பொது செய்தி

தமிழ்நாடு

'எலக்ட்ரிக்' வாகனங்களுக்கு 'பேட்டரி': பெட்ரோல்'பங்க்'குகளில் அமைகிறது மையம்

Updated : அக் 01, 2021 | Added : செப் 29, 2021 | கருத்துகள் (2)
Share
Advertisement
சென்னை: 'சார்ஜிங்' செய்ய, மின் வாகனங்கள் காத்திருப்பதை தவிர்க்க, பொதுத் துறை எண்ணெய் நிறுவனங்கள், சென்னையில் உள்ள முக்கிய பெட்ரோல் 'பங்க்'குகளில், சார்ஜிங் செய்து தயார் நிலையில் உள்ள, 'பேட்டரி'களை மாற்றும் மையங்களை விரைவில் துவக்க உள்ளன.மத்திய அரசு, சுற்றுச்சூழல் பாதிப்பை தடுக்க, பேட்டரியில் இயங்கும் எலக்ட்ரிக் வாகனங்களை பயன்படுத்துமாறு, வாகன ஓட்டிகளை
பெட்ரோல்பங்க்,  மையம், எலக்ட்ரிக், வாகனங்கள், பேட்டரி,

சென்னை: 'சார்ஜிங்' செய்ய, மின் வாகனங்கள் காத்திருப்பதை தவிர்க்க, பொதுத் துறை எண்ணெய் நிறுவனங்கள், சென்னையில் உள்ள முக்கிய பெட்ரோல் 'பங்க்'குகளில், சார்ஜிங் செய்து தயார் நிலையில் உள்ள, 'பேட்டரி'களை மாற்றும் மையங்களை விரைவில் துவக்க உள்ளன.

மத்திய அரசு, சுற்றுச்சூழல் பாதிப்பை தடுக்க, பேட்டரியில் இயங்கும் எலக்ட்ரிக் வாகனங்களை பயன்படுத்துமாறு, வாகன ஓட்டிகளை அறிவுறுத்தி வருகிறது.


பெட்ரோல் பங்க்


இதனால், வாகன தயாரிப்பு நிறுவனங்களும், அந்த வாகனங்கள் உற்பத்திக்கு முக்கியத்துவம் அளித்து வருகின்றன.அதற்கு ஏற்ப, அந்த வாகனங்களை சார்ஜிங் செய்வதற்கான கட்டமைப்பை அதிகளவில் ஏற்படுத்த வேண்டிய கட்டாயம் ஏற்பட்டுஉள்ளது. இதற்காக, மத்திய மின் துறை, மாநகராட்சி பகுதிகளில், 3 கி.மீ., துாரத்திற்கு ஒரு சார்ஜிங் மையமும், தேசிய நெடுஞ்சாலைகளில் 25 கி.மீ., துாரத்திற்கு ஒரு சார்ஜிங் மையமும் அமைக்குமாறு, மாநில அரசுகளிடம் தெரிவித்துள்ளது. வீடு மற்றும் சார்ஜிங் மையங்களில் வாகனங்களை சார்ஜ் செய்ய, ஒரு மணி நேரத்திறகு மேல் ஆகும்.

இந்நிலையில் சார்ஜிங் செய்ய வாகனங்கள் காத்திருப்பதை தவிர்க்க, எண்ணெய் நிறுவனங்கள், சென்னையில் உள்ள முக்கிய பெட்ரோல் பங்க்குகளில், ஏற்கனவே சார்ஜ் செய்து தயார் நிலையில் உள்ள பேட்டரி மாற்றும் மையங்களை துவக்க உள்ளன.

இது குறித்து, எண்ணெய் நிறுவன அதிகாரி ஒருவர் கூறியதாவது:வீட்டில், எலக்ட்ரிக் காரை, அதன் திறனுக்கு ஏற்ப சார்ஜிங் செய்ய ஏழு மணி நேரமாகலாம். சார்ஜிங் மையங்களில் இரண்டு மணி நேரமாகும். அதற்கு 15 யூனிட் முதல், 30 யூனிட் வரை மின்சாரம் தேவைப்படும்.


