அரசியல் செய்தி

தமிழ்நாடு

எஜமான விசுவாசத்தில் போலீசாரை மிஞ்சிய ஆணையம்: அண்ணாமலை

Added : அக் 13, 2021
Share
Advertisement
சென்னை:'உள்ளாட்சி தேர்தலை பார்க்கும்போது, மாநில தேர்தல் ஆணையம், ஆளுங்கட்சியினருக்கு காட்டிய எஜமான விசுவாசம், தமிழக காவல் துறையையே மிஞ்சிவிட்டது' என, தமிழக பா.ஜ., தலைவர் அண்ணாமலை தெரிவித்துள்ளார்.அவரது அறிக்கை: தி.மு.க.,வை வெற்றி பெற செய்ய வேண்டும் என, தேர்தல் நாடகத்தின் இறுதி காட்சி உறுதி செய்யப்பட்டு, தேர்தல் ஆணையத்திற்கு உத்தரவு வழங்கப்பட்டு விட்டது. அதை நிறைவேற்ற,

சென்னை:'உள்ளாட்சி தேர்தலை பார்க்கும்போது, மாநில தேர்தல் ஆணையம், ஆளுங்கட்சியினருக்கு காட்டிய எஜமான விசுவாசம், தமிழக காவல் துறையையே மிஞ்சிவிட்டது' என, தமிழக பா.ஜ., தலைவர் அண்ணாமலை தெரிவித்துள்ளார்.

அவரது அறிக்கை: தி.மு.க.,வை வெற்றி பெற செய்ய வேண்டும் என, தேர்தல் நாடகத்தின் இறுதி காட்சி உறுதி செய்யப்பட்டு, தேர்தல் ஆணையத்திற்கு உத்தரவு வழங்கப்பட்டு விட்டது. அதை நிறைவேற்ற, மாற்று கட்சிகளின் வெற்றி வேட்பாளர்களை கண்டறிந்து, அவர்களின் வேட்பு மனுக்களை காரணமே இல்லாமல் தள்ளுபடி செய்த அவலம் மிக கேவலம்.

தேர்தல் ஆணையம் தி.மு.க.,வின் வெற்றிக்கான முன்னுரையை வேட்புமனு தாக்கல் தொடக்கத்திலேயே எழுத தொடங்கிவிட்டது. தி.மு.க., ஆட்சி அமைந்த பின், மிக விசுவாசியாக நடந்து கொள்வதில், தமிழக காவல் துறை போட்டியின்றி முதலிடத்தில் இருந்தது.

தற்போது நடந்து முடிந்த உள்ளாட்சி தேர்தலை பார்க்கும்போது, தேர்தல் ஆணையம், ஆளுங்கட்சியினருக்கு காட்டிய எஜமான விசுவாசம், காவல் துறையையே மிஞ்சிவிட்டது. தேர்தல் ஆணையமும், காவல் துறையும் கைகோர்த்து கொண்டு, தி.மு.க.,வின் வெற்றிக்கு அரும்பாடுபட்ட அவலத்தை, தமிழக மக்கள் முகம் சுளித்து பார்த்து கொண்டிருந்தனர்.

தோழமை அ.தி.மு.க.,வின் நிர்வாகிகளும், பா.ஜ., நிர்வாகிகளும் பரவலாக அனைத்து தொகுதிகளிலும் காரணங்கள் ஏதுமின்றி கைது செய்யப்பட்டனர். ஓட்டு எண்ணும் மையங்களில் வெளிப்படையான தன்மை கடைப்பிடிக்கப்படவில்லை.சில இடங்களில் வெற்றிபெற்ற வேட்பாளர்களையும், தோல்வியுற்றவர்களாக அறிவித்த கொடுமையும் நடந்தது.

கடிமான சூழலில் கடமை தவறாமல் பணியாற்றிய பா.ஜ.,வின் தோழமை கட்சியின் தொண்டர்களுக்கு பாராட்டுக்களை தெரிவித்து கொள்கிறேன்.இவ்வாறு அண்ணாமலை கூறியுள்ளார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X