நீட் தேர்வை ரத்து செய்யக்கோரிய மனு; உச்சநீதிமன்றம் தள்ளுபடி

Updated : அக் 04, 2021 | Added : அக் 04, 2021 | கருத்துகள் (71)
Share
Advertisement
புதுடில்லி: இந்தாண்டு நடைபெற்ற நீட் தேர்வை ரத்து செய்யக்கோரி தேர்வெழுதிய மாணவர்கள் தாக்கல் செய்த மனுவை உச்சநீதிமன்றம் தள்ளுபடி செய்தது.நாடு முழுவதும் எம்.பி.பி.எஸ்., பி.டி.எஸ்., சித்தா, ஆயுர்வேதா, யுனானி, ஓமியோபதி உட்பட இளநிலை மருத்துவப் படிப்புகளுக்கு நீட் தேர்வு மூலம் மாணவர் சேர்க்கை நடைபெற்று வருகிறது. கொரோனா பரவல் காரணமாக இந்தாண்டு செப்டம்பர் 12ம் தேதி தேர்வு
NEET, Supreme Court, Dismisses, Plea, Cancel NEET, Malpractices, நீட், தேர்வு, ரத்து, மனு, தாக்கல், தள்ளுபடி, உச்சநீதிமன்றம், சுப்ரீம் கோர்ட்

புதுடில்லி: இந்தாண்டு நடைபெற்ற நீட் தேர்வை ரத்து செய்யக்கோரி தேர்வெழுதிய மாணவர்கள் தாக்கல் செய்த மனுவை உச்சநீதிமன்றம் தள்ளுபடி செய்தது.

நாடு முழுவதும் எம்.பி.பி.எஸ்., பி.டி.எஸ்., சித்தா, ஆயுர்வேதா, யுனானி, ஓமியோபதி உட்பட இளநிலை மருத்துவப் படிப்புகளுக்கு நீட் தேர்வு மூலம் மாணவர் சேர்க்கை நடைபெற்று வருகிறது. கொரோனா பரவல் காரணமாக இந்தாண்டு செப்டம்பர் 12ம் தேதி தேர்வு நடைபெற்றது. இத்தேர்வுக்கு முன்னதாக உத்தர பிரதேசம், மஹாராஷ்டிரா, ராஜஸ்தான் உள்ளிட்ட பல மாநிலங்களில் வினாத்தாள் கசிந்ததாக செய்திகள் வெளிவந்தன. இதையடுத்து, செப்.,12ல் நடைபெற்ற நீட் தேர்வை ரத்து செய்யக் கோரி தேர்வு எழுதிய மாணவர்கள் சார்பில் உச்சநீதிமன்றத்தில் மனுத்தாக்கல் செய்யப்பட்டது.

அந்த மனுவில், ‛நீட் வினாத்தாளை பயிற்சி மையங்களில் முன்கூட்டியே வழங்கி முறைகேடு நடந்துள்ளது. நடந்து முடிந்த நீட் தேர்வை ரத்து செய்துவிட்டு மீண்டும் தேர்வு நடத்த உத்தரவிட வேண்டும். இந்த வழக்கு முடியும் வரை நீட் தேர்வு முடிவுகளை வெளியிடக்கூடாது. நீட் தேர்வு மையங்களில் பயோமெட்ரிக் சோதனை, ஜாமர் உள்ளிட்ட கருவிகள் பொருத்த உத்தரவிட வேண்டும்,' எனக் குறிப்பிடப்பட்டிருந்தது. இந்த மனு இன்று (அக்.,04) உச்சநீதிமன்றத்தில் நீதிபதிகள் நாகேஷ்வர ராவ் மற்றும் கவாய் ஆகியோர் அமர்வில் விசாரணைக்கு வந்தது.


latest tamil news


வழக்கு விசாரணையின்போது நீதிபதி நாகேஷ்வர ராவ் கூறுகையில், ‛7.5 லட்சம் மாணவர்கள் எழுதியுள்ள ஒரு தேர்வை, 5 எப்.ஐ.ஆர். பதிவாகியிருப்பதை வைத்து மட்டும் அத்தேர்வு செல்லாது என நீதிமன்றம் சொல்லாது என உங்களுக்கே தெரியாதா? இந்த மனுதாரர் தன்னை ஏதோ சாகசக்காரர் என நினைத்து இப்படியான ரிட் மனுவை அளித்துள்ளார். இம்மனு ரூ.5 லட்சம் அபராதத் தொகையுடன் தள்ளுபடி செய்யப்படுகிறது. அபராதத் தொகையை மனுதாரர் தரப்பு வழக்கறிஞர் தான் செலுத்த வேண்டும்,' எனக் கூறினார்.


latest tamil news


மேலும் அவர் கூறுகையில், ‛என்ன மாதிரியான ரிட் மனுவை நீங்கள் பதிவு செய்திருக்கின்றீர்கள் என உங்களுக்கு தெரிகிறதா? உங்களிடம் இதுபற்றி வழக்கு போட வேண்டும் என மனுதாரர் சொன்னபோதே, இம்மனுவை பதிவுசெய்தால் நீதிமன்றத்தில் அது அபராதத்துடன் தள்ளுபடி செய்யப்படும் என உங்களுக்கே தெரியாதா?,' என வழக்கறிஞரை நீதிபதி நாகேஷ்வர ராவ் கடுமையாக சாடினார். இதனையடுத்து, அபராதத் தொகையை ரத்து செய்யும்படி வழக்கறிஞர் கேட்டுக்கொண்டதால், அதை ஏற்றுக்கொண்டு அபராதத்தை மட்டும் ரத்து செய்வதாக நீதிபதி அறிவித்தார்.

Advertisement




வாசகர் கருத்து (71)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Coimbatore - Coimbatore,ஐக்கிய அரபு நாடுகள்
04-அக்-202123:44:12 IST Report Abuse
Coimbatore Five Lakhs fine should be paid by the lawyer as well as by the students. Excellent verdict by SC. Thanks
Rate this:
Cancel
venkates - ngr,இந்தியா
04-அக்-202123:19:01 IST Report Abuse
venkates திராவிட அரசியலுக்கு மாணவர்களின் எதிர்காலம்? தமிழர்களின் ஆரோக்கியம் ? சிலர் வாழ ,தமிழகத்தை பலிக்கடாவாக்கலாமா?
Rate this:
Cancel
04-அக்-202122:35:19 IST Report Abuse
விஜய், கோவை கல்வி தரம் உயர்த்த வேண்டும்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X