சட்ட போராட்டத்தால் நீட் தேர்வை விரட்டுவோம்: ஸ்டாலின் நம்பிக்கை| Dinamalar

அரசியல் செய்தி

தமிழ்நாடு

சட்ட போராட்டத்தால் 'நீட்' தேர்வை விரட்டுவோம்: ஸ்டாலின் நம்பிக்கை

Added : செப் 15, 2021
Share
சென்னை:'மருத்துவ படிப்புக்காக தற்கொலை செய்து உயிர் விடும் அவலத்தை தடுத்திடுவோம்; சட்டப் போராட்டத்தின் வழியே, 'நீட்' தேர்வை விரட்டுவோம்' என, முதல்வர் ஸ்டாலின் தெரிவித்துள்ளார்.அவரது அறிக்கை:நீட் என்ற உயிர் கொல்லிக்கு, அரியலுார் மாணவி கனிமொழி பலியாகி இருப்பது, அதிர்ச்சியையும், வேதனையையும் அளிக்கிறது. மாணவர்களின் உயிர்ப்பலிக்கு, இத்துடனாவது முற்றுப்புள்ளி வைக்க

சென்னை:'மருத்துவ படிப்புக்காக தற்கொலை செய்து உயிர் விடும் அவலத்தை தடுத்திடுவோம்; சட்டப் போராட்டத்தின் வழியே, 'நீட்' தேர்வை விரட்டுவோம்' என, முதல்வர் ஸ்டாலின் தெரிவித்துள்ளார்.அவரது அறிக்கை:நீட் என்ற உயிர் கொல்லிக்கு, அரியலுார் மாணவி கனிமொழி பலியாகி இருப்பது, அதிர்ச்சியையும், வேதனையையும் அளிக்கிறது. மாணவர்களின் உயிர்ப்பலிக்கு, இத்துடனாவது முற்றுப்புள்ளி வைக்க வேண்டும்.தமிழக மாணவர்களின் மருத்துவ கனவை சிதைக்கும், நீட் தேர்வை துவக்கம் முதலே எதிர்த்து வருகிறோம். அதற்கான சட்டப் போராட்டத்தையும், முழு வீச்சில் துவக்கி உள்ளோம். பா.ஜ., தவிர்த்து, அனைத்து கட்சிகளின் ஆதரவுடனும், ஒத்துழைப்புடனும், சட்டசபையில் நிறைவேற்றப்பட்டுள்ள சட்ட முன்வடிவுக்கு, ஜனாதிபதி ஒப்புதலை பெற்று, நீட் தேர்வை முழுமையாக நீக்கும் வரை, இந்த சட்டப் போராட்டத்தில் எந்தவித சமரசமும் கிடையாது என்ற உறுதியை வழங்குகிறேன்.நீட் தேர்வு என்பது தகுதியை எடைபோடும் தேர்வல்ல என்பதை உறுதிப்படுத்தும் வகையில், ஆள்மாறாட்டம், வினாத்தாள் விற்பனை, பயிற்சி நிறுவன தில்லுமுல்லுகள் உள்ளிட்ட பல மோசடிகள், தொடர்ந்து அம்பலமாகி வருகின்றன.கல்வியில் சமத்துவத்தை சீர்குலைக்கும், நீட் தேர்வு நீக்கப்படுவதற்கான அனைத்து முயற்சிகளையும், அரசு தொடர்ந்து மேற்கொண்டு வருகிறது.மாணவர்களின் எதிர்கால வளர்ச்சிக்காக, பல பயிற்சி வகுப்புகளுக்கு அனுப்பும் பெற்றோர், தங்கள் வீட்டு மாணவர்கள் மனம் தளராதிருக்கும் பயிற்சியை அளித்து, அவர்கள் மனதில் நம்பிக்கையை வளர்க்க வேண்டும்.உயிர்காக்கும் மருத்துவ படிப்புக்காக, தற்கொலை செய்து உயிர்விடும் அவலத்தை தடுத்திடுவோம்; சட்டப் போராட்டத்தின் வழியே நீட் தேர்வை விரட்டுவோம். மாணவி கனிமொழி குடும்பத்தினருக்கு ஆழ்ந்த இரங்கல். இனி இதுபோன்ற இன்னொரு இரங்கல் செய்திக்கு, இடம் தராத சூழலை உருவாக்கிடுவோம்.இவ்வாறு ஸ்டாலின் தெரிவித்துள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X