இந்தியர் வங்கி கணக்கு விபரம் வழங்கியது சுவிஸ் அரசு; சிக்குவது யார்?

Updated : அக் 13, 2021 | Added : அக் 11, 2021 | கருத்துகள் (33+ 7)
Share
Advertisement
புதுடில்லி :ஐரோப்பாவைச் சேர்ந்த சுவிட்சர்லாந்து அரசு, அங்குள்ள வங்கிகளில் இந்தியர்கள் 'டிபாசிட்' செய்துள்ள விபரங்களை மத்திய அரசுக்கு வழங்கியுள்ளது. பனாமா, பிரிட்டிஷ் விர்ஜின் தீவுகள், கேய்மன் தீவுகள் ஆகியவற்றில் நிறுவனங்களை துவக்கி, வரி ஏய்ப்பு செய்துள்ள இந்திய தொழிலதிபர்கள், அரசியல்வாதிகளின் பெயர்கள் இதில் இடம் பெற்றுள்ளதாக கூறப்படுகிறது. வரி ஏய்ப்பு
 இந்தியர் வங்கி கணக்கு , சுவிஸ் அரசு ,யார்?

புதுடில்லி :ஐரோப்பாவைச் சேர்ந்த சுவிட்சர்லாந்து அரசு, அங்குள்ள வங்கிகளில் இந்தியர்கள் 'டிபாசிட்' செய்துள்ள விபரங்களை மத்திய அரசுக்கு வழங்கியுள்ளது.

பனாமா, பிரிட்டிஷ் விர்ஜின் தீவுகள், கேய்மன் தீவுகள் ஆகியவற்றில் நிறுவனங்களை துவக்கி, வரி ஏய்ப்பு செய்துள்ள இந்திய தொழிலதிபர்கள், அரசியல்வாதிகளின் பெயர்கள் இதில் இடம் பெற்றுள்ளதாக கூறப்படுகிறது. வரி ஏய்ப்பு செய்வோர், தங்களின் கறுப்பு பணத்தை பதுக்கும் சொர்க்கமாக விளங்குகின்றன, சுவிட்சர்லாந்தில் உள்ள வங்கிகள். நம் நாட்டைச் சேர்ந்த தொழில் அதிபர்கள்,அரசியல்வாதிகள் பலரும், வருமான வரி செலுத்துவதை தவிர்க்க, சுவிஸ் வங்கிகளில் ஏராளமான கறுப்பு பணத்தை டிபாசிட் செய்துள்ளனர்.



பிரதமர் நரேந்திர மோடி தலைமையிலான மத்திய அரசு பதவியேற்றதும், கறுப்பு பணம் பதுக்குவோரை கண்டறிய அதிரடி நடவடிக்கைகள் மேற்கொள்ளப்பட்டன. இந்தியர்கள், சுவிஸ் நாட்டு வங்கிகளில் செய்யும் டிபாசிட் விபரங்களை பெறுவது தொடர்பாக, அந்நாட்டுடன் மத்திய அரசு ஒப்பந்தம் செய்தது. அதன் அடிப்படையில் 2019 முதல் சுவிஸ் அரசு, இந்தியர்களின் வங்கிக் கணக்கு விபரங்களை மத்திய அரசுக்கு வழங்கி வருகிறது. மூன்றாவது ஆண்டாக கடந்த மாதம் இத்தகைய தகவல்கள் மத்திய அரசிடம் அளிக்கப்பட்டுள்ளன.இது குறித்து சுவிஸ் மத்திய வரி நிர்வாகம் வெளியிட்டுள்ள அறிக்கையில் கூறப்பட்டுள்ளதாவது:இந்தாண்டு சுவிஸ் வங்கிகளில் டிபாசிட் செய்துள்ள 96 நாடுகளைச் சேர்ந்த 33 லட்சம் பேரின் நிதி விபரங்கள், சம்பந்தப்
பட்ட நாடுகளுக்கு வழங்கப்பட்டுள்ளன.

இந்தாண்டு கூடுதலாக, ஆன்டிகுவா - பார்புடா, அசர்பைஜான், டொமினிகா, லெபனான், கானா, சமோவா, பாக்., கத்தார் உள்ளிட்ட 10 நாடுகளுக்கு வங்கி கணக்கு விபரங்கள் அளிக்கப்பட்டுள்ளன. இதுதவிர, 70 நாடுகளிடம் பரஸ்பரம் வங்கிக் கணக்குகளை பரிமாறிக் கொள்ளும் ஒப்பந்தம் செய்யப்பட்டுள்ளது. சர்வதேச ரகசிய தகவல் விதிகளை கடைப்பிடிக்காத 14 நாடுகளுக்கு, வங்கிக் கணக்கு விபரங்கள் வழங்கப்படவில்லை; 12 நாடுகள், தகவல் கோரி விண்ணப்பிக்கவில்லை. இவ்வாறு அதில் கூறப்பட்டுள்ளது.