'ஸ்வேப்பிங்'


ஒரு முறை சார்ஜிங் செய்தால், 150 கி.மீ., முதல், 200 கி.மீ., வரை பயணிக்கலாம். 'பை'க்கை ஒரு முறை சார்ஜ் செய்தால் 70 கி.மீ., செல்லலாம். ஒரு மணி நேரம் வரை சார்ஜிங் ஆகும்.உ.பி., போன்ற மாநிலங்களில், வாகனங்கள் சார்ஜிங் செய்ய காத்திருப்பதை தவிர்க்க, 'ஸ்வேப்பிங்' எனப்படும் பேட்டரி மாற்றும் மையங்கள், பெட்ரோல் பங்க்குகளில் துவக்கப்பட்டு உள்ளன.
அந்த மையங்களில், ஏற்கனவே சார்ஜிங் செய்யப்பட்ட பேட்டரிகள் தயார் நிலையில் இருக்கும். மையங்களுக்கு வாகனங்களை எடுத்து வந்ததும், சார்ஜிங் முடிந்த பேட்டரி கழற்றப்பட்டு, சார்ஜிங் செய்யப்பட்ட பேட்டரி மாற்றப்படும்.இந்த பணி, மூன்று நிமிடங்களில் முடிந்து விடும்.

தற்போது, 'லித்தினியம் அயன் பேட்டரி' தான் அதிக பயன்பாட்டில் உள்ளன. லித்தினியம் விலை அதிகம். அந்த பேட்டரிக்கு மாற்றாக, இந்தியன் ஆயில் நிறுவனம், 'பினெர்ஜி' என்ற நிறுவனத்துடன் இணைந்து, 'அலுமினியம் ஏர் பேட்டரி' தயாரித்து வருகிறது. லித்தினியத்தை விட, அலுமினியம் விலை குறைவு என்பதால், பேட்டரியும் குறைந்த விலைக்கு கிடைக்கும்.


பரிசோதனை


பாரத் பெட்ரோலியம், 'இ டிரைவ்' என்ற பெயரில், சென்னை ஐ.ஐ.டி., தொழில்நுட்ப ஆலோசனையில் லித்தினியம் பேட்டரி தயாரித்து விற்கிறது. ஹிந்துஸ்தான் பெட்ரோலியமும், தனியார் நிறுவனத்துடன் இணைந்து பேட்டரி விற்கிறது.

தற்போது சென்னையில், எலக்ட்ரிக் வாகனங்களின் எண்ணிக்கை அதிகரித்து வருகிறது. இதனால், 'எனர்ஜி எபிஷியன்சி' நிறுவனம், மெட்ரோ ரயில் நிலையங்களில், சார்ஜிங் மையங்களை துவக்கி வருகிறது. சார்ஜ் செய்ய காத்திருப்பதை தவிர்க்க எண்ணெய் நிறுவனங்கள் பரிசோதனை முயற்சியாக, சென்னையில் 15 பெட்ரோல் பங்குக்களில், எலக்ட்ரிக் வாகனங்களுக்கு பேட்டரி மாற்றும் மையங்களை துவக்க முடிவு செய்துள்ளன. அவை, விரைவில் செயல்பாட்டிற்கு வரும்.பேட்டரி மாற்றும் கட்டணம் இன்னும் இறுதி செய்யப்படவில்லை. பேட்டரிகளை சார்ஜிங் செய்து வழங்கும் நிறுவனங்கள், அதற்கான மின்சாரத்தை பெற, சூரியசக்தி மின் நிலையங்கள் அமைக்கும் பணிகளிலும் ஈடுபட்டுள்ளன. இ வ்வாறு அவர் கூறினார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
DVRR - Kolkata,இந்தியா
30-செப்-202117:29:04 IST Report Abuse
DVRR 3 நாட்கள் முன்பு தான் எனக்கு இந்த வாட்ஸாப்ப் வந்தது அயல்நாட்டில் இதை ஆரம்பித்து விட்டார்கள் என்று. இது நல்ல ஐடியா. இதற்கு தேவை ஒன்றே ஒன்று தான் தனது கார் இரு சக்கரவாகனம் பாட்டரி கொடுத்து புது பாட்டரி - சார்ஜட் பாட்டரி - மாற்றம் செய்யும் பொது யாரேனும் அங்கே இருந்து அதை கணக்கில் வைத்துக்கொண்டு இருக்கவேண்டும். அந்த பாட்டரி மாற்றம் எளிய வகையில் இருக்கவேண்டும் இப்போது இருக்கும் எலக்ட்ரிக் கார் பாட்டேரியை மாறுவது குதிரைக்கொம்பு அது சாஸ்ஸிஸ் சைசில் உள்ளது இந்த மாதிரி ஒரு பாட்டரி மாதிரி அல்ல, ஆகவே அந்த பாட்டேரியில் கூட மாற்றம் வேண்டும்.
Rate this:
Cancel
R. Vidya Sagar - Chennai,இந்தியா
30-செப்-202110:42:36 IST Report Abuse
R. Vidya Sagar மக்களே, ஒன்று தெரிந்து கொள்ளுங்கள். பாட்டரியை வேகமாக சார்ஜ் செய்தால் அதன் ஆயுள் குறையும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X