டிரம்புக்கு நேரெதிராக வடகொரியா விவகாரத்தை சுமூகமாகக் கையாளும் பைடன்..!| Dinamalar

டிரம்புக்கு நேரெதிராக வடகொரியா விவகாரத்தை சுமூகமாகக் கையாளும் பைடன்..!

Updated : அக் 01, 2021 | Added : அக் 01, 2021 | கருத்துகள் (8)
Share
வாஷிங்டன்: வடகொரிய அதிபர் கிம் ஜாங் உன் தொடர்ந்து அமெரிக்காவுடன் மோதல் போக்கில் ஈடுபட்டு வருகிறார். அமெரிக்க முன்னாள் அதிபர் டொனால்டு டிரம்ப் உடன் கடந்த சில ஆண்டுகளுக்கு முன்னர் பேச்சுவார்த்தையில் ஈடுபட்டார் கிம். இனி வடகொரியா அணு ஆயுத சோதனையில் ஈடுபடப்போவதில்லை என்றும் சோதனைக் கூடங்களை மூடப்போவதாகவும் தெரிவித்து இருந்தார்.ஆனால் வெளியுலகுக்குத் தெரியாமல்
அமெரிக்கா, வடகொரியா, பைடன்,

வாஷிங்டன்: வடகொரிய அதிபர் கிம் ஜாங் உன் தொடர்ந்து அமெரிக்காவுடன் மோதல் போக்கில் ஈடுபட்டு வருகிறார். அமெரிக்க முன்னாள் அதிபர் டொனால்டு டிரம்ப் உடன் கடந்த சில ஆண்டுகளுக்கு முன்னர் பேச்சுவார்த்தையில் ஈடுபட்டார் கிம். இனி வடகொரியா அணு ஆயுத சோதனையில் ஈடுபடப்போவதில்லை என்றும் சோதனைக் கூடங்களை மூடப்போவதாகவும் தெரிவித்து இருந்தார்.

ஆனால் வெளியுலகுக்குத் தெரியாமல் மறைமுகமாக வடகொரியா நீண்ட காலமாகவே அணு ஆராய்ச்சியில் ஈடுபட்டுள்ளதாக தென்கொரிய ஊடகங்கள் குற்றம்சாட்டி வந்தன. தற்போதைய அமெரிக்க அதிபர் ஜோ பைடனும் கிம் உடன் அணுக்கமாகச் செல்லவே விரும்புகிறார்.

இதனிடையே தற்போது ஓர் புதிய கண்டம் விட்டு கண்டம் பாயும் ஏவுகணை தயாரிப்பில் வடகொரியா ஈடுபட்டுள்ளது. இது தொடர்பான செய்தி வெளியாகி சமூக வலைதளங்களில் வைரல் ஆகியது.

ஜோ பைடன் பேச்சுவார்த்தை நடத்த அழைப்பு விடுத்திருந்தது அமெரிக்காவின் தந்திரம் என்று விமர்சித்திருந்தார் கிம். இதுதொடர்பாக தற்போது பேட்டி அளித்துள்ள அமெரிக்க மாகாணச் செயலாளர் ஆண்டனி பிளிங்கன், அமெரிக்காவின் நட்பு நாடுகளான ஜப்பான், தென்கொரியா ஆகியவற்றுடன் இணைந்து வடகொரியாவுடன் சமாதான பேச்சுவார்த்தையில் ஈடுபட ஜோ பைடன் அரசு விரும்புவதாகத் தெரிவித்துள்ளார்.

அணு ஆயுதத் தயாரிப்பு மற்றும் சோதனையை வடகொரியா நிறுத்திக்கொள்ள வேண்டுமானால் அமெரிக்க முன்னாள் அதிபர் டிரம்ப் வடகொரியாவுக்கு விதித்த கட்டுப்பாடுகளை நீக்க வேண்டும் என்று கிம் ஜாங் உன் தரப்பு தெரிவித்திருந்ததாக தென்கொரியா கூறியது.

கடந்த 40 - 50 ஆண்டுகளாக இந்த பிரச்னை நீடித்து வருகிறது. இரண்டாம் உலகப் போரின் போது ரஷ்யாவின் பிடியிலிருந்து கொரியாவை மீட்க அமெரிக்க படைகள் போர் புரிந்தன. இதனையடுத்து தென்கொரியா என்ற புது நாடு உருவாகியது.

இன்றுவரை அமெரிக்காவின் கைப்பாவையாகவே தென்கொரிய அதிபர்கள் செயல்பட்டு வருவதாக வடகொரியா நினைக்கிறது. கொரிய தீபகற்பத்தில் அமெரிக்காவின் பிடியில் சிக்கியிருக்கும் தென்கொரியாவை தனதாக்கிக்கொண்டு ஒருங்கிணைந்த கொரியாவை உருவாக்க கிம் ஜாங் உன் முயற்சி மேற்கொண்டு வருகிறார்.


latest tamil news


இதற்காகவே அண்டை நாடுகளான ஜப்பான், தென்கொரியா ஆகிய நாடுகளையும் அமெரிக்காவையும் தனது அணு ஆயுத சோதனை மூலம் வட கொரியா அச்சுறுத்தி வருவது குறிப்பிடத்தக்கது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X