பஞ்சாப் காங்., தலைவர் பதவியிலிருந்து சித்து திடீர் ராஜினாமா

Updated : செப் 28, 2021 | Added : செப் 28, 2021 | கருத்துகள் (29)
Share
Advertisement
சண்டிகர்: பஞ்சாப் முன்னாள் முதல்வர் அமரீந்தர் சிங் டில்லி சென்று பா.ஜ.,வில் சேர உள்ளதாக தகவல் வெளியான நிலையில், பஞ்சாப் மாநில காங்., தலைவர் பதவியிலிருந்து நவ்ஜோத் சிங் சித்து திடீரென ராஜினாமா செய்துள்ளார்.பஞ்சாப் மாநிலத்தின் முதல்வராக இருந்தவர் அமரீந்தர் சிங். இவருக்கும் நவ்ஜோத் சிங் சித்துவுக்கும் சமீப காலமாக மோதல் போக்கு நிலவியது. இதை சமாதானப்படுத்தும் நோக்கில்
Punjab, Congress, Sidhu, Navjot Singh Sidhu, Resigns, PCC, Amarinder, பஞ்சாப், காங்கிரஸ், சித்து, ராஜினாமா, அமரீந்தர் சிங்

சண்டிகர்: பஞ்சாப் முன்னாள் முதல்வர் அமரீந்தர் சிங் டில்லி சென்று பா.ஜ.,வில் சேர உள்ளதாக தகவல் வெளியான நிலையில், பஞ்சாப் மாநில காங்., தலைவர் பதவியிலிருந்து நவ்ஜோத் சிங் சித்து திடீரென ராஜினாமா செய்துள்ளார்.

பஞ்சாப் மாநிலத்தின் முதல்வராக இருந்தவர் அமரீந்தர் சிங். இவருக்கும் நவ்ஜோத் சிங் சித்துவுக்கும் சமீப காலமாக மோதல் போக்கு நிலவியது. இதை சமாதானப்படுத்தும் நோக்கில் சித்துவுக்கு பஞ்சாப் மாநில காங்கிரஸ் தலைவர் பதவி வழங்கப்பட்டது. இதன் பதவியேற்பு விழாவில் அமரீந்தர் கலந்து கொண்டார். ஆனாலும், இருவருக்கும் இடையே பனிப்போர் நிலவி வந்தது. இதையடுத்து தனது முதல்வர் பதவியை அமரீந்தர் சிங் ராஜினாமா செய்தார். இதனால், பஞ்சாப் மாநில புதிய முதல்வராக சித்துவின் ஆதரவாளர் சரண்ஜித்சிங் சன்னி பொறுப்பேற்றார்.


latest tamil news


இந்நிலையில், அமரீந்தர் சிங் இன்று (செப்.,28) டில்லி சென்று பா.ஜ., தேசிய தலைவர் ஜே.பி.நட்டாவையும், மத்திய உள்துறை அமைச்சர் அமித்ஷாவையும் நேரில் சந்தித்து பா.ஜ.,வில் சேர உள்ளதாக தகவல் வெளியாகியுள்ளது.

இதற்கிடையே பஞ்சாப் மாநில காங்., தலைவர் பதவியிலிருந்து விலகுவதாகவும், தொடர்ந்து காங்.,சில் சேவையாற்றப் போவதாகவும் சித்து திடீரென அறிவித்துள்ளார். ‛பஞ்சாப்பின் எதிர்காலம், வளர்ச்சி சார்ந்த விஷயங்களில் ஒருபோதும் சமரசம் செய்ய விருப்பமில்லை,' எனக் கூறி தன் ராஜினாமா கடிதத்தை காங்., இடைக்கால தலைவர் சோனியாவுக்கு அனுப்பி வைத்துள்ளார். இன்னும் சில மாதங்களில் சட்டசபை தேர்தலை சந்திக்கவள்ள பஞ்சாப் அரசியல் வட்டாரத்தில் பரபரப்பான சூழல் நிலவுகிறது.


அமரீந்தர் சிங் கருத்து


இது தொடர்பாக அமரீந்தர் சிங் டுவிட்டரில் பதிவிட்டு உள்ளதாவது: அவர் நிலையில்லாதவர், பஞ்சாப் மாநிலத்திற்கு பொருத்தமற்றவர் என நான் ஏற்கனவே கூறியுள்ளேன் என தெரிவித்து உள்ளார்.


latest tamil news



I told you so…he is not a stable man and not fit for the border state of punjab.

— Capt.Amarinder Singh (@capt_amarinder) September 28, 2021



latest tamil news


Advertisement




வாசகர் கருத்து (29)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
elakkumanan - Naifaru,மாலத்தீவு
28-செப்-202121:37:11 IST Report Abuse
elakkumanan பஞ்சாப் கான் கிராஸ் ஏற்கெனவே காரியம் பண்ணியாச்சு......ராவுளும் அம்மாவும் சேர்ந்து செஞ்சது ஒன்னு கூட உருப்படவில்லை..எல்லை மாநிலத்தில் நிலையற்ற தன்மை இருப்பதே கூட தேச நலனுக்கு நல்லதில்லை...ஆனால், சொந்த வயிறு தான் தேச நலனை விட முக்கியம் என்று நினைக்கும் எங்க ஊரு கூலிபான் கும்பலை சேர்ந்த சித்து , இந்த தேசத்துக்கு ஆற்றிய தொண்டு ...........பஞ்சாபில் கான் கிராஸ் க்கு காரியம் செய்ததுதான்....இனிமேல், 'முதல்வர்கள்' மீட்டிங் என்ற வார்த்தை கான் கிராஸ் கட்சிக்கு தேவை இல்லை......தனியே தன்னந்தனியே ..................
Rate this:
Cancel
Anbuselvan - Bahrain,பஹ்ரைன்
28-செப்-202121:09:07 IST Report Abuse
Anbuselvan இம்முறை ஆம் ஆத்மி கட்சி புஞ்சாபில் ஆட்சி அமைக்க வாய்ப்பு உள்ளது.
Rate this:
Cancel
Naagarazan Ramaswamy - Chennai,இந்தியா
28-செப்-202119:16:08 IST Report Abuse
Naagarazan Ramaswamy சித்து ஒரு நிலையான கொள்கை இல்லாதவர் தான்தோன்றித்தனம் நிறைய உண்டு. பாகிஸ்தானின் ஆதரவாக பேசி தன்னைக் கெடுத்துக்கொண்டார் என்பயது உண்மை. ராஜின்னாமா செத்தது பஞ்சாபிற்கு நன்மையே தரும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X