இந்தியாவிடம் அளிக்கப்பட்ட தகவல்களில் ஏராளமான தனி நபர்கள், நிறுவனங்கள் ஆகியவை சுவிட்சர்லாந்து நிதி நிறுவனங்களில் வைத்துள்ள கணக்கு விபரங்கள் இடம் பெற்றுள்ளதாக கூறப்படுகிறது.இது குறித்து, பெயர் குறிப்பிட விரும்பாத சுவிஸ் அதிகாரிகள் கூறியதாவது:சுவிஸ் அளித்துள்ள விபரங்களில் இந்தியாவைச் சேர்ந்த தொழில் அதிபர்களுடன், தற்போது அமெரிக்கா, பிரிட்டன், தென் கிழக்கு ஆசியா, ஆப்ரிக்கா மற்றும் தென் அமெரிக்க நாடுகளில் குடியேறியவர்களும் இடம் பெற்றுள்ளனர். அவர்களின் பெயர், குடியிருக்கும் நாடு, வருமான வரி கணக்கு எண், கணக்கு வைத்துள்ள வங்கி, நிதி நிறுவனம், அவர்கள் மேற்கொண்ட பரிவர்த்தனைகள், ரொக்க கையிருப்பு உள்ளிட்ட அனைத்து விபரங்களும் இந்தியாவிடம் வழங்கப்பட்டுள்ளன. இதனால் வரி ஏய்ப்பு செய்து சுவிஸ் வங்கிகளில் டிபாசிட் செய்துள்ளோரை சுலபமாக கண்டுபிடித்து, சட்டபூர்வ நடவடிக்கை எடுக்க முடியும்.

தற்போது அளித்துள்ள விபரங்கள் தவிர்த்து, இந்தாண்டு மத்திய அரசு கோரியுள்ள 100க்கும் மேற்பட்டோரின் நிதி விபரங்களை சுவிஸ் வழங்கியுள்ளது. நிதி முறைகேடு, வரி ஏய்ப்பு உள்ளிட்டவை தொடர்பாக ஆராய்வதற்கு இந்த விபரங்கள் கோரப்பட்டுள்ளன. எனினும் இந்த கணக்குகள் 2018ம் ஆண்டிற்கு முந்தையவை.இவற்றில் பனாமா, பிரிட்டிஷ் விர்ஜின் தீவுகள், கேய்மன் தீவுகள் ஆகியவற்றில் நிறுவனங்களை துவக்கி, வரி ஏய்ப்பு செய்துள்ள இந்திய தொழிலதிபர்கள், அவர்களின் குடும்பங்கள், அரசியல்வாதிகள் ஆகியோர் இடம் பெற்றுள்ளனர். இவ்வாறு அவர்கள் கூறினர்.


ரியல் எஸ்டேட் விபரங்களும் வரும்




சுவிட்சர்லாந்தில் உள்ள வங்கிகள், நிதி நிறுவனங்கள் ஆகியவற்றில் வெளிநாட்டினர் செய்துள்ள டிபாசிட் விபரங்கள், பரஸ்பர தகவல் பரிமாற்ற ஒப்பந்தத்தின்படி, 2018 முதல் வழங்கப்படுகின்றன. இந்த பட்டியலில் அடுத்து ரியல் எஸ்டேட் துறையையும் சேர்க்க, சுவிஸ் அரசு முதன் முறையாக ஒப்புக் கொண்டுள்ளது.இதன்படி வரி ஏய்ப்பு செய்து, சுவிட்சர்லாந்தில் மனை, பங்களா, பண்ணை வீடு போன்ற அசையா சொத்துக்களை வாங்கும் வெளிநாட்டினர் விபரங்களையும், சம்பந்தப்பட்ட நாடுகளுடன் பகிர்ந்து கொள்ள சுவிஸ் அரசு முடிவு செய்து உள்ளது. இதன் வாயிலாக இனி வரி ஏய்ப்பு செய்தோரின் சொத்துக்களையும் முடக்கலாம்.

Advertisement




வாசகர் கருத்து (33+ 7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ramamurthy N - Chennai,இந்தியா
12-அக்-202121:58:20 IST Report Abuse
Ramamurthy N ஆளுங்கட்சிக்கு ஆள் பிடிக்க மட்டுமே இந்த லிஸ்ட் பயன்படும். கட்சியில் சேர்ந்துவிட்டால் வெளியே பெயர் வராது. அடுத்த வருடம் 5 மாநிலங்களில் தேர்தல் முடியும்வரை பேசுவார்கள், அப்புறம் லிஸ்ட் காணாம போய்விடும்
Rate this:
Cancel
J.Isaac - bangalore,இந்தியா
12-அக்-202120:50:27 IST Report Abuse
J.Isaac Rajarajan // முதலில் உண்மையான ஊர் பெயரை எழுத தைரியமில்லையே. ஏற்கனவே வெளிவந்த இரண்டு பட்டியல் என்ன ஆனது ? எத்தனை காலந்தான் ஊரை ஏமாற்ற முடியும்? கையாலாகாதவர்கள் தகப்பன் சேர்த்து வைத்த சொத்தை உடல் நோகாமல் விற்று பந்தா பண்ணுவார்கள்.
Rate this:
Cancel
தஞ்சை மன்னர் - Thanjavur,இந்தியா
12-அக்-202120:32:07 IST Report Abuse
தஞ்சை மன்னர் வந்து என்ன பிரயோஜனம் அம்மா ஜல்லிக்கு பிரயோஜனம் இல்லை
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X