ஜாதிவாரி கணக்கெடுப்பு: அமித்ஷாவிடம் அனைத்துக் கட்சியினர் கோரிக்கை

Updated : செப் 26, 2021 | Added : செப் 26, 2021 | கருத்துகள் (10)
Share
Advertisement
புது டில்லி: ஜார்கண்ட் மாநில அனைத்துக் கட்சி பிரதிநிதிகள் அம்மாநில முதல்வர் ஹேமந்த் சோரன் தலைமையில் மத்திய உள்துறை அமைச்சர் அமித்ஷாவைச் சந்தித்து ஜாதிவாரி மக்கள் தொகைக் கணக்கெடுப்பு கோரிக்கையை முன் வைத்தனர்.ஜாதிவாரி மக்கள் தொகை கணக்கெடுப்பு நிர்வாக ரீதியாக சிக்கலானது மற்றும் தாமதம் ஏற்படுத்தும் ஒன்று என மத்திய அரசு சமீபத்தில் உச்ச நீதிமன்றத்தில்

புது டில்லி: ஜார்கண்ட் மாநில அனைத்துக் கட்சி பிரதிநிதிகள் அம்மாநில முதல்வர் ஹேமந்த் சோரன் தலைமையில் மத்திய உள்துறை அமைச்சர் அமித்ஷாவைச் சந்தித்து ஜாதிவாரி மக்கள் தொகைக் கணக்கெடுப்பு கோரிக்கையை முன் வைத்தனர்.



latest tamil news




ஜாதிவாரி மக்கள் தொகை கணக்கெடுப்பு நிர்வாக ரீதியாக சிக்கலானது மற்றும் தாமதம் ஏற்படுத்தும் ஒன்று என மத்திய அரசு சமீபத்தில் உச்ச நீதிமன்றத்தில் பிரமாணப் பத்திரம் தாக்கல் செய்துள்ளது.

இந்நிலையில், ஹேமந்த் சோரன் தலைமையில் ஜார்கண்ட் மாநில காங்கிரஸ் தலைவர் ராஜேஷ் தாக்கூர், பா.ஜ.க., மாநில தலைவர் தீபக் பிரகாஷ் எம்.பி., உள்ளிட்ட அனைத்துக் கட்சியினர் இன்று (செப்., 26) டில்லியில் உள்துறை அமைச்சர் அமித்ஷாவைச் சந்தித்து ஜாதிவாரி மக்கள் தொகை கணக்கெடுப்பு நடத்தப்படுவதை உறுதி செய்யும்படி வலியுறுத்தினார்கள்.

இது தொடர்பாக பிரதமர் மோடிக்கு எழுதிய கடிதத்தை முதல்வர் ஹேமந்த் சோரன் அமித்ஷாவிடம் வழங்கினார். அக்கடிதத்தில் பா.ஜ.க., உள்ளிட்ட அனைத்துக் கட்சி பிரதிநிதிகள் அனைவரும் கையெழுத்திட்டனர். அக்கடிதத்தில், “சுதந்திரத்துக்குப் பிறகு நடத்தப்பட்ட மக்கள்தொகை கணக்கெடுப்பில் ஜாதித் தரவு இல்லாததால், பிற்படுத்தப்பட்ட ஜாதி மக்கள் சிறப்புப் பலன்களைப் பெறுவதில் சிரமங்களை எதிர்கொள்கின்றனர். ஜாதிவாரி கணக்கெடுப்பு நடத்தப்படாது என பாராளுமன்றத்தில் அறிவித்திருப்பது துரதிர்ஷடசமானது. பிற்படுத்தப்பட்ட மற்றும் மிகவும் பிற்படுத்தப்பட்ட மக்களுக்கு இது நியாயமற்றது.” என குறிப்பிட்டுள்ளனர்.


latest tamil news




அனைத்துக் கட்சி பிரதிநிதிகளுடன் வந்திருந்த பா.ஜ.க., தலைவர் தீபக் பிரகாஷ், ஜாதிவாரி கணக்கெடுப்பை ஆதரிக்கிறீர்களா என்ற கேள்விக்கு நேரடி பதிலளிப்பதை மறுத்துவிட்டார். மேலும் அவர் கூறியதாவது: பிரதமர் மோடி பிற்படுத்தப்பட்ட மக்களின் நலன் விரும்புபவர் என்பதை நாம் அனைவரும் அறிவோம். மோடி அரசு ஓ.பி.சி., கமிஷனுக்கு அரசியலமைப்பு அந்தஸ்து வழங்கியது. மருத்துவம் மற்றும் பல் மருத்துவக் கல்லூரிகளில் ஓ.பி.சி.,க்கு 27% ஒதுக்கீட்டை வழங்கியது. பா.ஜ.க., அரசு பிற்படுத்தப்பட்ட மக்களின் நலனுக்காக தொடர்ந்து பணியாற்றி வருகிறது. என கூறினார்.

Advertisement




வாசகர் கருத்து (10)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
visu - Pondicherry,இந்தியா
27-செப்-202116:56:24 IST Report Abuse
visu ஜாதி வாரியாக கணக்கெடுத்தால் அரசியல் கட்சிகள் அந்த ஜாதிக்கு இந்த சலுகை என்று ஓட்டுக்காக நாட்டை இன்னமும் பிணைய தள்ளி விடுவார்கள் தயவு செய்து வேண்டாம்
Rate this:
Cancel
27-செப்-202110:51:46 IST Report Abuse
ஆரூர் ரங் ஆபத்தான கணக்கெடுப்பு. சாஹு எனும் ஒரு சாதியை ஒரு மாநிலத்தில் பிராமணர்களுக்கு கிட்டத்தட்ட இணையாக பார்க்கிறார்கள். அதே சாதி வேறு மாநிலத்தில் மிகவும் பிற்பட்ட பட்டியலில் உள்ளது. இன்னும் சொல்லப்போனால் ஒரு காலத்தில் நமது மாநிலத்தில் தேவதாசிகளுக்கு கோவில்களில் இறைவனுக்கு கும்பஆரத்தி எடுக்கும் உரிமை கொடுக்கபட்டிருந்தது. பிராமணர்களை மணக்கும்வழக்கம் கூட இருந்தது.🤔 இன்று அதே சாதியினர் வேறு இடங்களில் முடி திருத்தும் பணி செய்கிறார்கள். எந்த பட்டியலில் அவர்களை சேர்ப்பது?? ஒரே பெயரில் பல சாதிகள். ஒரே சாதிக்கு பல பட்டப் பெயர்கள் கூட உண்டு.
Rate this:
Cancel
Thirumal Kumaresan - singapore,சிங்கப்பூர்
27-செப்-202110:04:27 IST Report Abuse
Thirumal Kumaresan நாடு முன்னேற பொருளாதார அடிப்படையில் கணக்கிடுங்கள் அதுவே சிறப்பு.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X