மஹாத்மா காந்தி சொல்லித்தான் சவார்கர் கருணை மனு கொடுத்தார்: ராஜ்நாத் சிங்

Added : அக் 13, 2021 | கருத்துகள் (1)
Share
Advertisement
புதுடில்லி:'மஹாத்மா காந்தி வலியுறுத்தியதால் தான், சுதந்திர போராட்ட வீரர் வினாயக் தாமோதர் சவார்கர், பிரிட்டிஷ் அரசிடம் கருணை மனு கொடுத்தார். 'ஆனால், சவார்கர் குறித்து தொடர்ந்து பொய்யான தகவல்கள் பரப்பப்படுகின்றன' என, பா.ஜ., மூத்த தலைவரும், மத்திய ராணுவ அமைச்சருமான ராஜ்நாத் சிங் தெரிவித்தார்.விடுதலைபத்திரிகையாளரும், தகவல் ஆணையருமான உதய் மகுர்கர் எழுதியுள்ள வீர்

புதுடில்லி:'மஹாத்மா காந்தி வலியுறுத்தியதால் தான், சுதந்திர போராட்ட வீரர் வினாயக் தாமோதர் சவார்கர், பிரிட்டிஷ் அரசிடம் கருணை மனு கொடுத்தார். 'ஆனால், சவார்கர் குறித்து தொடர்ந்து பொய்யான தகவல்கள் பரப்பப்படுகின்றன' என, பா.ஜ., மூத்த தலைவரும், மத்திய ராணுவ அமைச்சருமான ராஜ்நாத் சிங் தெரிவித்தார்.
விடுதலைபத்திரிகையாளரும், தகவல் ஆணையருமான உதய் மகுர்கர் எழுதியுள்ள வீர் சவார்கர் குறித்து புத்தகம் வெளியீட்டு விழா, டில்லியில் நடந்தது. நிகழ்ச்சியில் ராஜ்நாத் சிங் பேசியதாவது:
சவார்கர் குறித்து பொய்த் தகவல்கள் காலம் காலமாக பரப்பப்பட்டு வருகிறது. பிரிட்டிஷ் ஆட்சி காலத்தில் சிறையில் அடைக்கப்பட்ட அவர், விடுதலை செய்யுமாறு கருணை மனு கொடுத்த தாக மீண்டும் மீண்டும் பொய்யை கூறி வருகின்றனர்.சிறையில் அடைக்கப்பட்டவர்கள், விடுதலை செய்யுமாறு கேட்பது இயற்கைதான்.ஆனால், வீர் சவார்கர், தனக்காக விடுதலை செய்ய வேண்டும் என்று கேட்கவில்லை.

மஹாத்மா காந்தி கூறியதால் தான், கருணை மனுவை அவர் கொடுத்தார்.அஹிம்சை வழியில் நடந்து வரும் சுதந்திர போராட்டத்தில் பங்கேற்கும் வகையில் சவார்கர் விடுதலை செய்யப்பட வேண்டும் என, மஹாத்மா காந்தி விரும்பினார்.ஆனால், மார்க்சிஸ்ட், லெனினிஸ்ட் கொள்கை உள்ளவர்கள், சவார்கர் குறித்து தொடர்ந்து பொய்களை பரப்புகின்றனர். பொதுவுடைமை எதிர்ப்பாளராக அவரை பொய்யாக சித்தரித்துள்ளனர்.

வரலாறுகொள்கையில் வித்தி யாசம் இருக்கலாம். ஆனால், சுதந்திரத்திற்காக போராடிய மிகச் சிறந்த தலைவரை சிறுமைபடுத்தக் கூடாது. மிகச் சிறந்த தேசியவாதியான சவார்கர், நாட்டின் முதல் ராணுவ யுக்தி நிபுணராகவும் இருந்தார்.அவருக்கு முக்கியத்துவம் தந்திருந்தால், நாடு இரண்டாக பிரிந்திருக்காது.இவ்வாறு அவர் பேசினார்.

