்பாக, ரேவதி புகார்படி, தி.மு.க., பிரமுகர்கள் ஆறு பேர் மீதும், தி.மு.க., நிர்வாகி பாண்டவர் புகார்படி, சூரக்கோட்டையைச் சேர்ந்த ஒன்பது பேர் மீதும், தஞ்சாவூர் தாலுகா போலீசார், வழக்கு பதிவு செய்து விசாரிக்கின்றனர்.

Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
D.Ambujavalli - Bengaluru,இந்தியா
14-செப்-202115:21:05 IST Report Abuse
D.Ambujavalli இது எதுவுமே புதிதல்ல இவர்களே போதும், வரப்போகும் உள்ளாட்சித் தேர்தல் முடிவுகளை எழுத P
Rate this:
Cancel
Nanban - Kajang,மலேஷியா
14-செப்-202108:46:12 IST Report Abuse
Nanban அதி மு க முதற்படியாக செய்ய வேண்டிய வேலை , ஒவ்வொரு நகரத்துக்கும் , ஒன்றியத்துக்கும் ஒரு வழக்காட குழு அமைத்து , இந்த மாதிரியான ஆட்களை ஊர் மக்கள் உதவியுடன் நைய புடைத்து வீடியோ ஆதாரத்துடன் காவல் நிலையத்தில் ஒப்படைத்து அந்த நிகழ்வையும் கண்காணிக்க வேண்டும் , இப்படி செய்தால் வொவ்வொரு தேர்தலிலும் தி முகவினரின் ரவுடிதனத்தை பயன் படுத்திக்கொள்ளலாம். ஏனன்றால் தி மு க வினருக்கே தெரியும் இது தான் தி மு கவின் கடைசி இந்தாண்டு கால ஆட்சி என்று எனவே அவர்கள் முடிந்தவரையில் எவ்வளவு ஆட்டம் போட முடியுமோ அவ்வளவு ஆட்டம் போடுவார்கள்.
Rate this:
Cancel
NicoleThomson - chikkanayakanahalli,வலிமையான இந்திய கண்டம் ,இந்தியா
14-செப்-202105:33:12 IST Report Abuse
NicoleThomson வழக்கு பதிவு செய்த அந்த காவலர்களுக்கு தகுந்த தண்டனை வேண்டும் , இவர்கள் எல்லா இடத்திலும் ஆளும் கட்சி கழகத்துக்கு அடங்கி சட்டத்தை மதிக்காமல் இருப்பதுவே பெரும் பின்னடைவு
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X