எக்ஸ்குளுசிவ் செய்தி

தமிழ்நாடு

தங்கப்பதக்கம் தட்டினாலும் 'சீட்' இல்லை: சட்ட படிப்பு சேர்க்கையில் குளறுபடி

Updated : செப் 15, 2021 | Added : செப் 15, 2021 | கருத்துகள் (1)
Share
Advertisement
இளங்கலை சட்டப்படிப்பில் தங்கப்பதக்கம் வென்ற மாணவர்கள் கூட முதுகலையில் சேர முடியாத சூழலை, அரசின் புதிய திட்டம் உருவாக்கி உள்ளது. டாக்டர் அம்பேத்கர் சட்டப் பல்கலையின் கீழ், சென்னையில் இரண்டு உட்பட தமிழகம் முழுதும் 13 கல்லுாரிகள் உள்ளன. பிளஸ் 2 முடித்து, ஐந்து ஆண்டு சட்டம் பயிலும் மாணவர்களும், ஏற்கனவே ஏதாவது பட்டப்படிப்பு முடித்து, மூன்று ஆண்டுகள் சட்டம் பயிலும்
தங்கப்பதக்கம் தட்டினாலும் 'சீட்' இல்லை: சட்ட படிப்பு சேர்க்கையில் குளறுபடி

இளங்கலை சட்டப்படிப்பில் தங்கப்பதக்கம் வென்ற மாணவர்கள் கூட முதுகலையில் சேர முடியாத சூழலை, அரசின் புதிய திட்டம் உருவாக்கி உள்ளது.

டாக்டர் அம்பேத்கர் சட்டப் பல்கலையின் கீழ், சென்னையில் இரண்டு உட்பட தமிழகம் முழுதும் 13 கல்லுாரிகள் உள்ளன. பிளஸ் 2 முடித்து, ஐந்து ஆண்டு சட்டம் பயிலும் மாணவர்களும், ஏற்கனவே ஏதாவது பட்டப்படிப்பு முடித்து, மூன்று ஆண்டுகள் சட்டம் பயிலும் மாணவர்களும் சேர்க்கப்படுகின்றனர்.

கடந்த 2016 - -2017 வரை, இரு தரப்பு மாணவர்களும் எழுத்து தேர்வுகள் மூலமே தேர்ச்சி பெற்றனர். 2017 - -2018 முதல் 70 சதவீத மதிப்பெண்ணுக்கு எழுத்து தேர்வும், 30 சதவீதத்திற்கு அகமதிப்பீடும் செயல்படுத்தப்படுகிறது. முதலில் இருந்த 100 சதவீத எழுத்து தேர்வு முறையில், 60 சதவீதத்திற்கு மேல் மதிப்பெண் கிடைப்பதில்லை. ஆனால், புதிய தேர்வு முறையில் 70 சதவீதத்திற்கும் மேலான மதிப்பெண்களை எளிதில் பெறுகின்றனர்.

கடந்த 2020ல் முதுகலை சட்டம் பயில விண்ணப்பித்த இருதரப்பு மாணவர்களுக்கும் ஒரே, 'கட் ஆப்' அறிவிக்கப்பட்டு, மாணவர் சேர்க்கை நடந்தது. இதில் ஐந்து ஆண்டு முடித்தவர்கள் பழைய முறையிலும், மூன்று ஆண்டு படித்தவர்கள், புதிய முறையிலும் மதிப்பெண் பெற்றுள்ளனர். இதில், மூன்று ஆண்டு மாணவர்களுக்கு அக மதிப்பெண் அதிகம் வழங்கப்படுவதால், அதிக முன்னிலை பெறுகின்றனர்.

மொத்தமுள்ள 360 இடங்களில், பெரும்பான்மையான இடங்கள், மூன்றாண்டு மாணவர்களுக்கே கிடைத்தது. பல்கலை அளவில் முதலிடம் பிடித்து தங்கப்பதக்கம் பெற்ற ஐந்து ஆண்டு மாணவர்களுக்கு கூட இடம் கிடைக்கவில்லை. 'கட் ஆப்' மதிப்பெண்ணும் மிகவும் அதிகரித்துள்ளது.

இது குறித்து, மாணவர்கள் அரசுக்கும், சட்டக்கல்வி இயக்குனரத்திற்கும் புகார் செய்தும் கண்டுகொள்ளவில்லை. கடந்த ஆண்டு, நடப்பாண்டில் இறுதியாண்டு முடித்த ஐந்து ஆண்டு மாணவர்கள் மட்டுமே இந்த பிரச்னையை எதிர்கொள்கின்றனர். 'எனவே 100 சதவீத மதிப்பெண்ணுக்கும் தேர்வு எழுதிய ஐந்து ஆண்டு மாணவர்கள் பாதிக்கப்படாத வகையில், முதுநிலை மாணவர் சேர்க்கையை அரசு நடத்த வேண்டும்' என பாதிக்கப்பட்ட மாணவர்கள் வலியுறுத்தி உள்ளனர்.

- நமது நிருபர் -

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
duruvasar - indraprastham,இந்தியா
15-செப்-202111:51:19 IST Report Abuse
duruvasar கல்லூரியில் சேர பெயர் கொடுக்க கனவு கண்ட அனைவரும் பாஸ் என்ற சமூகநீதி கிடைக்கும் நாளே உண்மையான கல்வி . தமிழகம் இதிலும் முன்னோடியாக இருக்கவேண்டும் என்பதே அனைத்து மக்களின் ஒருமித்த கருத்தாக இருக்கிறது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X