‛ஜியோ இணைப்பில் சிக்கல்; சமூக ஊடகத்தில் குவிந்தது மீம்ஸ்| Dinamalar

பொது செய்தி

இந்தியா

‛ஜியோ' இணைப்பில் சிக்கல்; சமூக ஊடகத்தில் குவிந்தது மீம்ஸ்

Updated : அக் 07, 2021 | Added : அக் 07, 2021 | கருத்துகள் (8)
Share
புதுடில்லி: 'ரிலையன்ஸ் ஜியோ' சேவையில் பரவலான குறைபாடு ஏற்பட்டதை அடுத்து, சமூக வலைதளங்களில் புகார்கள் மற்றும் 'மீம்'கள் குவிந்தன.'பேஸ்புக், வாட்ஸ் ஆப், இன்ஸ்டாகிராம்' உள்ளிட்ட சமூக ஊடகங்கள், உலகின் பல்வேறு பகுதிகளிலும் கடந்த சில தினங்களுக்கு முன் முடங்கின. ஆறு மணி நேரத்திற்குப் பின் தொழில் நுட்பக்கோளாறு சரி செய்யப்பட்டது.தற்காலிக முடக்கம்இந்த
JioDown, Reliance, Memes, ஜியோ, இணைப்பு, சிக்கல், மீம்ஸ்

புதுடில்லி: 'ரிலையன்ஸ் ஜியோ' சேவையில் பரவலான குறைபாடு ஏற்பட்டதை அடுத்து, சமூக வலைதளங்களில் புகார்கள் மற்றும் 'மீம்'கள் குவிந்தன.

'பேஸ்புக், வாட்ஸ் ஆப், இன்ஸ்டாகிராம்' உள்ளிட்ட சமூக ஊடகங்கள், உலகின் பல்வேறு பகுதிகளிலும் கடந்த சில தினங்களுக்கு முன் முடங்கின. ஆறு மணி நேரத்திற்குப் பின் தொழில் நுட்பக்கோளாறு சரி செய்யப்பட்டது.


தற்காலிக முடக்கம்

இந்த சம்பவத்தின் போது, 'பேஸ்புக்' நிறுவனத்தையும் அதன் நிறுவனர் மார்க் ஜுகர்பெர்க்கையும் விமர்சித்து, 'டுவிட்டர்' உள்ளிட்ட இதர சமூக வலைதளங்களில் விமர்சனங்கள் குவிந்தன.


latest tamil news


இந்நிலையில், ரிலையன்ஸ் ஜியோ நிறுவனத்தின், 'மொபைல் போன்' சேவையில் பரவலாக சிக்கல் ஏற்பட்டது. ஏராளமான வாடிக்கையாளர்களின் இணையம் மற்றும் அலைபேசி சேவைகள் தற்காலிகமாக முடங்கின. இது குறித்து, பலர் சமூக ஊடகங்கள் வாயிலாக புகார் தெரிவித்தனர். ரிலையன்ஸ் நிறுவனத்தை கிண்டல் செய்து ஏராளமான மீம்ஸ்களும் பகிரப்பட்டன.


விரைவில் சீராகும்

இந்த குறைபாடு குறிப்பிட்ட பகுதிகளில் மட்டும் ஏற்பட்டதா? அல்லது நாடு முழுதும் பரவலாக ஏற்பட்டதா? என்பது குறித்து தகவல் இல்லை. சுமார் 4,000த்துக்கும் மேற்பட்ட பயனாளர்களின் இணைப்பு முடங்கியதாக கூறப்படுகிறது.இது குறித்து, ரிலையன்ஸ் ஜியோ வெளியிட்ட அறிக்கையில், 'சிரமத்திற்கு வருந்துகிறோம். தொழில்நுட்ப கோளாறு சரி செய்யப்பட்டு வருகிறது. விரைவில் இணைப்பு சீராகும்' என, தெரிவிக்கப்பட்டது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X