கோயில்களை திறக்காவிட்டால் மக்கள், மகேசன் தண்டிப்பார்கள்: எச்.ராஜா

Updated : செப் 30, 2021 | Added : செப் 30, 2021 | கருத்துகள் (120) | |
Advertisement
காரைக்குடி: தமிழகத்தில் பூங்காக்கள், தியேட்டர்கள் திறக்கப்பட்ட நிலையில், வார இறுதி நாட்களில் கோயில்களை திறப்பதற்கு அரசு நடவடிக்கை எடுக்க வேண்டும். இல்லையேல் மக்களும் தண்டிப்பார்கள், மகேசனும் தண்டிப்பார் என பா.ஜ., முன்னாள் தேசிய செயலாளர் எச்.ராஜா தெரிவித்தார்.காரைக்குடியில் 65 வது பிறந்தநாளை கொண்டாடிய அவர் கூறியதாவது: கேரளா போன்று தமிழகமும் ஹிந்து சிறுபான்மை
H Raja, BJP, Temples Reopen

காரைக்குடி: தமிழகத்தில் பூங்காக்கள், தியேட்டர்கள் திறக்கப்பட்ட நிலையில், வார இறுதி நாட்களில் கோயில்களை திறப்பதற்கு அரசு நடவடிக்கை எடுக்க வேண்டும். இல்லையேல் மக்களும் தண்டிப்பார்கள், மகேசனும் தண்டிப்பார் என பா.ஜ., முன்னாள் தேசிய செயலாளர் எச்.ராஜா தெரிவித்தார்.

காரைக்குடியில் 65 வது பிறந்தநாளை கொண்டாடிய அவர் கூறியதாவது: கேரளா போன்று தமிழகமும் ஹிந்து சிறுபான்மை மாநிலமாக மாறிவிடக்கூடாது என்று 7 ஆண்டுகளாக வெளிப்படையாக தெரிவித்து வருகிறேன். தமிழ்த்திரைப்படம் மூலமாக, ஹிந்து மத நம்பிக்கைகளை கொச்சைப்படுத்துவது, கேலி செய்வது போன்ற சம்பவங்கள் நடக்கும் காலத்தில் சமூக ரீதியாகவும், சட்ட ரீதியாகவும் பாடம் எடுப்பது போல ருத்ரதாண்டவம் என்கிற நல்ல படம் வந்துள்ளது.

தமிழகத்தில் சிலகாலமாக சாதாரண சட்டம் ஒழுங்கு பிரச்னையை ஜாதிப்பிரச்னையாக மாற்றி கலவரம் உருவாக்கப்படுகிறது. இதற்கென்றே சில கட்சிகள் உள்ளன. இதனை அப்படத்தில் தெரிவிக்கிறார்கள்.தமிழக போலீசார் சட்டம் ஒழுங்கை பாதுகாக்க, ரவுடிகளை கைது செய்கின்றனர். இதுகுறித்து எந்த சமுதாயமும் விமர்சனம் செய்யவில்லை. ஆனால், திருமாவளவனும், வன்னியரசும் இதை ஜாதியாக மாற்றுவது சரியில்லை.


latest tamil news



நான் பத்திரிக்கையாளர் சந்திப்பில் எந்த தவறான வார்த்தையையும் கூறவில்லை. அர்த்தம் புரியாமல் யார்மனதையாவது புண்படுத்தியிருந்தால் அது வருத்தமான விஷயம். இதற்கு அர்த்தம் விக்கிபீடியாவில் உள்ளது. பத்திரிக்கையாளர்கள் எங்காவது தாக்கப்பட்டால் முதலாவதாக கண்டிப்பவன் நானாக தான் இருப்பேன்.

கவர்னர் பதவி குறித்து சில சில்வண்டுகள் அனாவசியமாக பேசுவதை அனுமதிக்க முடியாது.கொரோனா மூன்றாவது அலை குழந்தைகளை தாக்குவதாக கூறி வரும் நிலையில், குழந்தைகள் பூங்கா திறந்து வைக்கப்பட்டுள்ளது. பூங்காக்கள், மால்கள், சினிமா தியேட்டர்கள் திறக்கப்பட்ட நிலையில் ஹிந்து கோயில்களை மட்டும் எதற்காக மூட வேண்டும்.

இது பெரும்பான்மை சமுதாயத்தை இழிவுபடுத்தும் நடவடிக்கை. இவ்வாறு செய்தால் மக்களும் தண்டிப்பார்கள், மகேசனும் தண்டிப்பார். எனவே உடனடியாக ஹிந்து கோயில்களை திறக்க வேண்டும், என்றார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




வாசகர் கருத்து (120)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sai - Paris,பிரான்ஸ்
01-அக்-202118:41:04 IST Report Abuse
Sai கோவில்கள் திறந்துதான் உள்ளது அனுதினமும் செல்கிறோம் பூஜைகளும் நடை பெறுகின்றன பக்தர்கள் வருகைதான் குறைவு என்பதே கள நிலவரம்
Rate this:
Cancel
Mayavan Mayavan - Chennai,இந்தியா
30-செப்-202117:47:07 IST Report Abuse
Mayavan Mayavan எனக்கு ஒன்றும் புரியவில்லை சார். கடவுள் பக்தர்களைதான் தண்டிக்கிறார். அவருடைய செயல்கள் நம் மூளைக்கு எட்டாது. பேசாமல் எல்லாவற்றையும் அவனிடம் ஒப்படைத்து விட்டு வேடிக்கை பாப்போம். நல்ல காலம் வெகு தொலைவில் இல்லை.
Rate this:
Cancel
Raj - Namakkal, Tamil Nadu,சவுதி அரேபியா
30-செப்-202117:11:35 IST Report Abuse
Raj கோவிலுக்கு போறதெல்லாம் பக்தர்களுடைய பிரச்சனை, நீ அரசியல்வாதியாக மோடிகிட்ட போராடி பெட்ரோல், டீசல், கேஸ் விலையை குறைக்க சொல்
Rate this:
Suresh Kumar - Salem,இந்தியா
30-செப்-202120:15:19 IST Report Abuse
Suresh Kumarஅப்படியே கோவில் நிர்வாகமும் பக்தர்களுடைய பிரச்சினை என்று அவர்களிடம் விட்டுவிடலாமே......
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X