அரசியல் செய்தி

தமிழ்நாடு

கோவில் நிலங்களுக்கு பட்டா? அமைச்சர் சேகர்பாபு மறுப்பு!

Added : செப் 14, 2021 | கருத்துகள் (1)
Share
Advertisement
திருச்சி:''மன்னர்களும், ஜமீன்தார்களும் கோவில்களுக்கு இனாமாகக் கொடுத்த நிலத்துக்கு பட்டா கொடுப்பது சாத்தியமற்றது. கோவில் நிலங்களுக்கு பட்டா கொடுக்கும் பேச்சுக்கே இடமில்லை,'' என, அறநிலையத் துறை அமைச்சர் சேகர்பாபு கூறினார்.திருச்செந்துார், சமயபுரம், திருத்தணி ஆகிய கோவில்களில், தினமும் 5,000 பேருக்கு அன்னதானம் வழங்கும் திட்டத்தை, முதல்வர் ஸ்டாலின் நாளை துவக்கி

திருச்சி:''மன்னர்களும், ஜமீன்தார்களும் கோவில்களுக்கு இனாமாகக் கொடுத்த நிலத்துக்கு பட்டா கொடுப்பது சாத்தியமற்றது. கோவில் நிலங்களுக்கு பட்டா கொடுக்கும் பேச்சுக்கே இடமில்லை,'' என, அறநிலையத் துறை அமைச்சர் சேகர்பாபு கூறினார்.

திருச்செந்துார், சமயபுரம், திருத்தணி ஆகிய கோவில்களில், தினமும் 5,000 பேருக்கு அன்னதானம் வழங்கும் திட்டத்தை, முதல்வர் ஸ்டாலின் நாளை துவக்கி வைக்கிறார். இதற்கான ஏற்பாடுகளை பார்வையிடுவதற்காக, அமைச்சர் சேகர்பாபு திருச்சி வந்தார். அவருடன், நகர்ப்புற வளர்ச்சித் துறை அமைச்சர் நேரு உடன் சென்றார்.திருவானைக்காவல், சமயபுரம் மாரியம்மன் கோவில்களில் ஆய்வு செய்த பின், சேகர்பாபு கூறியதாவது:

முதல்வராக ஸ்டாலின் பொறுப்பேற்ற பின், கோவில்களில் ஐந்து ஆண்டுகள் தொடர்ந்து பணியாற்றியவர்களை, நிரந்தரமாக்குவதற்கான ஆணை வெளியிடப்பட்டு உள்ளது.துறை ரீதியாக அனைத்து தகவல்களும் திரட்டி, தகுதியானோர் நிரந்தர பணி நியமனம் செய்யப்படுவர். அரசு பணிக்கான வயது வரம்பு 35 தான். புதிதாக வருவோருக்கும் வாய்ப்பு கிடைக்கும் வகையில் முடிவு எடுக்கப்படும்.

தி.மு.க., ஆட்சிப் பொறுப்பேற்ற பின், 180 ஏக்கர் கோவில் நிலங்கள் மீட்கப்பட்டுள்ளன. அறநிலையத் துறை ஆணையர் தான், ஆக்கிரமிப்பாளர்கள் மீது புகார் கொடுக்க வேண்டும் என்ற நிலையை மாற்றி, இறை பக்தி உள்ள யார் புகார் கொடுத்தாலும் நடவடிக்கை எடுக்கப் படும் என முதல்வர் தெரிவித்துள்ளார். மன்னர் காலத்தில் ஜமீன்தார்கள் கோவில்களுக்கு இனாமாகக் கொடுத்த நிலத்துக்கு பட்டா கொடுப்பது சாத்தியமற்றது. மயிலாடுதுறை போன்ற இடங்களில் பட்டா கொடுத்தது தொடர்பாக, நீதிமன்றத்தில் வழக்கு தொடரப்பட்டு தடை விதிக்கப்பட்டுள்ளது. எனவே, கோவில் நிலங்களுக்கு பட்டா கொடுக்கும் பேச்சுக்கே இடமில்லை.இவ்வாறு அவர் கூறினார்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RajanRajan - kerala,இந்தியா
15-செப்-202120:34:50 IST Report Abuse
RajanRajan ஒரு வேளை மொத்த கோவில்களையும் பட்ட போட்டு அரசு சொத்தாகி கட்டம் போட்டுக்க திட்டம் போடுறானுங்களோ. செய்தால் செய்வானுங்க. சிவன் சொத்து குலநாசம் என்பதை மறந்துடாதீங்கப்பா பகுத்தறிவு சங்குகளே
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X