இந்தியாவின் உயரிய கருத்தாக்கத்தை பிரதமர் தகர்க்கிறார்: ராகுல் விமர்சனம்| Dinamalar

இந்தியாவின் உயரிய கருத்தாக்கத்தை பிரதமர் தகர்க்கிறார்: ராகுல் விமர்சனம்

Updated : செப் 29, 2021 | Added : செப் 29, 2021 | கருத்துகள் (52)
Share
திருவனந்தபுரம்: '‛இந்தியர்களிடையே உள்ள நல்லுறவை உடைத்து, இந்தியாவின் உயரிய கருத்தாக்கத்தை பிரதமர் மோடி தகர்க்கப்பார்க்கிறார்,'' என, காங்., எம்.பி., ராகுல் விமர்சித்துள்ளார்.கேரளாவின் மலப்புரத்தில் இன்று டயாலிசிஸ் மையத்தை தொடங்கி வைத்த காங்., எம்.பி., ராகுல் பேசியதாவது: இந்தியா வெறும் புவியியல் எல்லைகளை கொண்ட நாடு மட்டும் அல்ல. இந்திய மக்கள் அனைவரும் சாதி, மதங்களைக்
PM Modi Breaking Idea of India, My Job is to Bridge Gap, Rahul Gandhi, இந்தியாவின் கருத்தாக்கம், பிரதமர் தகர்க்கிறார், ராகுல் விமர்சனம், ராகுல் காந்தி, பிரதமர் மோடி,

திருவனந்தபுரம்: '‛இந்தியர்களிடையே உள்ள நல்லுறவை உடைத்து, இந்தியாவின் உயரிய கருத்தாக்கத்தை பிரதமர் மோடி தகர்க்கப்பார்க்கிறார்,'' என, காங்., எம்.பி., ராகுல் விமர்சித்துள்ளார்.

கேரளாவின் மலப்புரத்தில் இன்று டயாலிசிஸ் மையத்தை தொடங்கி வைத்த காங்., எம்.பி., ராகுல் பேசியதாவது: இந்தியா வெறும் புவியியல் எல்லைகளை கொண்ட நாடு மட்டும் அல்ல. இந்திய மக்கள் அனைவரும் சாதி, மதங்களைக் கடந்து, ஒருவருக்கொருவர் நல்லுறவை பேணிக்காத்து வருகின்றனர். இந்திய மக்களிடையே உள்ள இந்த நல்லுறவை பிரதமர் மோடி உடைக்கிறார். இதனால் நாட்டின் உயரிய கருத்தாக்கம் தகர்க்கப்படுகிறது.


latest tamil news


இந்தியா வெறும் ஒரு நாடு என்று அவர்கள் கூறுகிறார்கள். ஆனால், இந்தியா என்பது மக்கள், அவர்களின் உறவுகள் என நாங்கள் சொல்கிறோம். இது இந்து, இஸ்லாம் மற்றும் சீக்கியர்களுக்கு இடையேயான உறவு. தமிழ், இந்தி, உருது, வங்காளி ஆகியவற்றுக்கு இடையேயான உறவு. பிரதமர் இந்த உறவுகளை உடைக்க பார்க்கிறார்; அதற்கு அவர் வெறுப்பைப் பயன்படுத்துகிறார். அந்த பிளவை அன்பை கொண்டு மீண்டும் கட்டமைப்பதே எனது வேலை.

நாட்டில் பல்வேறு மரபுகள், கருத்துக்கள், பல்வேறு மதங்கள், வெவ்வேறு கலாச்சாரங்கள் ஆகியவற்றை புரிந்து கொள்ளாமல் என்னால் அதை கட்டியெழுப்ப முடியாது. அவர் உறவை முறிக்க பார்க்கும் அதே சமயத்தில், இந்தியர்களுக்கு இடையே பாலத்தை கட்டியெழுப்புவதை எனது கடமையாகவும், வேலையாகவும் கருதுகிறேன். இவ்வாறு அவர் பேசினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X