சம்பவம் செய்தி

தமிழ்நாடு

சட்ட விரோதமாக பண பரிமாற்றம் ரியல் எஸ்டேட் அதிபர் வீட்டில் 'ரெய்டு'

Added : செப் 28, 2021
Share
Advertisement
சென்னை:வட்டிக்கு பணம் வாங்கியவர்களின் நிலத்தை அபகரித்ததுடன், சட்ட விரோத பண பரிமாற்றத்தில் ஈடுபட்ட வழக்கில் சிக்கியுள்ள, தன்ராஜ் கோச்சார், அவரது உறவினர் வீடுகள், அலுவலகங்கள் என, 10 இடங்களில் அமலாக்கத் துறை அதிகாரிகள்அதிரடி சோதனை நடத்தி முக்கிய ஆவணங்களை கைப்பற்றினர்.நிதி நிறுவனம்சென்னை எழும்பூரை சேர்ந்தவர் தன்ராஜ் கோச்சார். இவர் தன் உறவினர்களுடன் சேர்ந்து,

சென்னை:வட்டிக்கு பணம் வாங்கியவர்களின் நிலத்தை அபகரித்ததுடன், சட்ட விரோத பண பரிமாற்றத்தில் ஈடுபட்ட வழக்கில் சிக்கியுள்ள, தன்ராஜ் கோச்சார், அவரது உறவினர் வீடுகள், அலுவலகங்கள் என, 10 இடங்களில் அமலாக்கத் துறை அதிகாரிகள்அதிரடி சோதனை நடத்தி முக்கிய ஆவணங்களை கைப்பற்றினர்.


நிதி நிறுவனம்

சென்னை எழும்பூரை சேர்ந்தவர் தன்ராஜ் கோச்சார். இவர் தன் உறவினர்களுடன் சேர்ந்து, டி.ஆர்.பவுண்டேஷன் என்ற பெயரில் நிதி நிறுவனம் மற்றும் ரியல் எஸ்டேட் நிறுவனம் நடத்தி வருகிறார்.இவர் 2006ல், தன் நிறுவன பங்குதாரர்களுக்கு தெரியாமல், தன் உறவினர்கள் பெயரில், 200 கோடி ரூபாய்க்கு, 33 ஏக்கர் நிலம் வாங்கி மோசடி செய்தது தொடர்பாக, மத்திய குற்றப்பிரிவு போலீசார் வழக்கு பதிந்தனர்.

இந்த வழக்கில் தன்ராஜ் கோச்சார் உட்பட, நெருங்கிய உறவினர்கள் ஏழு பேருக்கு, 6 ஆண்டு சிறை தண்டனை; தலா, 20 ஆயிரம் ரூபாய் அபராதமும் விதித்து நீதிமன்றம் தீர்ப்பளித்தது. தண்டனை முடிந்து, இவர்கள் வெளியே வந்துள்ளனர்.இவர்கள், நிதி நிறுவனம் வாயிலாக, தங்களிடம் வட்டிக்கு பணம் வாங்கியவர்களின் நிலத்தை அபகரித்து, அதை விற்று மோசடியில் ஈடுபட்டதாகவும், தன்ராஜ் மற்றும் குடும்ப உறுப்பினர்கள் மீது மற்றொரு குற்றச்சாட்டு எழுந்தது.

இதுகுறித்து, சென்னை போலீஸ் கமிஷனர் அலுவலகத்தில், பாதிக்கப்பட்டோர் புகார் அளித்தனர். தன்ராஜ் மற்றும் அவரது நெருங்கிய உறவினர்கள் மீது மத்திய குற்றப்பிரிவு போலீசார், 10க்கும் மேற்பட்ட வழக்குகள் பதிந்து விசாரித்து வருகின்றனர். அதிரடி சோதனைமேலும், பாதிக்கப்பட்டோர், சென்னையில் உள்ள அமலாக்கத்துறை அலுவலகத்தில், தன்ராஜ் கோச்சார், அவரது நெருங்கிய உறவினர்கள் மீது, நிலம் அபகரிப்பு மற்றும் சட்ட விரோத பண பரிமாற்றம் தொடர்பாகவும் புகார் அளித்துள்ளனர்.

விசாரணையில், சட்ட விரோத பண பரிமாற்றத்தில் ஈடுபட்டது உறுதியானதால், அவர்கள் மீது அமலாக்கத் துறையினர் வழக்கு பதிந்துள்ளனர். இந்த வழக்கு தொடர்பாக, எழும்பூர் மற்றும் வேப்பேரியில் உள்ள, தன்ராஜ் கோச்சார், அவரது உறவினர் ரமேஷ் குமார் கோச்சார் உள்ளிட்டோரின் வீடுகள்; பாரிமுனை என்.எஸ்.சி.போஸ் சாலையில் உள்ள அலுவலகங்கள் என, 10 இடங்களில் அமலாக்கத் துறை அதிகாரிகள் அதிரடி சோதனை நடத்தினர்.

காலை 5:00 மணியில் இருந்து, பல மணி நேரம் தொடர்ந்த சோதனையில், முக்கிய ஆவணங்களை கைப்பற்றி உள்ளனர். நில அபகரிப்பு தொடர்பான ஆவணங்களும் சிக்கி இருப்பதாக அமலாக்கத் துறை வட்டாரங்கள்தெரிவித்தன.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X