பயங்கரவாதத்திற்கு எதிராக ஒன்றுபட இந்தியா அழைப்பு

Updated : அக் 13, 2021 | Added : அக் 13, 2021 | கருத்துகள் (1)
Share
Advertisement
நுர் - சுல்தான்: ''பருவ நிலை மாற்றம், கொரோனா போன்றவற்றுக்கு எதிராக உலக நாடுகள் ஒன்றிணைந்துள்ளது போல, பயங்கரவாதத்திற்கு எதிராகவும் ஒன்றுபட்டு போராட வேண்டும்,'' என, வெளியுறவுத் துறை அமைச்சர் ஜெய்சங்கர் தெரிவித்துள்ளார்.மத்திய ஆசிய நாடுகளான கிர்கிஸ்தான், கஜகஸ்தான் மற்றும் ஆர்மேனியா ஆகியவற்றுக்கு நம் வெளியுறவுத்துறை அமைச்சர் ஜெய்சங்கர் சுற்றுப் பயணம்
Pakistan, terrorism, Jaishankar, India

நுர் - சுல்தான்: ''பருவ நிலை மாற்றம், கொரோனா போன்றவற்றுக்கு எதிராக உலக நாடுகள் ஒன்றிணைந்துள்ளது போல, பயங்கரவாதத்திற்கு எதிராகவும் ஒன்றுபட்டு போராட வேண்டும்,'' என, வெளியுறவுத் துறை அமைச்சர் ஜெய்சங்கர் தெரிவித்துள்ளார்.

மத்திய ஆசிய நாடுகளான கிர்கிஸ்தான், கஜகஸ்தான் மற்றும் ஆர்மேனியா ஆகியவற்றுக்கு நம் வெளியுறவுத்துறை அமைச்சர் ஜெய்சங்கர் சுற்றுப் பயணம் மேற்கொண்டுள்ளார். கிர்கிஸ்தான் பயணத்தை முடித்துக் கொண்டு நேற்று முன் தினம் கஜகஸ்தான் வந்து சேர்ந்தார்.கஜகஸ்தான் தலைநகர் நுர் - சுல்தானில் ஆசிய வெளியுறவு அமைச்சர்கள் மாநாட்டில் பங்கேற்றார்.

அப்போது அவர் பேசியதாவது: அமைதி மற்றும் வளர்ச்சி தான் நம் பொதுவான கொள்கை என்றால், பயங்கரவாதம் என்ற மிகப் பெரிய எதிரியை நாம் வெல்ல வேண்டும்.ஒரு நாட்டிற்கு எதிராக மற்றொரு நாடு பயங்கரவாதத்தை ஊக்குவிப்பதை அனுமதிக்கக் கூடாது. எல்லை தாண்டிய பயங்கரவாதத்தை துாண்டுவது ஒரு நாட்டிற்கு அழகு அல்ல; அது பயங்கரவாதத்தின் மற்றொரு வடிவம்.


latest tamil news



கொரோனா போன்ற கொடிய தொற்று நோய்கள், பருவ நிலை மாற்றப் பிரச்னைகள் ஆகியவற்றுக்கு எதிராக உலக நாடுகள் ஒருங்கிணைந்துள்ளது போல, பயங்கரவாதத்திற்கு எதிராகப் போராடவும் ஒன்றுபட வேண்டும்.குறுகிய கால ஆதாயத்திற்காக பயங்கரவாதம், மதவாதம், வன்முறை, இனவெறி ஆகியவற்றை துாண்டுகின்றனர். அவை ஒருநாள், துாண்டியவரையே பதம் பார்த்து விடும். இவ்வாறு அவர் பேசினார்.

இந்த மாநாட்டில் பயங்கரவாதத்தை துாண்டும் பாக்., குறித்தும், பாக்., ஆக்ரமிப்பு காஷ்மீர் வழியாக பொருளாதார வழித் தடம் அமைக்கும் சீனா பற்றியும் பெயர் குறிப்பிடாமல் ஜெய்சங்கர் பேசினார்.


ரஷ்ய அமைச்சருடன் ஜெய்சங்கர் சந்திப்பு


வெளியுறவுத்துறை அமைச்சர்கள் மாநாட்டின் இடைவெளியில் ரஷ்ய வெளியுறவுத்துறை அமைச்சர் செர்கெய் லாவ்ரவ்வை, நம் வெளியுறவுத் துறை அமைச்சர் ஜெய்சங்கர் சந்தித்து பேசினார். அப்போது இருநாட்டு உறவை வலுப்படுத்துவது, ஆப்கானிஸ்தான், இந்தோ - பசிபிக் பிரச்னைகள் குறித்து அவர்கள் விவாதித்தனர். கஜகஸ்தானில் இருந்து ஆர்மேனியா செல்லும் ஜெய்சங்கர், அந்நாட்டு வெளியுறவுத்துறை அமைச்சர் அராரத் மிர்ஸோயன் மற்றும் பிரதமர் நிகோல் பஷின்யான் ஆகியோரை சந்தித்து பேச உள்ளார்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sandru - Chennai,இந்தியா
13-அக்-202110:11:25 IST Report Abuse
Sandru உலகில் அணைத்து நாடுகளும் பயங்கரவாதத்தை எதிர்க்க வேண்டும் என்றால் அனைத்து நாடுகளும் ஒரே சமயத்தில் நமது பிரதமர் அறிவித்தது போல பண மதிப்பிழப்பு நடவடிக்கை அறிவிக்க வேண்டும். நம் நாட்டில் ஒழிந்தது போல பயங்கரவாதம் உலகெங்கும் ஒளிந்து விடும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X