மும்பை, பெங்களூரு நிறுவனங்களில் வரித் துறை சோதனை! வெளிநாட்டு வங்கி முதலீடுகள், சொத்துக்கள் சிக்கின

Updated : அக் 06, 2021 | Added : அக் 04, 2021 | கருத்துகள் (5)
Share
Advertisement
புதுடில்லி :மும்பை, பெங்களூரு உட்பட நாட்டின் பல்வேறு பகுதிகளில் சில தனி நபர்கள் மற்றும் நிறுவனங்களில் வருமான வரித் துறையினர் நடத்திய அதிரடிச் சோதனையில் ஏராளமான வெளிநாட்டு வங்கி கணக்குகள், கணக்கில் வராத சொத்துக்கள் கைப்பற்றப்பட்டதாக மத்திய நேரடி வரிகள் வாரிய அதிகாரிகள் நேற்று தெரிவித்தனர்.மஹாராஷ்டிராவின் மும்பை, புனே, உத்தர பிரதேசத்தின் நொய்டா, கர்நாடகாவின்
மும்பை, பெங்களூரு ,வரித் துறை, சோதனை, வங்கி முதலீடுகள், சொத்துக்கள் சிக்கின

புதுடில்லி :மும்பை, பெங்களூரு உட்பட நாட்டின் பல்வேறு பகுதிகளில் சில தனி நபர்கள் மற்றும் நிறுவனங்களில் வருமான வரித் துறையினர் நடத்திய அதிரடிச் சோதனையில் ஏராளமான வெளிநாட்டு வங்கி கணக்குகள், கணக்கில் வராத சொத்துக்கள் கைப்பற்றப்பட்டதாக மத்திய நேரடி வரிகள் வாரிய அதிகாரிகள் நேற்று தெரிவித்தனர்.

மஹாராஷ்டிராவின் மும்பை, புனே, உத்தர பிரதேசத்தின் நொய்டா, கர்நாடகாவின் பெங்களூரு உள்ளிட்ட நகரங்களைச் சேர்ந்த சில தனி நபர்கள் மற்றும் நிறுவனங்களுக்குச் சொந்தமான 37 இடங்களில், வருமான வரித் துறை அதிகாரிகள் சமீபத்தில் அதிரடிச் சோதனை நடத்தினர்.

சோதனைக்கு உட்படுத்தப்பட்ட நபர்கள், 'கேபிள்' தயாரிப்பு, ரியல் எஸ்டேட், ஜவுளி, அச்சக இயந்திரங்கள், ஓட்டல்கள், சரக்கு போக்குவரத்து உள்ளிட்ட பல்வேறு துறைகளைச் சேர்ந்தவர்கள் என தகவல் வெளியாகி உள்ளது.இந்த சோதனை குறித்து, மத்திய நேரடி வரிகள் வாரியம் நேற்று வெளியிட்ட அறிக்கையில் கூறப்பட்டுள்ளதாவது:வருமான வரி சோதனை நடந்த இடங்களில் இருந்து, வெளிநாட்டு வங்கிகளில் பணம் முதலீடு செய்ததற்கான ஆவணங்கள், டைரிகள், 'இ - மெயில்' மற்றும் இதர 'டிஜிட்டல்' ஆதாரங்கள் கிடைத்துள்ளன.


இடம் மாற்றம்



அசையா சொத்துக்கள் வாங்கி குவித்ததற்கான ஆதாரங்களும் சிக்கிஉள்ளன. இவை அனைத்தும் கணக்கில் காட்டப்படவில்லை.இந்த தனி நபர்களும், நிறுவனங்களும், வளைகுடா நாடுகளில் ஒன்றான ஐக்கிய அரபு எமிரேட்சின் துபாயை சேர்ந்த நிதி ஆலோசனை நிறுவனத்தின் உதவியுடன், பல்வேறு நாட்டு வங்கிகளில் பணம் முதலீடு செய்துள்ளன.

கிழக்கு ஆப்ரிக்க நாடான மொரீஷியஸ் மற்றும் ஐக்கிய அரபு எமிரேட்ஸ், கரீபிய தீவு நாடான பிரிட்டிஷ் விர்ஜின் தீவு உட்பட பல்வேறு நாடுகளில் போலி நிறுவனங்கள் மற்றும் அறக்கட்டளை துவங்கி, வரி ஏய்ப்பு செய்த பணம் அங்கு முதலீடு செய்யப்பட்டுள்ளன.இதற்கு, துபாய் நிதி ஆலோசனை நிறுவனம் உதவி செய்துள்ளது. இந்த போலி நிறுவன முதலீடுகள் 10 ஆண்டுகளுக்கும் மேலாக நீடித்து வருகிறது. இதில் சேரும் பணத்தை, சுவிட்சர்லாந்து, ஐக்கிய அரபு எமிரேட்ஸ், மலேஷியா உள்ளிட்ட நாடுகளில் உள்ள வங்கிகளுக்கு இடம் மாற்றம் செய்துள்ளனர். இந்த வங்கிகளில் 750 கோடி ரூபாய்க்கும் அதிகமாக பணம் முதலீடு செய்யப்பட்டுள்ளது.


வங்கி கணக்கு முடக்கம்



சமீபத்தில் நடந்த சோதனையின் போது, ௨ கோடி ரூபாய் மதிப்பிலான நகைகள், ரொக்கம் கைப்பற்றப்பட்டன; 50 வங்கி கணக்குகள் முடக்கப்பட்டன.வெளிநாட்டு வங்கிகளில் முதலீடு செய்துள்ள பணத்தை வைத்து போலி நிறுவனங்கள் பெயரில் பிரிட்டன், போர்ச்சுகல், ஐக்கிய அரபு எமிரேட்ஸ் உள்ளிட்ட நாடுகளில் அசையா சொத்துக்களை வாங்கியதற்கான ஆதாரங்கள் கிடைத்துள்ளன. இவ்வாறு அதில் கூறப்பட்டுள்ளது.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.Isaac - bangalore,இந்தியா
05-அக்-202117:21:13 IST Report Abuse
J.Isaac நிறுவனத்தின் பெயர் என்னவோ?
Rate this:
Cancel
Nagar - Dukhan ,கத்தார்
05-அக்-202107:24:18 IST Report Abuse
Nagar நாட்டு மக்களை கொள்ளை அடித்து அரசியல் வாதிகளும் அவர்களுக்கு துணை போன தொழிலதிபர்களும் சிறை செல்லும் நேரம் வந்து விட்டது.
Rate this:
Cancel
கௌடில்யன் - Chennai ,இந்தியா
05-அக்-202106:20:23 IST Report Abuse
கௌடில்யன் இந்த கம்பெனி பெயரை சொல்ல கூடாது என்று யார் தடுத்தார்கள் ..
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X