ராஜ்நாத் சிங்கின் இந்த பேச்சுக்கு, ஏ.ஐ.எம்.ஐ.எம்., தலைவர் அசாதுதீன் ஓவைசி எதிர்ப்பு தெரிவித்து உள்ளார்.'வரலாற்றை திரிக்க முயற்சிக்கிறார்கள். இது தொடர்ந்தால், மஹாத்மா காந்தியை தள்ளி வைத்து, சவார்கரை தேசத் தந்தையாக அறிவித்து விடுவார்கள்' என, அவர் கூறிஉள்ளார்.


திட்டமிட்ட சதி!

நிகழ்ச்சியில், ஆர்.எஸ்.எஸ்., தலைவர் மோகன் பாகவத் பேசியதாவது:நாடு சுதந்திரம் அடைந்த பின், சவார்கர், சுவாமி விவேகானந்தர் உட்பட சிலரை இழிவுபடுத்தும் திட்டமிட்ட சதி பிரசாரம் நடந்தது. தற்போதும், ஆர்.எஸ்.எஸ்., அமைப்பு மற்றும் ஹிந்து மகாசபையை உருவாக்கிய சவார்கர் குறித்து தொடர்ந்து பொய்யான விமர்சனங்களை முன்வைத்து வருகின்றனர்.

நாடு ஒற்றுமையுடன் இருப்பதை விரும்பாத வர்களே, சவார்கரை எதிர்க்கின்றனர். தேசிய வாதத்தை ஆதரித்த அனைவருக்கும் சம உரிமையை வலியுறுத்தியவர் சவார்கர்.நம்மிடையே வேறுபாடுகள் இருக்கலாம். ஆனாலும், ஒற்றுமையுடன் இருப்போம்; இதுதான் இந்தியா. உதாரணத்துக்கு பார்லி.,யில், கட்சியினர் கடுமையாக மோதிக் கொள்வர். ஆனால், வெளியே சேர்ந்து டீ குடிப்பர். ஹிந்துத்துவா, தேசியவாதம் குறித்து சவார்கர் போல் அனைவரும் சத்தமாக பேசியிருந்தால், இந்த நாடு பிளவுபட்டிருக்காது.இவ்வாறு அவர் பேசினார்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
natarajan s - chennai,இந்தியா
14-அக்-202108:12:18 IST Report Abuse
natarajan s முன்னாள் பிரதமர் ராஜிவ் காந்தியை கொன்றவர்களுக்கு உடன்பணிசெய்த நபர்கள் இன்னும் எங்களை விடுதலை செய்ய வேண்டும் என்று கூறுவதும், அதற்க்கு ஒரு சட்ட மன்றம் தீர்மானம் மிக்கதும் ஒரு நாட்டில் , எவ்வளவு கொள்ளை அடித்தாலும் உத்தமர் போல் வெளி வேஷம் போடும் தற்கால அரசியல்வாதிகள் போல் அல்லாமல் தனது விடுதலைக்கு முயற்சி செய்ததில் வீர் சாவர்க்கர் என்ன தவறு செய்து விட்டார், என்று இவர்கள் இதனை ஆண்டுகாலம் சென்றும் அவரை குறை சொல்கிறார்கள் . அவர் தனது நாட்டின் விடுதலைக்கு தான் வெளியில் இருந்தால் போராடடஹி விரிவு படுத்தலாம் என்றே மன்னிப்பு கடிதம் கொடுத்து இருப்பார், இதில் என்ன தவறு . இவரை பற்றி பேசுபவர்களின் எத்தனை பேர் விடுதலை போராட்ட காலத்தில் இருந்தவர்கள் ? தமிழ்நாட்டில், ஒரு கட்சி தலைவர் வேலூர் சிறையில் இருந்தபோது, தனது தாய் கட்சி தலைவர் தன்னை வந்து சந்தித்தால் தனக்கு விடுதலை கிடைக்கும் என்று தூது விட்டு, அவரும் வந்து சந்தித்து அதன் பின் அவர் வெளியில் வந்து, தற்போது அவர்களிடமே சரணாகதி அடைந்து உள்ள அரசியலை விட வீர் சாவர்க்கர் செய்தது தவறில்லை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X