தியாகராஜனின் பேச்சுக்கு அண்ணாமலை கண்டனம்| Dinamalar

அரசியல் செய்தி

தமிழ்நாடு

தியாகராஜனின் பேச்சுக்கு அண்ணாமலை கண்டனம்

Added : செப் 20, 2021 | கருத்துகள் (39)
Share
சென்னை-''உள்ளாட்சி தேர்தல் தொடர்பாக, அ.தி.மு.க., - பா.ஜ., இடையேயான இடபங்கீடு முடியும் தருவாயில் உள்ளது. எங்கள் கூட்டணியில் கூச்சல், குழப்பம், சண்டை இல்லை,'' என, தமிழக பா.ஜ., தலைவர் அண்ணாமலை தெரிவித்தார்.அவர் அளித்த பேட்டி:மத்திய அரசுக்கு எதிராக, நாடு முழுதும் உள்ள எதிர்க்கட்சிகள், விலை உயர்வு உள்ளிட்ட பிரச்னைகளை எழுப்பி போராட்டம் நடத்தியுள்ளன. மத்தியில், தி.மு.க., அங்கம்
 தியாகராஜனின் பேச்சுக்கு அண்ணாமலை கண்டனம்

சென்னை-''உள்ளாட்சி தேர்தல் தொடர்பாக, அ.தி.மு.க., - பா.ஜ., இடையேயான இடபங்கீடு முடியும் தருவாயில் உள்ளது. எங்கள் கூட்டணியில் கூச்சல், குழப்பம், சண்டை இல்லை,'' என, தமிழக பா.ஜ., தலைவர் அண்ணாமலை தெரிவித்தார்.

அவர் அளித்த பேட்டி:மத்திய அரசுக்கு எதிராக, நாடு முழுதும் உள்ள எதிர்க்கட்சிகள், விலை உயர்வு உள்ளிட்ட பிரச்னைகளை எழுப்பி போராட்டம் நடத்தியுள்ளன. மத்தியில், தி.மு.க., அங்கம் வகித்த காங்கிரஸ் கூட்டணி ஆட்சியில், அனைத்து பொருட்களின் விலையும் உயர்ந்தது.அப்போது, உணவு பொருட்கள் பணவீக்கம் 12 சதவீதத்தை தாண்டியது. இது, பா.ஜ., ஆட்சிக்கு வந்த பின், 6 சதவீதத்திற்கு கீழ் குறைந்தது.பொதுத்துறை நிறுவனங்களை மத்திய அரசு விற்பதாக எதிர்க்கட்சிகள் கூறுகின்றன.

பொதுத்துறை நிறுவனங்களை, தனியார் துறைக்கு அரசு தாரைவார்க்கவில்லை. காங்கிரஸ் ஆட்சியில் தான், அந்த நிறுவனங்கள் தனியாருக்கு விற்கப்பட்டன.பெட்ரோல், டீசல் விலை உயரும் போது சாமானியர்கள் பாதிக்கின்றனர். எனவே, பெட்ரோல், டீசல் விலையை குறைக்க, மத்திய அரசு பல நடவடிக்கை எடுத்து வருகிறது. ஜி.எஸ்.டி., வரியில், மத்திய அரசு, மாநில அரசுகளுக்கு எந்த வஞ்சகமும் செய்யவில்லை.பெட்ரோல், டீசல் விற்பனையை, ஜி.எஸ்.டி., வரம்பிற்குள் கொண்டு வந்தால், அவற்றின் விலை குறைய வாய்ப்புள்ளது. இதுவே, எங்கள் விருப்பம். இதனால், மத்திய அரசுக்கும், மாநில அரசுக்கும் இழப்பு ஏற்படும். தமிழக அரசு, பெட்ரோல், டீசலை, ஜி.எஸ்.டி., வரம்பிற்குள் கொண்டு வர வேண்டும். ஜி.எஸ்.டி., கவுன்சில் கூட்டத்திற்கு, தமிழக நிதி அமைச்சர் செல்லாமல், அவர் அளிக்கும் பதில் வியப்பாக உள்ளது.எதிர்க்கட்சியாக இருந்த போது, ஜி.எஸ்.டி., வரம்பிற்குள் பெட்ரோல், டீசல் வர வேண்டும் என்று கூறிய தி.மு.க., தற்போது, ஆளுங்கட்சியாக வந்ததும், அதற்கு எதிர்ப்பு தெரிவிக்கிறது.

இதற்கான காரணத்தை, அக்கட்சி தெரிவிக்க வேண்டும்.தமிழக நிதி அமைச்சர் தியாகராஜனின் பேச்சும், அவர் சமூக வலைதளங்களில் பதிவிடும் கருத்துக்களும் கண்டிக்கத்தக்கவை.தி.மு.க., தவிர, மற்ற அனைத்து கட்சியினரையும், அவர் கடுமையாக விமர்ச்சிகிறார். அவர் மீது, முதல்வர் நடவடிக்கை எடுக்க வேண்டும்.உள்ளாட்சி தேர்தலில் அ.தி.மு.க., - பா.ஜ., இட பங்கீடு முடியும் தருவாயில் உள்ளது. எங்கள் கூட்டணியில் கூச்சல், குழப்பம், சண்டை இல்லை. தேசிய ஜனநாயக கூட்டணியில், பா.ம.க., இருக்கிறது.பா.ம.க., உள்ளாட்சி தேர்தலில் தனியாக நிற்பதாக தெரிவித்துள்ளது. பா.ம.க., உடன் கூட்டணி பேச்சு நடத்தவில்லை. அ.தி.மு.க., - பா.ஜ., கூட்டணி பலமாக உள்ளது.இவ்வாறு அவர் கூறினார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X