சம்பவம் செய்தி

தமிழ்நாடு

துட்டுக்காக இல்ல... கிக்குக்காக... நடிகர் சூரி வீட்டுத் திருமணத்தில் திருடிய நகைக்கடை அதிபர்

Added : செப் 15, 2021 | கருத்துகள் (1)
Share
Advertisement
ராமநாதபுரம்:மதுரையில் நடிகர் சூரி வீட்டில் திருடி கைது செய்யப்பட்ட பரமக்குடி நகைக்கடை உரிமையாளர் விக்னேஷ் 29, கிக்குக்காகவும், விளம்பரத்திற்காகவும் திருடுபவர் என போலீசார் கூறினர்.பணத்திற்காகவும், மது, மாது என ஜாலியாக சுற்றவுமே திருட்டு சம்பவங்கள் நடக்கும். ராமநாதபுரம் மாவட்டம் பரமக்குடியை சேர்ந்தவர் மணிவாசகம். இரண்டு நகைக்கடைகள் நடத்தி வருகிறார். இவரது மகன்

ராமநாதபுரம்:மதுரையில் நடிகர் சூரி வீட்டில் திருடி கைது செய்யப்பட்ட பரமக்குடி நகைக்கடை உரிமையாளர் விக்னேஷ் 29, கிக்குக்காகவும், விளம்பரத்திற்காகவும் திருடுபவர் என போலீசார் கூறினர்.

பணத்திற்காகவும், மது, மாது என ஜாலியாக சுற்றவுமே திருட்டு சம்பவங்கள் நடக்கும். ராமநாதபுரம் மாவட்டம் பரமக்குடியை சேர்ந்தவர் மணிவாசகம். இரண்டு நகைக்கடைகள் நடத்தி வருகிறார். இவரது மகன் விக்னேஷ், பட்டதாரி. சமீபத்தில் மதுரையில் நடந்த நடிகர் சூரியின் அண்ணன் மகள் திருமணத்தில் மணமகளின் நகை திருடப்பட்டவழக்கில் சி.சி.டி.வி., பதிவு அடிப்படையில் விக்னேைஷ மதுரை போலீசார் நேற்று முன்தினம் இரவு பரமக்குடியில் கைது செய்தனர்.

போலீசார் விசாரணையில் பல ருசிகர தகவல் வெளிவந்துள்ளது.இரண்டு நகைக்கடைகளுக்கு சொந்தக்காரரான விக்னேஷ் விளம்பர பிரியர். மதுரை, சென்னையில் 5 நட்சத்திர ஓட்டல்களில் தங்கி முக்கிய பிரமுகர்கள், சினிமா பிரபலங்களுடன் நெருங்கி பழகி புகைப்படம் எடுத்து அதனை சமூக வலைதளங்களில் பதிவிடுவதை வழக்கமாக கொண்டுள்ளார்.

அப்படி பழகும் பிரபலங்களின் வீடுகளில் நடக்கும் முக்கிய விழாக்களில் அழைப்பு இல்லாமலேயே பங்கேற்பார். அங்கு தில்லாலங்கடி திரைப்படத்தில் ஜெயம் ரவிபாணியில் திருடுவதில் கிக் தேடியுள்ளார். திருட்டில் சிக்கி கொண்டால் அவரது படத்துடன் வரும் செய்தியை சமூக வலைதளங்களில் வெளியிட்டு விளம்பரம் தேடிக்கொள்வார்.

சில மாதங்களுக்கு முன் மதுரையில் நடந்த போலீஸ் உயர் அதிகாரியின் மகள் பிறந்தநாள் விழாவில் விக்னேஷ் பங்கேற்றார். அதிகாரி மகள் அணிந்திருந்த வைர நெக்லசை திருடினார். இதை கவனித்த போலீசார் அவரை கைது செய்து சிறையில் அடைத்தனர்.இதுபோல் மதுரை, சிவகங்கை, சென்னை உள்ளிட்ட இடங்களில் இவர் மீது 30க்கும் மேற்பட்ட திருட்டு வழக்குகள் உள்ளன.

அதனை பொருட்டாக கொள்ளாமல் புல்லட்டில் பரமக்குடியில் வலம் வருவார். வசதியான குடும்பத்தில் வசதியாக வாழ்ந்து வரும் விக்னேஷ் பொழுது போக்காகவும், சுய விளம்பரத்திற்காகவும் இதுபோன்ற திருட்டுகளில் ஈடுபடுவது விசாரணை நடத்திய போலீசாரை அதிர்ச்சியடைய செய்துள்ளது.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
jayvee - chennai,இந்தியா
15-செப்-202113:49:33 IST Report Abuse
jayvee மனநல மருத்துவரிடம் ஆலோசனை பெறவேண்டிய நபர்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X